چین نے ہمیشہ مشرق وسطیٰ میں امن کو فروغ دیا ہے، چینی وزیر خارجہ
اشاعت کی تاریخ: 24th, June 2025 GMT
بیجنگ : چین کے وزیر خارجہ وانگ ای نے کہا ہے کہ چین ہمیشہ مشرق وسطیٰ میں امن کا معمار اور استحکام کو فروغ دینے والا رہا ہے۔ چین کے صدر شی جن پھنگ نے موجودہ صورتحال پر چار نکاتی تجویز پیش کی جس میں فوری طور پر جنگ بندی ، شہریوں کے تحفظ کو یقینی بنانے، بات چیت اور مذاکرات شروع کرنے اور امن کے فروغ کی کوششوں کو آگے بڑھانے پر زور دیا گیا۔ ایران پر امریکی حملے کے بعد چین نے فوری طور پر مذمتی بیان جاری کیا۔ جوہری تنصیب پر فوجی حملہ جو آئی اے ای اے کے حفاظتی اقدامات کے تابع ہے، اقوام متحدہ کے چارٹر اور بین الاقوامی قانون کی سنگین خلاف ورزی ہے، اور اس سے جوہری لیک یا یہاں تک کہ جوہری تباہی بھی ہوسکتی ہے۔
ان خیالات کا اظہار چینی وزیر خارجہ نے منگل کے روز ایرانی وزیر خارجہ عباس عراقچی سے ٹیلی فون پر گفتگو میں کیا۔عراقچی نے خطے کی تازہ ترین صورتحال سے آگاہ کیا ۔ان کا کہنا تھا کہ ایران اور اسرائیل ابھی جنگ بندی پر پہنچے ہیں لیکن صورتحال مستحکم نہیں ہے۔ اسرائیل کی جارحیت بند ہونے کے بعد ہی حقیقی مذاکرات شروع ہوسکتے ہیں۔
انہوں نے ایران کے جائز موقف کی حمایت پر چین کا شکریہ ادا کیا اور صورتحال کی بہتری میں چین کے مزید کردار کی امید ظاہر کی۔وانگ ای نے کہا کہ چین قومی خودمختاری اور سلامتی کے تحفظ کی بنیاد پر حقیقی جنگ بندی کے حصول، لوگوں کے معمول کی زندگی میں واپس آنے اور مشرق وسطیٰ میں صورتحال کو جلد از جلد بہتر بنانے کے لئے ایران کی کوششوں کی حمایت کرتا ہے۔ چین جنگ بندی اور امن کے فروغ پر اسلامی تعاون تنظیم (او آئی سی) کی متفقہ آواز کو سراہتا ہے اور سلامتی کونسل پر زور دینے کے لئے تیار ہے کہ وہ بین الاقوامی امن و سلامتی کو برقرار رکھنے کے لئے اپنا کردار ادا کرے ۔
Post Views: 2.ذریعہ: Daily Mumtaz
پڑھیں:
سندھ بلڈنگ، وسطی میں بلند عمارتیں ، ضابطہ تعمیرات کی خلاف ورزیاں
غیرمعیاری تعمیرات سے عوام کی جانوں اور ساختی خطرات میں اضافہ، شہری انتظامیہ غفلت میں
لیاقت آباد پلاٹ نمبر 1/669, 2/533 پر غلط تعمیرات ، ڈپٹی ڈائریکٹر عمران رضوی ملوث
شہر کے وسطی علاقوں خاص طور پر لیاقت آباد میں بلند عمارتوں کی تعمیر ضابطہ تعمیرات کی کھلی خلاف ورزی بنتی جا رہی ہے ، جس نے نہ صرف شہریوں کی زندگیوں کو خطرے میں ڈال دیا ہے بلکہ بنیادی ڈھانچے پر بھی دباؤ بڑھا دیا ہے ۔لیاقت آباد کی تنگ گلیوں میں تعمیر کی جانے والی بلند عمارتیں نہ صرف ٹریفک کے لیے مشکلات کا سبب بن رہی ہیں بلکہ ہنگامی حالات میں فائر بریگیڈ اور ایمبولینس کی رسائی میں رکاوٹیں پیدا کر رہی ہیں۔ جرأت سروے ٹیم سے بات کرتے ہوئے مقامی رہائشیوں کا کہنا ہے کہ تنگ گلیوں میں اتنی بلند عمارتیں تعمیر کرنا عوام کی زندگیوں کے ساتھ کھیل ہے ۔شہری انتظامیہ کی جانب سے ان خلاف ورزیوں پر چشم پوشی کئی سوالات پیدا کر رہی ہے ۔بغیر نقشے اور منظوری کے عمارتیں بنانے والے تعمیراتی قوانین کو یکسر نظر انداز کر رہے ہیں، جس میں پارکنگ کی سہولیات کا فقدان، پانی کے نکاسی کے نظام کی عدم موجودگی، اور عمارتوں کے درمیان ضروری فاصلہ نہ ہونا شامل ہے ۔زمینی حقائق کے مطابق لیاقت آباد کے پلاٹ 1/660 اور 2/533 پر خلاف ضابطہ بلند عمارتوں کی تعمیر کی چھوٹ ڈپٹی ڈائریکٹر عمران رضوی نے دے رکھی ہے ،شہری ماہرین کے مطابق یہ غیر معیاری تعمیرات زلزلے جیسے قدرتی آفت کے موقع پر بڑے حادثے کا سبب بن سکتی ہیں۔ ان کا مطالبہ ہے کہ متعلقہ ادارے فوری طور پر ان غیر قانونی تعمیرات کے خلاف کارروائی کریں اور عمارتوں کی اونچائی پر ضابطے سختی سے نافذ کیے جائیں۔اس صورت حال میں فوری اقدامات نہ اٹھائے گئے تو شہریوں کے جانی و مالی نقصانات کا خطرہ موجود ہے ۔
چیف آف دی نیول اسٹاف آل پاکستان اسکواش چیمپئن شپ اختتام پذیر