برسلز میں بھارتی سفارتخانے کے سامنے احتجاجی مظاہرہ
اشاعت کی تاریخ: 10th, May 2025 GMT
کشمیر کونسل ای یو کے زیراہتمام مظاہرے میں زندگی کے مختلف شعبوں سے تعلق رکھنے والے پاکستانیوں، کشمیریوں اور ان کے ہمدردوں کی بڑی تعداد اور متعدد سیاسی و سماجی اور انسانی حقوق کی تنظیموں کے نمائندوں نے شرکت کی۔ اسلام ٹائمز۔ یورپی یونین کے ہیڈ کوارٹر برسلز میں جمعہ کو بھارتی سفارتخانے کے سامنے بھرپور احتجاج کیا گیا، مظاہرین نے پاکستان پر بھارتی حملوں کی مذمت کی۔ بھارت کی طرف سے آزاد کشمیر اور پاکستان کے مختلف علاقوں پر 7 اور 8 مئی کی رات کو تاریکی میں پے درپے جارحانہ حملوں کے خلاف آج کشمیر کونسل ای یو اور دیگر سیاسی و سماجی تنظیموں نے برسلز میں بھارتی سفارتخانے کے سامنے احتجاجی مظاہرہ کیا۔ مظاہرے میں زندگی کے مختلف شعبوں سے تعلق رکھنے والے پاکستانیوں، کشمیریوں اور ان کے ہمدردوں کی بڑی تعداد اور متعدد سیاسی و سماجی اور انسانی حقوق کی تنظیموں کے نمائندوں نے شرکت کی۔ مظاہرین نے پلے کارڈز اور بینرز اٹھا رکھے تھے جن پر پاکستان اور آزاد کشمیر پر مسلسل بھارتی جارحیت کی مذمت اور امن کے حق میں نعرے درج تھے۔ مظاہرے کے شرکاء نے بھارتی حملوں اور بھارت کے مذموم عزائم کے خلاف نعرے لگائے اور عالمی برادری سے مطالبہ کیا کہ وہ بھارت کے اشتعال انگیز حملوں سے پیدا ہونے والی گھمبیر صورتحال کا فوری طور پر نوٹس لے۔
مظاہرے کے منتظمیں میں کشمیر کونسل ای یو کے رہنماؤں کے علاوہ دیگر سیاسی، سماجی اور انسانی حقوق کی تنظیموں کے نمائندے اور رہنماء بھی شامل تھے۔ ان تنظیموں میں مسلم لیگ، پی پی پی، ای یو پاک بلجیم فیڈریشن، استحکام پاکستان، ہم ہیں پاکستان، پاکستان میناریٹی لیگل ایڈ اور اتفاق ویلفیئر سوسائٹی قابل ذکر ہیں۔ مظاہرے سے خطاب کرتے ہوئے مقررین نے کہا کہ بھارت کے مساجد اور سویلین آبادی پر فضائی حملے بزدلانہ اور شرمناک حرکت ہے جس کی جتنی بھی مذمت کی جائے کم ہے۔ بھارت نے پہلے رات کے اندھیرے میں لڑاکا جہازوں سے پاکستان اور آزاد کشمیر پر خطرناک میزائل چلائے اور دوسری رات جنگی ڈرون پاکستان کی طرف روانہ کیے۔
اس موقع پر چیئرمین کشمیر کونسل ای یو علی رضا سید نے کہا کہ بھارتی جارحانہ اقدامات بین الاقوامی قوانین کی خلاف ورزی ہیں۔ بھارت نے بلاوجہ پاکستان کی حدود کی خلاف ورزی کی ہے۔ بھارت کی وحشیانہ جارحیت سے پورے خطے کے امن کے لیے خطرہ پیدا ہو گیا ہے۔ انہوں نے کہا کہ ہم بھارت کے اس بزدلانہ اقدام کو ہر عالمی فورم پر اٹھائیں گے تاکہ عالمی برادری بھارت کا اصل چہرہ دیکھ سکے۔ علی رضا سید نے مطالبہ کیا کہ یورپی یونین، اقوام متحدہ اور عالمی طاقتیں بھارت کو اس کے غیرقانونی، غیراخلاقی اور جارحانہ اقدامات سے روکیں۔
ذریعہ: Islam Times
کلیدی لفظ: کشمیر کونسل ای یو بھارت کے
پڑھیں:
کینیڈا اور مصر کے پاکستانی قونصل خانوں میں یوم استحصال کشمیر پر تقاریب
اسلام آباد:پاکستان ہائی کمیشن اوٹاوا اور کینیڈا میں قائم پاکستان کے تین قونصل خانوں (مونٹریال، ٹورنٹو اور وینکوور) سمیت مصر میں یومِ استحصال کشمیر منایا گیا جس میں مقبوضہ جموں و کشمیر کے عوام کے ساتھ غیر متزلزل یکجہتی کا اظہار کیا گیا۔
اس موقع پر صدرِ پاکستان، وزیراعظم اور نائب وزیراعظم، وزیر خارجہ کے خصوصی پیغامات پڑھ کر سنائے گئے۔
یہ دن 5 اگست 2019 کو بھارت کی جانب سے غیر قانونی اور یک طرفہ اقدامات کی چھٹی برسی کے طور پر منایا گیا، جب بھارت نے آئین کے آرٹیکل 370 اور 35-A کو منسوخ کر کے متنازع جموں و کشمیر کی خصوصی حیثیت ختم کر دی تھی۔ بھارت کا یہ اقدام اقوام متحدہ کی سلامتی کونسل کی قراردادوں اور بین الاقوامی قوانین کی صریح خلاف ورزی تھا۔
اوٹاوا میں واقع پاکستان ہائی کمیشن میں ایک باوقار تقریب منعقد کی گئی جس میں مقبوضہ جموں و کشمیر کے عوام کے ساتھ غیر متزلزل یکجہتی کا اظہار کیا گیا۔ اس موقع پر صدرِ پاکستان، وزیراعظم اور نائب وزیراعظم و وزیر خارجہ کے خصوصی پیغامات پڑھ کر سنائے گئے۔
ہائی کمشنر محمد سلیم نے تقریب سے خطاب کرتے ہوئے کہا کہ بھارت جسے ’’انضمام‘‘ قرار دیتا ہے، درحقیقت وہ ایک زبردستی کی گئی غیر قانونی قبضے کی کوشش ہے۔ 5 اگست 2019 کو بھارت نے اپنے ہی آئین کی خلاف ورزی کرتے ہوئے آرٹیکل 370 کو ختم کیا، جو کشمیر کی خصوصی آئینی حیثیت کا محافظ تھا۔ پاکستان نے اس اقدام کو فوری طور پر غیر قانونی الحاق قرار دیا۔
ہائی کمشنر نے اقوام متحدہ، عالمی برادری، انسانی حقوق کی تنظیموں اور بین الاقوامی میڈیا سے مطالبہ کیا کہ وہ مقبوضہ جموں و کشمیر میں جاری انسانی حقوق کی سنگین خلاف ورزیوں کا نوٹس لیں، بھارت کو اس کے اقدامات پر جوابدہ ٹھہرائیں، اور کشمیری عوام کے حقِ خود ارادیت کی حمایت کریں۔
تقریب میں ایک دستاویزی فلم بھی دکھائی گئی جس میں مقبوضہ وادی میں بھارتی مظالم اور انسانی حقوق کی سنگین خلاف ورزیوں کو اجاگر کیا گیا۔
دوسری جانب، مصر کے دارالحکومت قاہرہ میں قائم پاکستان سفارتخانے میں ’’یومِ استحصال‘‘ کے موقع پر ایک خصوصی سیمینار کا انعقاد کیا گیا۔
سفیر پاکستان عامر شوکت نے مسئلہ کشمیر کے فوری حل کی ضرورت پر زور دیتے ہوئے کہا کہ کشمیر اور فلسطین کے مسائل دہائیوں سے حل طلب ہیں کیونکہ بھارت اور اسرائیل ان خطوں کے عوام کو سکون سے جینے نہیں دینا چاہتے۔
تقریب کا آغاز تلاوتِ کلامِ پاک سے ہوا، جس کے بعد مصر اور پاکستان کے قومی ترانے بجائے گئے۔ صدرِ پاکستان، وزیرِ اعظم، اور نائب وزیرِ اعظم و وزیر خارجہ کے پیغامات شرکاء کو سنائے گئے۔ سیمینار میں مصر کے ممتاز صحافیوں، ماہرین تعلیم، اور سول سوسائٹی کے نمائندوں نے شرکت کی۔
سیمینار میں بڑی تعداد میں دانشوروں، صحافیوں، طلبہ، اور پاکستانی کمیونٹی کے افراد نے شرکت کی۔ اس موقع پر بھارت کے ریاستی مظالم پر مبنی ایک خصوصی دستاویزی فلم بھی دکھائی گئی۔
شاہین، حارث رؤف اور حسن علی ہمارے مین بولنگ آپشنز ہیں، سلمان علی آغا