پاکستان کے تمام علماء کرام و مشائخ عظام پاک فوج کیساتھ ڈٹ کر کھڑے ہیں، علامہ افتخار نقوی
اشاعت کی تاریخ: 3rd, May 2025 GMT
رکن اسلامی نظریاتی کونسل پاکستان و چیئرمین امام خمینی ٹرسٹ علامہ سید افتخار حسین نقوی النجفی سے اُن کے دفتر منتہائے نور مرکز تحقیقات میں مرکزی سیکرٹری شیعہ علماء کونسل پاکستان و سربراہ الزہراء اکیڈمی (کراچی) علامہ شبیر حسن میثمی نے ہمراہ وفد ملاقات کی۔ اسلام ٹائمز۔ رکن اسلامی نظریاتی کونسل پاکستان و چیئرمین امام خمینی ٹرسٹ علامہ سید افتخار حسین نقوی النجفی سے اُن کے دفتر منتہائے نور مرکز تحقیقات میں مرکزی سیکرٹری شیعہ علماء کونسل پاکستان و سربراہ الزہراء اکیڈمی (کراچی) علامہ شبیر حسن میثمی نے ہمراہ وفد ملاقات کی۔ ملاقات میں ملکی صورتحال خصوصاًٍ پہلگام واقعہ کے بعد بھارت کی جانب سے سندھ طاس معاہدہ کی معطلی اور بھارتی مذموم عزائم پر گفتگو کی گئی۔ علامہ سید افتخار حسین نقوی النجفی نے گفتگو کرتے ہوئے کہا کہ مملکت خداداد اسلامی جمہوریہ پاکستان کے تمام علماء کرام و مشائخ عظام پاک فوج کے ساتھ ڈٹ کر کھڑے ہیں ،مملکت خداداد پاکستان پر کوئی آنچ نہیں آنے دیں اور ملک کے چپہ چپہ کی حفاظت کے لیے سینہ سپر ہیں۔ انہوں نے کہا کہ اس وقت سیاسی اختلافات کو بھلا کر قوم کو یکجا ہونے کی ضرورت ہے اور دشمن کی جانب سے حملہ کی صورت میں منہ توڑ جواب دیا جائے گا۔
دریں اثناء علامہ سید افتخار حسین نقوی النجفی نے علامہ شبیر حسن میثمی کو قم المقدسہ ایران میں رہائشی منصوبہ ’’امام علی نقی الھادی ؑ رہائشی کمپلیکس‘‘بارے تفصیلی بریفنگ دی، جس پر انہوں نے بھرپور تعاون اور خوشی کا اظہار کیا اور الزہراء اکیڈمی کی جانب سے شائع شدہ کتب دریچۂ سعادت (کامیابی کے راز)، عرفان (دُعائے عرفہ)، توحید مفضل اور جسم کے عجائبات پیش کیں۔ اس موقع پر علامہ سید افتخار حسین نقوی نے بھی اپنی تالیف شدہ کتب ’’مسلم عائلی قوانین بمطابق فقہ جعفری‘‘، ’’موسوعہ قوانین اسلام‘‘اور مفتی ہاشم نقشبندی کی تالیف شدہ کتاب: ’’اہل البیت علیہم السلام‘‘ پیش کی۔ وفد میں مرکزی سیکرٹری اطلاعات شیعہ علماء کونسل زاہد علی اخونزادہ، مولانا امداد علی گھلو، مولانا فیاض مطہری، سید رفعت زیدی اور سید اخلاق اختر زیدی موجود تھے۔
ذریعہ: Islam Times
کلیدی لفظ: کونسل پاکستان
پڑھیں:
پاکستان چین کے تعاون سے پی اے آر سی میں جامع اصلاحات کرے گا: رانا تنویر
وفاقی وزیر برائے قومی غذائی تحفظ و تحقیق رانا تنویر حسین نے کہا ہے کہ پاکستان چین کے تعاون سے پاکستان ایگریکلچرل ریسرچ کونسل (پی اے آر سی) میں اسٹریٹیجک ریفارم اینڈ کوآپریشن پلان کے تحت جامع اصلاحات متعارف کرائے گا۔جمعہ کو اسلام آباد میں اعلیٰ سطحی اجلاس کی صدارت کرتے ہوئے رانا تنویر حسین نے کہا کہ حکومت پی اے آر سی کو ایک جدید، مؤثر اور جدت پر مبنی ادارے میں تبدیل کرنے کے لیے پُرعزم ہے جو ملک کے غذائی تحفظ کے ایجنڈے کی قیادت کر سکے۔
وفاقی وزیر نے چینی وزارت زراعت و دیہی امور اور چائنیز اکیڈمی آف ایگریکلچرل سائنسز کی کوششوں کو سراہا جنہوں نے پاکستان کے زرعی تحقیقاتی شعبے کے لیے ایک جامع اور مستقبل پر نظر رکھنے والا اصلاحاتی روڈمیپ تیار کرنے میں بھرپور معاونت فراہم کی۔رانا تنویر حسین نے ہدایت کی کہ اصلاحاتی منصوبے پر بروقت عملدرآمد یقینی بنانے کے لیے ایک اعلیٰ سطحی نفاذی کمیٹی تشکیل دی جائے جو واضح اہداف اور جوابدہی کے نظام کے تحت کام کرے۔
پاکستان کا بھارت سے ملنے والی اپنی فضائی حدود 2 روز کیلیے بند کرنے کا فیصلہ