شوہر کے دوسری عورت کیساتھ تعلقات تھے، اداکارہ ثمن انصاری
اشاعت کی تاریخ: 13th, May 2025 GMT
سینئر اداکارہ اور ٹی وی میزبان ثمن انصاری نے ایک انٹرویو میں اپنی ازدواجی زندگی سے متعلق حیران کن انکشافات کیے ہیں۔
ثمن انصاری نے بتایا کہ ان کی پہلی شادی 16 سال چلی تھی۔ شوہر نے طلاق کے فوری بعد ہی دوسری شادی کرلی تھی۔
اداکارہ نے مزید کہا کہ شوہر نے اتنی جلدی دوسری شادی کی جس سے میرا شک یقین میں بدل گیا کہ اُس خاتون کے ساتھ اُن کے پہلے سے تعلقات تھے۔
انھوں نے سوال اُٹھایا کہ ایک مرد کے لیے ایک بیوی کو خوش رکھنا ہی مشکل ہوتا ہے تو وہ دوسری بیوی کو کیسے سنبھال سکتا ہے؟
ایک سوال کے جواب میں ثمن انصاری نے مشورہ دیا کہ مرد کو پہلی شادی کے وقت ہی نکاح میں لکھ دینا چاہیے کہ واضح کردے کہ وہ دوسری شادی بھی کرے گا۔
ثمن انصاری نے کہا کہ دوسری شادی کا فیصلہ شوہر اور پہلی بیوی کے درمیان باہمی اتفاق اور نہایت سمجھداری سے طے ہونا ضروری ہے۔
اداکارہ نے اپنی بات جاری رکھتے ہوئے کہا کہ کئی خواتین کو مرد کی ایک سے زیادہ شادیوں سے کوئی مسئلہ نہیں ہوتا۔
ثمن اںصاری نے اپنی دوسری شادی کے بارے میں بتایا کہ پہلے شوہر سے طلاق کے بعد مجھے بچے بھی سنبھالنے تھے اور اپنے کیریئر پر بھی توجہ دینی تھی اس لیے شادی کا خیال نہیں آیا۔
ثمن انصاری نے کہا کہ تاہم جب معاملات سنبھل گئے تب میں نے بھی دوبارہ شادی کرلی کیوں کہ ایک عورت کے لیے معاشرے میں اکیلے رہنا بھی بہت مشکل ہے۔
.
ذریعہ: Express News
کلیدی لفظ: کہا کہ
پڑھیں:
ٹیسٹ کرکٹ سے ریٹائرمنٹ؛ انوشکا کا شوہر ویرات کوہلی کے نام جذباتی پیغام
ویرات کوہلی نے اپنے 14 سالہ کیریئر کے بعد ٹیسٹ کرکٹ سے ریٹائرمنٹ کا اعلان کیا ہے جس پر ان کے مداح اداس ہوگئے اور اہلیہ انوشکا شرما نے ایک جذباتی پیغام جاری کیا ہے۔
انوشکا شرما نے اپنی سوشل میڈیا پوسٹ پر اپنے شوہر ویرات کوہلی کے نام ایک حوصلہ افزا اور جذباتی پیغام لکھا۔
انوشکا شرما نے وہرات کوہلی کو خراج تحسین پیش کرتے ہوئے لکھا کہ وہ آنسو یاد رکھوں گی جو تم نے کبھی نہیں دکھائے۔
اداکارہ انوشکا شرما نے ویرات کوہلی کے ایک ٹیسٹ میچ کی پرانی تصویر شیئر کرتے ہوئے لکھا کہ لوگ ریکارڈز اور اُن سنگ میلوں کو یاد رکھیں گے جو تم نے حاصل کیں۔
انوشکا شرما نے لکھا کہ لیکن مجھے وہ آنسو یاد رہیں گے جو تم نے کبھی نہیں دکھائے، وہ لڑائیاں جو کسی نے نہیں دیکھیں اور اس فارمیٹ کے لیے تمہاری غیر متزلزل محبت‘۔
انوشکا شرما نے مزید لکھا کہ میں جانتی ہوں کہ ان سب تجربوں سے تم نے بہت کچھ سیکھا۔ ہر ٹیسٹ سیریز کے بعد تم میں مزید سمجھداری اور عاجزی آئی اور اس سب کے ذریعے تمھیں مزید نکھرتے ہوئے دیکھنا میرے لیے ایک اعزاز تھا۔
خیال رہے کہ ٹیسٹ کرکٹ سے ریٹائرمنٹ کا اعلان کرتے ہوئے ویرات کوہلی نے کہا تھا کہ 14 سال قبل جب پہلی بار ٹیسٹ کرکٹ میں قدم رکھا تھا تو کبھی سوچا بھی نہیں تھا کہ یہ سفر مجھے کہاں لے جائے گا۔
انھوں نے مزید کہا کہ کرکٹ کے ٹیسٹ فارمیٹ نے مجھے بہت سے تجربات کا موقع دیا، مجھے تراشا اور وہ سبق سکھائے جو ساری زندگی میرے ساتھ رہیں گے۔
یاد رہے کہ ویرات کوہلی نے 123 ٹیسٹ میچز میں 9 ہزار 230 رنز بنائے جس میں 30 سنچریاں شامل ہیں جب کہ 2014 سے 2022 تک ٹیسٹ ٹیم کی قیادت کے دوران 68 میں سے 40 میچز میں فتح حاصل کرکے بھارت کے سب سے کامیاب ٹیسٹ کپتان ثابت ہوئے ہیں۔
راولپنڈی کی تمام سوسائٹیز میں بلیک آؤٹ رکھنے کا حکم جاری