دینی مدارس کے طلباء کا آرمی اسکول آف فزیکل ٹریننگ سینٹر و ملٹری اکیڈمی کاکول کا دورہ
اشاعت کی تاریخ: 20th, June 2025 GMT
اسلام آباد:
پاکستان کے مختلف دینی مدارس کے فیکلٹی ممبرز اور طلباء نے آرمی اسکول آف فزیکل ٹریننگ سینٹر اور پاکستان ملٹری اکیڈمی، کاکول ایبٹ آباد کا دورہ کیا۔
اس دورے کے دوران مدارس کے طلباء کو آرمی اسکول آف فزیکل ٹریننگ سینٹر اور پاکستان ملٹری اکیڈمی کے مختلف تربیتی پہلوؤں سے روشناس کرایا گیا۔ طلباء اور فیکلٹی ممبرز نے پاکستان آرمی کی تربیت کے معیار اور نظم و ضبط کو سراہا۔
طلباء کو پاکستان ملٹری اکیڈمی کے کیڈٹس کی تربیت اور روزمرہ زندگی کو قریب سے دیکھنے کا موقع ملا۔
طالب علم، حمزہ ارشد کا کہنا تھا کہ فوج کی ٹریننگ دیکھ کر کافی حوصلہ افزائی ہوئی، ٹرینیز نے اپنی پیشہ ورانہ صلاحیتیں دکھائیں جو کہ بہت اعلیٰ تھیں، آئی ایس پی آر اور پاک فوج کا شکریہ کہ انہوں نے ہمیں یہ سب قریب سے دیکھنے کا موقع دیا۔
طلباء کا کہنا تھا کہ آج سے 20 سال قبل، ہمارے جامعتہ الرشید کے رئیس سے ہم نے سننا شروع کیا کہ اس ملک کے لیے پاک فوج کا قیام کتنا ضروری ہے، رئیس جب پاک فوج کی صفات بیان کرتے تھے تو ہم نے وہ باتیں بطور نظریہ ضرور سنی تھیں لیکن ان کا عملی مشاہدہ ہماری نظروں سے نہیں گزرا تھا۔
فیکلٹی ممبر سفیان علی نے کہا کہ آج ہم نے پاکستان ملٹری اکیڈمی کاکول میں رئیس کے ان الفاظ کی صحیح تفسیر دیکھی۔
.ذریعہ: Express News
کلیدی لفظ: پاکستان ملٹری اکیڈمی
پڑھیں:
جنوبی پنجاب؛ بارڈر ملٹری پولیس میں 53 خواتین کی شمولیت پر مریم نواز کا خراجِ تحسین
لاہور:وزیراعلیٰ پنجاب مریم نواز نے 53 خواتین کو بارڈر ملٹری پولیس میں شمولیت پر خراجِ تحسین پیش کیا ہے۔
سماجی رابطوں کے پلیٹ فارم ایکس (سابقہ ٹوئٹر) پر اپنے بیان پیغام میں مریم نواز نے بارڈر ملٹری پولیس میں شمولیت اختیار کرنے والی باہمت بیٹیوں کو خراج تحسین پیش کرتے ہوئے کہا کہ ڈی جی خان اور راجن پور کی بارڈر ملٹری پولیس میں 53 باہمت خواتین نے شمولیت اختیار کرکے تاریخ رقم کردی ۔
For the first time, 53 courageous women have been recruited into the Border Military Police in DG Khan and Rajanpur, stepping into roles once thought impossible.
Women in uniform. Women on the frontlines. This is Naya South Punjab, bold, empowered, and unstoppable. Way to go! pic.twitter.com/Tbd2unuXLb
انہوں نے کہا کہ جہاں کبھی خواتین کا نام لینا بھی محال تھا آج حوصلہ مندخواتین جرأت اور وقار کے ساتھ قدم رکھ چکی ہیں۔ خوشی ہے کہ وردی پوش قابل فخربیٹیاں محافظ کے فرائض سر انجام دیں گی ۔
مریم نواز نے کہا کہ سلام ہے ان بیٹیوں کو جو فرسودہ روایات کی زنجیریں توڑ کر آگے بڑھ رہی ہیں۔
نفرت انگیز بیانیہ معاشرے کیلئے زہر قاتل ہے، راغب نعیمی