چین کا اسلامی تعاون تنظیم کے ساتھ مل کر باہمی تعلقات کے فروغ کے لئے مشترکہ کوششیں جاری رکھنے کا اعلان
اشاعت کی تاریخ: 24th, June 2025 GMT
بیجنگ : چین کی وزارت خارجہ کے ترجمان گو جیاکھون نے پریس کانفرنس میں کہا کہ 21 سے 22 جون تک اسلامی تعاون تنظیم کے وزرائے خارجہ کی کونسل کا 51 واں اجلاس منعقد ہوا۔ اجلاس میں مسلم کمیونٹی کے تحفظ کے لئے چین کی کوششوں اور اسلامی ممالک کے ساتھ چین کے تعلقات کی جامع ترقی کو سراہا گیا۔اسلامی تعاون تنظیم (او آئی سی) کے وزرائے خارجہ کے اجلاس کی قرارداد میں چین کے ساتھ دوستی کے متن کو چھٹی مرتبہ شامل کیا گیا ہے اور چین اس کا خیر مقدم کرتا ہے۔منگل کے روز ترجمان کا کہنا ہے کہ حالیہ برسوں میں چین اور اسلامی ممالک اور او آئی سی کے ساتھ تعاون میں نتیجہ خیز نتائج حاصل ہوئے ہیں۔ اسلامی تعاون تنظیم اور اس کے رکن ممالک کے نمائندوں نے چین کی قومیتی اور مذہبی پالیسیوں اور سنکیانگ کی تعمیر و ترقی کے بارے میں مزید جاننے کے لیے سنکیانگ سمیت چین کے دیگرعلاقوں کے متعدد دورے کیے ہیں اور مثبت تبصرے دیے ہیں۔ چین اسلامی ممالک اور اسلامی تعاون تنظیم کے ساتھ مل کر باہمی تعلقات کو فروغ دینے کے لئے مشترکہ کوششیں جاری رکھے گا۔
ذریعہ: Daily Mumtaz
پڑھیں:
وزیراعظم کی کویتی ولی عہد سے ملاقات، دوطرفہ تعلقات کو مزید وسعت دینے پر اتفاق
اقوام متحدہ کی جنرل اسمبلی کے 80ویں سالانہ اجلاس کے موقع پر وزیراعظم شہباز شریف اور کویت کے ولی عہد شیخ صباح الخالد الحمد المبارک الصباح کے درمیان ایک اہم ملاقات ہوئی، جس میں دونوں رہنماؤں نے پاکستان اور کویت کے دیرینہ تعلقات کو مزید فروغ دینے کے عزم کا اظہار کیا۔
ملاقات کے دوران وزیراعظم شہباز شریف نے دونوں ممالک کے درمیان تاریخی، برادرانہ تعلقات کا حوالہ دیتے ہوئے کہا کہ پاکستان کویت کے ساتھ اپنے مضبوط اور قابلِ اعتماد تعلقات کو قدر کی نگاہ سے دیکھتا ہے۔ انہوں نے کویت کے امیر شیخ مشعل الاحمد الجابر الصباح کے لیے نیک تمناؤں کا اظہار کرتے ہوئے حالیہ سیلاب کے دوران پاکستان سے اظہارِ یکجہتی پر کویتی قیادت کا شکریہ ادا کیا۔
تعاون کے نئے شعبوں پر گفتگو
وزیراعظم نے باہمی تعاون میں ہونے والی مثبت پیش رفت پر اطمینان ظاہر کرتے ہوئے کہا کہ پاکستان چاہتا ہے کہ دونوں ممالک کے درمیان تجارت، سرمایہ کاری، زراعت، لائیوسٹاک، انسانی وسائل کی برآمدات اور صحت جیسے شعبوں میں تعاون کو مزید وسعت دی جائے۔
انہوں نے یہ بھی بتایا کہ پاکستان کویتی ولی عہد کے آئندہ دورۂ پاکستان کا منتظر ہے، جو سال کے آخر میں متوقع ہے، اور اس کی تاریخیں سفارتی ذرائع سے طے کی جا رہی ہیں۔
خطے کی صورتحال اور فلسطین پر تبادلہ خیال
ملاقات کے دوران دونوں رہنماؤں نے مشرقِ وسطیٰ میں جاری صورتحال اور دیگر علاقائی و عالمی امور پر بھی تبادلہ خیال کیا۔ کویتی ولی عہد نے فلسطینی عوام کے حقوق کے لیے پاکستان کے مؤقف اور عالمی سطح پر اس کی مؤثر سفارتی کوششوں کو سراہا۔
کثیرالطرفہ تعاون جاری رکھنے کا عزم
دونوں رہنماؤں نے اس بات پر زور دیا کہ پاکستان اور کویت نہ صرف دوطرفہ سطح پر بلکہ عالمی اور علاقائی فورمز پر بھی قریبی تعاون جاری رکھیں گے۔
فلسطینیوں کی نسل کشی اور جبری بیدخلی