دشمن اب کوئی بھی مس ایڈونچر سے قبل 100 بار سوچے گا، وزیرداخلہ
اشاعت کی تاریخ: 18th, May 2025 GMT
گوجرانوالہ: وزیر داخلہ محسن نقوی نے کہا ہے کہ کشیدہ صورت حال میں پوری قوم کندن بن کر سامنے آئی، دشمن اب کوئی بھی مس ایڈونچر کرنے سے پہلے 100 بار سوچے گا۔
ایکسپریس نیوز کے مطابق ۔ وفاقی وزیرداخلہ محسن نقوی نے گوجرانوالہ میں مرکز مصطفیٰ کا دورہ کیا جہاں انہیں مدرسے کے مختلف سیکشن دکھائے گئے۔
وزیرداخلہ محسن نقوی نے مرکز مصطفیٰ کے سرپرست اعلی مولانا محمد رضا ثاقب مصطفائی سے ملاقات کی اور دین اسلام کی خدمت میں ادارے کے مثالی کردار کو سراہا۔ محسن نقوی نے مرکز مصطفیٰ کے طلبا کے مثبت کردار کی تعریف بھی کی۔
سرپرست اعلیٰ سے گفتگو کرتے ہوئے وزیر اعلیٰ نے کہا کہ کشیدہ صورتحال میں پاکستانی قوم کندن بن کر نکلی ہے، طاقتور دشمن کو پاکستانی قوم نے اپنی یکجہتی سے عبرتناک شکست دی۔
انہوں نے کہا کہ عظیم فتح پراللہ تعالٰی کا شکر بجا لاتے ہیں، فتح میزائلوں نے دشمن پر ہیبت طاری کر دی اور نام نہاد طاقت پاش پاش کر کے رکھ دی۔
وزیر داخلہ نے کہا کہ پوری قوم مسلح افواج کے شانہ بشانہ کھڑی ہے۔ دشمن اب کوئی بھی مس ایڈونچر سے قبل سو بار سوچے گا۔
مولانا ثاقب مصطفائی نے کہا کہ پاکستانی قوم داندن شکن جواب چاہتی تھی جو ہماری بہادر مسلح افواج نے دیا، قوم نے مثالی جرأت اور بے خوفی کا مظاہرہ کیا اور اللہ تعالٰی کی مدد ہمارے ساتھ شامل رہی۔
سرپرست اعلی مرکز مصطفیٰ مولانا محمد رضا ثاقب مصطفائی نے دعا خیر کرائی، جس میں ملکی سالمیت، استحکام اور ترقی و خوشحالی کیلیے اللہ سے مدد بھی مانگی گئی۔
.ذریعہ: Express News
کلیدی لفظ: محسن نقوی نے مرکز مصطفی نے کہا کہ
پڑھیں:
اسلام آباد؛ محسن نقوی کا پارلیمنٹ لاجز کے زیر تعمیر نئے بلاک کا دورہ
ویب ڈیسک: اسلام آبادپارلیمنٹ لاجز کا 13 برس سے زیر التوا نیا بلاک تکمیل کے قریب ، وفاقی وزیر داخلہ محسن نقوی کا پارلیمنٹ لاجز کے زیر تعمیر نئے بلاک کا دورہ۔
ذرائع ابلاغ کے مطابق وزیر داخلہ محسن نقوی نے جاری کاموں پر پیش رفت کا جائزہ لیا، وزیرداخلہ محسن نقوی کی منصوبے کی جلد تکمیل یقینی بنانے کی ہدایت کی۔
محسن نقوی کا کہنا تھا کہ زیر تعمیر بلاک میں اعلیٰ معیار کو ہر صورت یقینی بنایا جائے، وزیر داخلہ محسن نقوی نے تین شفٹ میں کام کرنے کی ہدایت کی۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
کہا کہ 2012 سے رکے منصوبے کی تکمیل سے پارلیمنٹرینز کو رہائش کی معیاری سہولتیں میسر آئیں گی، پارلیمنٹ لاجز سمیت عوامی فلاح کے تمام منصوبوں کو مقررہ مدت میں مکمل کیا جائے گا۔
چیئرمین سی ڈی اے محمد علی رندھاوا نے وزیر داخلہ محسن نقوی کو پیش رفت پر تفصیلی بریفنگ دی، کہا کہ پارلیمنٹ لاجز کے نئے بلاک کا منصوبہ ٹائم فریم میں مکمل کر لیا جائے گا، ممبر انجینئرنگ سی ڈی اے اور دیگر افسران بھی ہمراہ تھے۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
کراچی، نادرن بائی پاس پر پلاسٹک کے گودام میں آگ لگ گئی