صدرِ مملکت آصف علی زرداری کا شہداء کو خراجِ عقیدت، آپریشن “بنیان مرصوص” کو دفاعِ وطن کی شاندار مثال قرار
اشاعت کی تاریخ: 13th, May 2025 GMT
اسلام آباد(نیوز ڈیسک) صدرِ پاکستان آصف علی زرداری نے بھارت کی بلااشتعال جارحیت کے نتیجے میں شہید ہونے والے پاک فوج اور پاک فضائیہ کے جوانوں کو خراجِ عقیدت پیش کیا ہے۔ انہوں نے کہا کہ ملک کی سلامتی کے لیے جانوں کا نذرانہ دینے والے بہادر سپوتوں پر پوری قوم کو فخر ہے اور انہیں سلام پیش کرتی ہے۔
صدرِ مملکت نے کہا کہ پاکستانی قوم اور مسلح افواج بھارتی جارحیت کے خلاف سیسہ پلائی دیوار کی طرح متحد ہیں اور ہر چیلنج کا ڈٹ کر مقابلہ کریں گے۔ انہوں نے واضح کیا کہ “آپریشن بنیان مرصوص” نے دشمن کے غرور کو خاک میں ملا کر پاکستان کی دفاعی صلاحیت اور قومی اتحاد کا عملی ثبوت فراہم کیا ہے۔
صدر زرداری نے بھارتی حملوں کے دوران بچوں اور خواتین سمیت قیمتی جانوں کے ضیاع پر گہرے دکھ اور افسوس کا اظہار کیا اور شہداء کے لواحقین سے دلی ہمدردی و تعزیت کرتے ہوئے صبر جمیل کی دعا کی۔ انہوں نے زخمیوں کی جلد صحتیابی کے لیے بھی نیک تمناؤں کا اظہار کیا۔
صدرِ مملکت نے کہا کہ بھارتی جارحیت نے پاکستانی قوم کو مزید متحد کر دیا ہے اور ہماری بہادر افواج نے ملک کی سالمیت اور خودمختاری کا کامیابی سے دفاع کیا ہے۔ انہوں نے دوٹوک الفاظ میں کہا کہ پاکستان کسی بھی جارحیت کا منہ توڑ جواب دینے کی پوری صلاحیت رکھتا ہے۔
صدر زرداری نے اس عزم کا اعادہ کیا کہ ملکی سلامتی پر آنچ آنے کی صورت میں پوری قوم افواجِ پاکستان کے شانہ بشانہ کھڑی ہے اور ہر قربانی دینے کے لیے تیار ہے۔
Post Views: 2.ذریعہ: Daily Mumtaz
پڑھیں:
کامیاب معرکہ ’بنیان مرصوص‘، افواج پاکستان کو خراج تحسین پیش کرنے کے لیے راولپنڈی میں جلسہ
بھارتی جارحیت کے خلاف ’آپریشن بنیان مرصوص‘ کی کامیابی پر راولپنڈی میں افواج پاکستان کو خراج تحسین پیش کرنے کیلئے عظیم الشان جلسے کا انعقاد کیا گیا ہے، جلسے کو کامیاب بنانے میں کمشنر اور ڈپٹی کمشنر راولپنڈی نے اہم کردار ادا کیا۔
یہ بھی پڑھیں: پنجاب: اسکولوں میں آپریشن بنیان مرصوص کی کامیابی پر پاک فوج سے اظہار یکجہتی
جلسے میں مختلف شعبہ ہائے زندگی سے تعلق رکھنے والی ممتاز شخصیات نے شرکت کی،جلسے میں ریٹائرڈ فوجی افسران، علما کرام، وکلا، سیاسی قائدین، صحافی، نوجوان اور عوام الناس نے بڑی تعداد میں شرکت کی، شرکا نے ہاتھوں میں قومی پرچم تھامے افواج پاکستان سے مکمل یکجہتی اور حمایت کا عہد دہرایا۔
جلسے سے خطاب میں مقررین کا کہنا تھا کہ ’یہ محض ایک جلسہ نہیں بلکہ دشمن کو واضح پیغام ہے کہ پاکستانی قوم اور اس کی افواج اپنے دفاع کے لیے ہردم تیار ہیں، ہم اس جلسے میں اپنی عظیم مسلح افواج کو بھارت جارحیت پر دندان شکن جواب دینے پر خراج تحسین پیش کرتے ہیں، ’معرکہ حق‘ محض ایک فوجی کارروائی نہیں بلکہ ایک قومی پیغام تھا کہ ہم دفاع وطن پر کبھی سمجھوتہ نہیں کریں گے۔‘ دن کے اجالے میں بھارتی جارحیت کا جواب دیکر پاکستان نے واضح کیا کہ وہ اپنے تحفظ کیلئے کسی حدتک بھی جاسکتا ہے۔
یہ بھی پڑھیں: آپریشن بنیان المرصوص کی کامیابی پر زندہ دلان لاہور کی افواج پاکستان سے اظہار یکجہتی کے لیے ریلی
جلسے کے شرکا نے قومی ترانوں کے ساتھ وطن سے وفاداری کا اظہار کیا اور آخر میں اجتماعی دعا کے ساتھ جلسے کا اختتام ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افواج پاکستان بھارت پاکستان جلسہ راولپنڈی معرکہ بنیان مرصوص معرکہ حق
پاکستان مالی طور پر مکمل طور پر محفوظ اور مستحکم ہے، محمد اورنگزیب