data-id="863a0a8" data-element_type="widget" data-widget_type="theme-post-content.default">
251104-03-5
غزالہ عزیز
چرچ کی گھنٹی درست تو اذان کیوں نہیں؟ بات تو درست ہے اور ایسا ہونا بھی چاہیے۔ امریکی نائب صدر کہتے ہیں امریکا اور پوری دنیا میں مذہبی آزادی سول سوسائٹی کی بنیاد ہے، یہ بات امریکا کے نائب صدر واشگاف انداز میں واشنگٹن میں کہتے ہیں۔ بات اس وقت ساری دنیا کے لیے اہم ہو جاتے ہیں جب مہدی حسن جو کہ زیٹیو کے ایڈیٹر انچیف ہیں وہ امریکی مسیحوں سے مخاطب ہو کر کہتے ہیں کہ اگر آپ اپنے چرچ کی گھنٹی بجا سکتے ہیں تو ہم اذان بھی دے سکتے ہیں، بات بڑی اہم تھی اس پہ کسی کو کوئی اعتراض بھی نہیں نہ کسی نے سوشل میڈیا پلیٹ فارم کو استعمال کرتے ہوئے کوئی بات کہی، البتہ برینڈن گل امریکی کانگریس مین کو اس بات پر اعتراض ہوا اور انہوں نے ایکس کو استعمال کرتے ہوئے طنزیہ انداز اختیار کیا اور وہ طنز کرتے ہوئے کہتے ہیں کہ ہم یہاں بڑی تعداد میں آکر امریکی عوامی زندگی کے منظر نامے کو بنیادی طور پر بدل سکتے ہیں۔ ان کی اس بات پر سوشل میڈیا پر بہت زیادہ تنقید کا نشانہ بنایا گیا ایک اور ٹویٹ کرتے ہوئے برینڈن گل لکھتے ہیں کہ میری بیوی ایک مسیحی روح ہے اور وہ بھی آپ کی جابرانہ مسلم اذان سننا نہیں چاہتی اگر آپ کو مسلم ملک میں رہنا ہے تو آپ واپس برطانیہ چلے جائیں ان کے اس ٹویٹ میں بہت ساری باتیں ایسی ہیں جو آپس میں مختلف ہیں۔ اوّل تو جب وہ یہ کہتے ہیں کہ مسلم ممالک میں رہنا ہے تو واپس برطانیہ چلے جائیں تو کیا برطانیہ کوئی مسلم ملک ہے جہاں وہ مہندی حسن کو بھیجنا چاہتے ہیں؟ اور دوسری طرف مسیحی تعلیمات تو برداشت اور ہمدردی سکھاتی ہیں پھر یہ کہ اذان کا بلاوا جابرانہ کیسے ہو سکتا ہے! یہ بھی کچھ عجیب سی بات ہے۔ بہرحال برینڈن گل پہلے بھی بہت متنازع بیان دے چکے ہیں انہوں نے نیویارک کے میئر کے امیدوار ظہران ممدانی کو بھی نشانہ بنایا ہے اور ان کو ہاتھ سے چاول کھاتے دیکھ کر ان کو مذاق اُڑایا تھا۔
امریکی صدر کا کہنا یہ ہے کہ مذہبی آزادی کا حق ہر ایک کے لیے یہاں محفوظ ہے۔ وہ مثال دیتے ہوئے کہتے ہیں کہ امریکا کے دباؤ کے باعث بہت سے ممالک مذہبی آزادی کے معاملے میں آگے بڑھے ہیں جیسے مراکش جہاں یہودیوں کے معبودوں کو بحال کیا گیا اور یہودیوں کی تاریخ کو اسکول کے نصاب میں شامل کیا گیا اسی طرح عراق میں پوپ کو کئی شہروں میں خوش آمدید کہا گیا پھر مشرقی تیمور کے صدر نے تمام شہریوں کے مذہبی عقائد سے قطع نظر ان کے حقوق کے دفاع کرنے کا عہد کیا۔ وہ دنیا میں اپنی کامیابی کا اعتراف کرتے ہیں لیکن یہ نہیں بتاتے کہ دنیا میں کہاں کہاں مذہبی آزادی بلکہ انسانی آزادی کو اور زندہ رہنے کے حق کو سلب کیا جا رہا ہے لیکن امریکا کو اس سے کوئی مسئلہ نہیں ہے بلکہ وہ اس سلسلے میں حکومتوں کی مدد کرتا ہے۔
