ملک میں مون سون بارشیں اورممکنہ سیلاب: این ڈی ایم اے کا الرٹ جاری
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے اگلے 24 تا 48 گھنٹوں کے دوران ملک بھر کے مختلف علاقوں میں مون سون بارشوں اور ممکنہ سیلاب کے حوالے سے الرٹ جاری کردیا۔
ترجمان این ڈی ایم اے کے مطابق 26 تا 28 جون کے دوران اسلام آباد سمیت فیصل آباد، سرگودھا، میانوالی، ڈی جی خان، راجن پور میں تیز ہواؤں کے ساتھ موسلادھار بارش متوقع ہے۔ پنجاب کے مختلف علاقوں لاہور، راولپنڈی، گوجرانوالہ، ملتان، بہاولپور، رحیم یار خان جبکہ سندھ میں کراچی، حیدرآباد، ٹھٹھہ، سجاول، جامشورو، نوابشاہ، لاڑکانہ کے شہری علاقوں میں بارشوں کے باعث سیلابی صورتحال کا خدشہ ہے۔
ترجمان این ڈی ایم اے کے مطابق اگلے 48 گھنٹوں کے دوران سندھ کے مختلف اضلاع سکھر، کشمور، تھرپارکر، میرپورخاص، عمرکوٹ، سانگھڑ، ٹنڈو الہ یار، بدین میں موسلادھار بارش متوقع ہے۔ خیبرپختونخوا کے مختلف علاقوں پشاور، مردان، مانسہرہ، ایبٹ آباد میں شدید بارشوں کے باعث سیلابی صورتحال اور پہاڑی علاقوں میں لینڈ سلائیڈنگ متوقع ہے۔اسی طرح آزاد کشمیر کے مختلف اضلاع مظفرآباد، نیلم ویلی، باغ، راولا کوٹ، حویلی، ہٹیاں بالا میں طوفانی بارشیں اور لینڈ سلائیڈنگ متوقع ہے۔
ترجمان این ڈی ایم اے کے مطابق ، بارش اور تیز ہواؤں کے دوران کمزور تعمیرات، کچی دیواروں، بجلی کے کھمبوں اوربل بورڈز سے دور رہیں، آندھی اور طوفان کے دوران حد نگاہ بھی کم ہو سکتی ہے جو حادثات کا باعث بنتی ہے لہٰذا محتاط رہیں۔
این ڈی ایم اے نے تمام متعلقہ اداروں کو ہدایات جاری کی ہیں کہ کسی بھی ممکنہ ہنگامی صورتحال سے نمٹنے کے لیے پیشگی اقدامات کو یقینی بنایا جائے۔
ترجمان این ڈی ایم اے کے مطابق عوام سے گزارش ہے کہ موسم اور ممکنہ خطرات کے حوالے سے آگاہی کے لیے پاک این ڈی ایم اے ڈیزاسٹر الرٹ ایپ سے رہنمائی لیں۔
دوسری جانب ترجمان این ڈی ایم اے نے آئندہ 3 دنوں میں گلگت بلتستان کے بعض علاقوں میں ممکنہ سیلاب کے حوالے سے الرٹ جاری کردیا۔
الرٹ کے مطابق 26 تا 29 جون کے دوران گلگت بلتستان میں دیامیر، استور، غذر، اسکردو، ہنزہ، گلگت، گھانچے اور شگر میں بھی آندھی اورطوفان کے ساتھ بارش متوقع ہے۔
الرٹ کے مطابق گلگت بلتستان میں ممکنہ بارشوں کے باعث مقامی ندی نالوں اور دریائے ہنزہ، خنجر اب، کلک، چپرسان اور دریائے شمشال برالدو کے ملحقہ علاقوں میں سیلابی صورتحال کا امکان ہے۔
الرٹ کے مطابق گلگت بلتستان میں ممکنہ سیلابی صورتحال مختلف علاقوں بشمول خدا آباد، کریم آباد، نگر اور گلمیت کے سیاحتی مقامات کو نقصان کا اندیشہ ہے۔
ترجمان این ڈی ایم اے نے خبردار کیا ہے کہ خطرے سے دو چار علاقوں میں سفر کرنے سے گریز کریں، ندی نالوں کو عبور کرنے سے پرہیز کریں، مویشیوں اور قیمتی سامان کو محفوظ مقامات پر منتقل کرلیں۔
.ذریعہ: Jasarat News
کلیدی لفظ: ترجمان این ڈی ایم اے کے مطابق سیلابی صورتحال گلگت بلتستان مختلف علاقوں علاقوں میں کے دوران کے مختلف متوقع ہے
پڑھیں:
پنجاب میں مون سون بارشوں کا آغاز ہو چکا ہے، ترجمان پی ڈی ایم اے
— فائل فوٹوپراونشل ڈیزاسٹر مینجمنٹ اتھارٹی پنجاب کا کہنا ہے کہ پنجاب میں مون سون بارشوں کا آغاز ہو چکا ہے۔
مون سون بارشوں کا پہلا اسپیل یکم جولائی تک جاری رہے گا جبکہ رواں سال مون سون بارشیں 25 فیصد زیادہ ہونے کا امکان ہے۔
ترجمان پی ڈی ایم اے پنجاب نے اپنے ایک بیان میں کہا کہ موجودہ اسپیل کے دوران صوبے کے بیشتر اضلاع میں تیز آندھی اور گرج چمک کے ساتھ بارشوں کا امکان ہے۔
اسلام آباد و راولپنڈی میں تیز ہواؤں کے ساتھ موسلادھار بارش سے گرمی کا زور ٹوٹ گیا۔
اس دوران راولپنڈی، مری، گلیات، اٹک، گجرات، جہلم، گوجرانوالا میں تیز ہواؤں کے ساتھ بارشیں ہو سکتی ہیں۔
26 سے 28 جون کے دوران ملتان، ڈیرہ غازی خان، بہاولپور اور بہاولنگر میں بھی بارشیں متوقع ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی