مسجد الحرام میں عازمینِ حج کی معاونت کے لیے اے آئی سے چلنے والا روبوٹ متعارف کرادیاگیا
اشاعت کی تاریخ: 22nd, May 2025 GMT
مکہ مکرمہ(اُردو پوائنٹ اخبارتازہ ترین - این این آئی۔ 22 مئی2025ء)جیسا کہ سعودی عرب میں حج کے آغاز کے لیے تیاریاں جاری ہیں تو اس سال عازمین ایک نئے ہائی ٹیک معاون کی خدمات حاصل کر سکیں گے جو مصنوعی ذہانت میں جدید ترین پیشرفت اور اسلامی روایات کو ایک دوسرے سے ملاتا ہے۔میڈیارپورٹس کے مطابق مسجد الحرام اور مسجد نبویﷺ میں مذہبی امور کی صدارت نے اے آئی سے چلنے والے منار الحرمین روبوٹ کے اپ ڈیٹڈ دوسرے ورژن کی نقاب کشائی کی۔
(جاری ہے)
اس اقدام کا مقصد حجاج کے روحانی تجربات کو بہتر کرنے کے لیے جدید ٹیکنالوجی کی طاقت سے فائدہ اٹھانا ہے۔ یہ روبوٹ مسجد الحرام میں مذہبی استفسارات کے لیے ایک معاون کے طور پر کام کرے گا۔ براہِ راست ویڈیو کالز کے ذریعے یہ نمازیوں اور دیگر زائرین کو مفتیان سے ملا سکتا ہے جو ان کے کسی بھی سوال کا جواب دے سکتے ہیں۔روبوٹ کے اپ ڈیٹ کیے گئے ورژن اور سافٹ ویئر میں حرمین الشریفین کے روایتی اسلامی نقوش اور فنِ تعمیر سے متثر ڈیزائن شامل ہیں۔ ایوانِ صدر نے کہا، یہ صداقت، جدیدیت اور جدید ٹیکنالوجی کو یکجا کرتا ہے تاکہ معلومات تک آسان رسائی فراہم کرکے حجاج کے تجربات کو بہتر کیا جائے۔.ذریعہ: UrduPoint
کلیدی لفظ: تلاش کیجئے کے لیے
پڑھیں:
غیرملکی ایئر لائن کے طیارے کی فنی خرابی دور،کراچی سے پرواز عازمین حج کو لے کر جدہ روانہ
غیر ملکی ایئرلائن کے طیارے کی فنی خرابی دور کرے کراچی سے پرواز عازمین حج کو لے کر جدہ روانہ ہوگئی۔ایئر پورٹ ذرائع کے مطابق لاہور سے جدہ کی پرواز نے کراچی میں ٹیکنیکل لینڈنگ کی تھی۔ذرائع نے بتایا کہ طیارے کو گرانڈ کر کے عازمین حج کو ہوٹل منتقل کر دیا گیا تھا۔ایئر پورٹ ذرائع کے مطابق جدہ سے ٹیکنیکل ٹیم پہنچی، آج فنی خرابی دور ہونے پر پرواز روانہ ہوئی۔
محمد رفیع (پہلا حصہ)