امریکی حکومت دنیا میں وسیع پیمانے پہ پھیلی ہوئی مذہبی زیادتیوں کے بارے میں بات کرتی ہے تو یہ کہتے ہیں کہ کچھ حکومتیں مذہبی اقلیتوں کے ساتھ امتیاز سلوک روا رکھنے کے لیے توہین مذہب اور ارتداد کے قوانین کا استعمال کرنا جاری رکھے ہوئے ہیں جبکہ بعض حکومتیں مذہبی لباس پر پابندیاں اور مذہبی عقیدے کے اظہار پر پابندیاں لگا رہی ہیں۔ بات یہ ہے کہ کوئی ذاتی کسی قسم کی بھی ہو، مذہبی ہو یا انسانی ہو حکومتوں کو دھیان رکھنا چاہیے اور کمزوروں اور پسماندہ لوگوں کی حفاظت کرنی چاہیے مذہب بھلائی کے لیے ایک انتہائی طاقتور قوت بن سکتا ہے اور اسے کبھی بھی لوگوں کو نقصان پہنچانے کے لیے استعمال نہیں کیا جانا چاہیے۔
بات یہ ہے کہ مذہب کی آزادی سے پہلے زندہ رہنے کا حق ہے جو ایک قوم سے چھین لیا گیا ہے امریکا اور مغرب کی بھر پور پشت پناہی سے ہنستے بستے غزہ کو کھنڈر بنا دیاگیا، اب امن اور جنگ بندی کا شور مچایا جا رہا ہے۔ یہ حقیقی جنگ بندی ہے؟ جب کہ آگ وخون کا سلسلہ جاری ہے پچھلے چند دنوں میں درجنوں فضائی حملے کیے گئے سو سے زیادہ فلسطینی شہید کر دیے گئے جن میں بچوں کی بڑی تعداد شامل ہے یہ سب کچھ دراصل امریکا کی حمایت کے ساتھ ہو رہا ہے۔
فلسطینی کہتے ہیں کہ اسرائیل اور امریکا نے آگ کی روانی کے نام سے ایک نیا فارمولا اپنایا ہے جس کے تحت سیاسی سطح پر سکون دکھایا جاتا ہے مگر فوجی ہاتھ آزاد رکھے جاتے ہیں اسرائیل مستقل اور مسلسل کارروائیاں کر رہا ہے یہ محدود ہیں لیکن تباہی بربادی اور انسانی جانوں کے لیے ہر طرف سے قتل و غارت گری جاری رکھے ہوئے ہیں۔ اسرائیل دنیا اور عالمی برادری کو یہ باور کرانے کی کوشش کر رہا ہے کہ وہ امن کا خواہاں ہیں لیکن حقیقت میں تو غزہ میں اسی طرح قتل و غارت گری جاری رکھے ہوئے ہیں۔
امن ان کا ایک ڈراما ہے جس کے لیے اس کا ساتھ امریکا دے رہا ہے اور اسرائیل اس کے پشت پناہی کے ساتھ قتل و غارت گری کر رہا ہے یہ جنگ بندی نہیں ہے بلکہ قابض اسرائیل کی طرف سے آگ کے کنٹرول شدہ بہاؤ کی حکمت عملی ہے۔ روزانہ کی بنیادوں پر درجنوں فلسطینی شہید ہو رہے ہیں مگر عالمی ادارے خاموش ہیں قابض اسرائیل اس قتل وغار ت گری کو خلاف ورزی کا جواب قرار دیتا ہے تاکہ جب چاہے بمباری کرے، اسرائیل دنیا کو یہ تاثر دینے کی کوشش کر رہا ہے کہ اس نے نسل کشی روک دی ہے اب محض دفاع کر رہا ہے مگر حقیقت یہ ہے کہ اس نے غزہ کے عوام کی زندگی کو ناقابل برداشت بنا دیا ہے انسانی بحران بدترین سطح پر ہے پانی بجلی اور خوراک اور علاج کے ذرائع تباہ کر دیے گئے ہیں اور امریکا قابض اسرائیل کے جھوٹے بیانیے کی پشت پر کھڑا ہے۔
ذریعہ: Jasarat News
کلیدی لفظ: کہتے ہیں کہ کرتے ہوئے کر رہا ہے دنیا میں یہ ہے کہ ہے اور کے لیے
پڑھیں:
فلمی ٹرمپ اور امریکا کا زوال
data-id="863a0a8" data-element_type="widget" data-widget_type="theme-post-content.default">
251103-03-7
امیر محمد کلوڑ
فلم میں ننھا کیوین (Kevin) نیویارک کے ایک شاندار ہوٹل (Plaza Hotel) میں داخل ہوتا ہے وہ ایک شخص سے راستہ پوچھتا ہے وہ شخص ڈونلڈ ٹرمپ ہوتا ہے، ٹرمپ فخریہ انداز میں گردن سیدھی رکھ کر، غرور سے مسکرا کر کہتا ہے: ’’Down the hall and to the left‘‘ یہ سین چند سیکنڈ کا ہے مگر اس میں ہی ٹرمپ کا غرور، خود اعتمادی اور طاقت کا اظہار واضح نظر آتا ہے۔ یہ ان کی ’’ریئل لائف پالیسی‘‘ کا چھوٹا نمونہ ہے۔ سیاست میں بھی ’’ہوٹل پلازہ‘‘ والا رویہ صدر بننے کے بعد بھی ٹرمپ نے برقرار رکھا، ہمیشہ خود کو مرکز ِ توجہ رکھا۔ جیسے فلم میں ہوٹل ان کا تھا، ویسے ہی صدر کے طور پر وہ اکثر ملک کو اپنی ذاتی سلطنت سمجھتے ہیں ان کے فیصلے اور انداز کچھ اس طرح کے لگتے ہیں کہ جیسے وہ کہہ رہے ہوں: ’’یہ سب کچھ میرے کنٹرول میں ہے‘‘۔ ڈونلڈ ٹرمپ کے Home Alone 2 کے صرف چند سیکنڈز درحقیقت ان کی پوری شخصیت کا ٹریلر ہیں ایک خوداعتماد، خودپسند، طاقتور، اور ڈرامائی انسان۔ وہ چاہے بزنس ہو، ٹی وی ہو یا سیاست ہر جگہ وہ ہیرو اور اسٹیج کے مالک بن کر رہتے ہیں۔
آئیے ان کا موازنہ موجودہ دور میں کرتے ہیں یعنی ان کی سیاست (2025) میں بھی وہ ’’فلمی اسکرپٹ‘‘ والا انداز استعمال کر رہے ہیں؟ یعنی ان کی ریلیاں اور بیانات بھی کسی ’’شو‘‘ کی شکل اختیار کر چکے ہیں۔ ٹرمپ کے جلسے روایتی سیاست نہیں، بلکہ ڈرامائی تقریبات ہوتے ہیں۔ روشنیوں، موسیقی، اور بڑے بڑے اسکرینوں کے ساتھ وہ داخل ہوتے ہیں۔ ان کی تقریریں پہلے سے طے شدہ ’’مکالموں‘‘ جیسی لگتی ہیں۔ ہر جملے پر سامعین سے ’’ریہرسل شدہ‘‘ نعرے لگتے ہیں: ’’USA! USA! یا Build the wall‘‘ وہ اکثر ہاتھ کے اشارے، چہرے کے تاثرات، اور وقفوں کا استعمال ایسے کرتے ہیں جیسے ایک اداکار سامعین کو قابو میں رکھتا ہے۔ یہی وجہ ہے کہ امریکی میڈیا ان کے جلسوں کو ’’Trump Show‘‘ کہتا ہے۔
حال ہی میں کولا لمپور ائرپورٹ پر ٹرمپ کو ملائیشین روایتی رقاص گروپ کے ساتھ دیکھا گیا جہاں انہوں نے ڈھول کی تھاپ پر ہلچل بھری حرکات کیں۔ سوشل میڈیا پر اس ویڈیو تیزی سے وائرل ہوئی، جہاں لوگوں نے اس کو ’’توانائی کا مظاہرہ‘‘ کہا تو کچھ نے اسے ’’ذاتی زیاد اعتماد (over confidence)‘‘ کا اظہار قرار دیا۔ ایک ملائیشیا نیوز پورٹل نے کہا کہ ٹرمپ کا یہ رویہ ’’صدر کے وقار‘‘ کے مطابق نہیں تھا۔ یعنی وہ خود کو نہ صرف سیاسی رہنما بلکہ پرفارمنر کے طور پر پیش کرتے ہیں۔ ٹرمپ ہمیشہ میڈیا کو اپنا سب سے بڑا دشمن (Villain) بنا کر پیش کرتے ہیں۔ وہ بار بار کہتے ہیں: ’’Fake News Media!‘‘ ہر سوال کو ذاتی حملہ بنا کر ڈرامائی ردعمل دیتے ہیں۔ ان کی باڈی لینگویج، لہجہ اور غصہ فلم کے سین جیسا لگتا ہے جس کا ٹریلر آپ نے وہائٹ ہائوس میں یوکرین کے صدر زیلنسکی کے ساتھ دیکھ لیا ہے۔ تجزیہ نگاروں کا کہنا ہے: (ٹرمپ میڈیا کے سوالوں کا جواب نہیں دیتے، بلکہ ان کے لیے ’’پرفارم‘‘ کرتے ہیں۔) 2024-2025 میں ٹرمپ پر کئی مقدمات چلے، مگر انہوں نے ان سب کو سیاسی مظلومیت کے ڈرامے میں بدل دیا۔ ارمانی اور بربری کے کپڑے اور ایریزونا کے جوتے (اپنے برانڈ کے) ٹرمپ مارک کے گالف شوز اور ’’ٹرمپ سگنیچر‘‘ ان کا اپنا برانڈ کولون پرفیوم استعمال اور رولیکس اور پاٹیک فلپ گھڑیوں کے شوقین 79 سالہ ٹرمپ جنہوں نے تین شادیاں کیں جن سے ان کو پانچ بچے ہیں اور اس وقت صدر ٹرمپ ذاتی طور پر 2.5 بلین ڈالر کے مالک ہیں۔
یہ تو ہوا اس کا فلمی کردار اور اب آتے ہیں کہ وہ کس طرح امریکا کو زوال کی جانب لے جارہے ہیں۔ ٹرمپ نے ’’America First‘‘ کا نعرہ دے کر کئی بین الاقوامی معاہدوں سے علٰیحدگی اختیار کی، جیسے پیرس ماحولیاتی معاہدہ، ایران نیوکلیئر ڈیل، اور ورلڈ ہیلتھ آرگنائزیشن (WHO) کے فنڈز روکنا۔ اس سے امریکا کی ’’عالمی قیادت‘‘ والی ساکھ کمزور ہوئی، اور چین و یورپ نے خلا پْر کرنا شروع کیا۔ اور اس کے علاؤہ صدر ٹرمپ نے اتحادی ممالک سے تعلقات میں تناؤ پیدا کیا اور ناٹو ممالک سے کہا کہ ’’زیادہ پیسہ دو ورنہ ہم دفاع نہیں کریں گے‘‘ اس سے اتحادی ممالک (جرمنی، فرانس وغیرہ) ناراض ہوئے۔ دنیا کے کئی ممالک کی طرح چین پر بھی ٹیکس اور ٹیرف لگانے سے امریکی کمپنیوں کی لاگت بڑھی۔ کئی امریکی کسانوں اور صنعتوں کو نقصان ہوا۔ ان کی سیاست نے ملک کو اندرونی طور پر بھی نقصان پہچایا اور نسلی اور سیاسی لحاظ سے زیادہ منقسم کیا۔
’’کیپٹل ہل حملہ (2021)‘‘ کو بہت سے سیاسی ماہرین ’’جمہوری اداروں پر حملہ‘‘ کہتے ہیں۔ امریکی معاشرہ اس وقت انتہائی منقسم ہے۔ ریپبلکنز اور ڈیموکریٹس کے درمیان شہری اور دیہی علاقوں میں سفید فام اور غیر سفید فام آبادی کے درمیان۔ ٹیکساس اور کیلی فورنیا میں کچھ گروپوں نے عوامی سطح پر کہا ہے کہ اگر وفاقی حکومت ان کے مفادات کے خلاف گئی تو وہ ’’الگ ملک‘‘ بننے کی مہم شروع کریں گے۔ سول نافرمانی اور تشدد کے ایک تازہ سروے میں تقریباً 58 فی صد امریکیوں نے کہا کہ انہیں لگتا ہے کہ اگر حالات اسی طرح رہے تو ’’کسی نہ کسی درجے کی خانہ جنگی‘‘ ہو سکتی ہے۔ لیکن ماہرین جیسے Prof. Francis Fukuyama اور Thomas Friedman کا کہنا ہے کہ: ’’امریکا اداروں کا ملک ہے۔ اتنی آسانی سے ٹوٹ نہیں سکتا، مگر اندرونی کمزوری خطرناک حد تک بڑھ چکی ہے‘‘۔ دنیا کے مؤقر جریدوں نے ان حالات پر مندرجہ ذیل تبصرے کیے ہیں۔
دی اکنامسٹ (2025)؛ ٹرمپ کا دور ’’جمہوری نظام کے لیے سب سے بڑا امتحان‘‘ ہے، مگر ٹوٹنے کا امکان نہیں۔ بروکنگز انسٹی ٹیوشن؛ ’’اگر ادارے (عدلیہ، کانگریس، میڈیا) اپنی آزادی برقرار رکھیں، تو امریکا متحد رہے گا۔ ’’الجزیرہ انگلش‘‘ امریکا میں سماجی بگاڑ بڑھ رہا ہے، مگر ملک کے ٹوٹنے سے زیادہ خانہ جنگی جیسے تنازعات کا خطرہ ہے‘‘۔
پاکستان میں ڈیجیٹل معیشت کی ترقی اور فروغ: میٹا کا تعاون مزید بڑھانے کا اعلان