برساتی نالے میں گاڑی بہنے کا معاملہ؛ خاتون ٹیچر کے بعد کیب ڈرائیور کی لاش بھی برآمد
اشاعت کی تاریخ: 27th, June 2025 GMT
راولپنڈی:
2 روز قبل طوفانی بارش کے دوران پیش آنے والا افسوس ناک سانحہ مزید دلخراش شکل اختیار کر گیا۔ آن لائن کیب کے لاپتا ڈرائیور حسین معاویہ کی لاش بھی جمعرات کی شب دریائے سواں سے مل گئی۔
اس سے قبل کیب میں سوار اسکول ٹیچر انعم بشیر کی لاش بدھ کے روز نالے سے برآمد ہوئی تھی۔
واقعہ بدھ کی صبح رینج روڈ کے قریب لین نمبر فور، ویسٹریج میں اس وقت پیش آیا جب افشاں کالونی کی رہائشی خاتون اسکول ٹیچر انعم بشیر نے اسلام آباد ڈیوٹی پر جانے کے لیے آن لائن کیب بک کروائی۔ شدید بارش کے دوران جب گاڑی لین فور کے قریب پہنچی تو برساتی نالے میں طغیانی کے باعث پانی کا بہاؤ سڑک پر آ گیا اور کیب اس میں بہہ گئی۔
یہ خبر بھی پڑھیں: آن لائن کیب میں اسکول جانیوالی ٹیچر کی لاش برساتی نالے سے برآمد، ڈرائیور غائب
واقعے کے کچھ گھنٹے بعد خاتون ٹیچر انعم بشیر کی لاش تھانہ رتہ امرال کے علاقے میں واقع بھوسہ گودام کے قریب سے برآمد ہوئی تھی جب کہ کیب کچھ فاصلے پر خستہ حالت میں نالے کے اندر دھنسی ہوئی ملی، تاہم ڈرائیور حسین معاویہ کا کچھ پتا نہ چل سکا، جس کے بعد ریسکیو 1122 اور ویسٹریج پولیس نے مسلسل 2روز تک سرچ آپریشن جاری رکھا۔
بالآخر جمعرات کی شام سورج غروب ہونے کے بعد تھانہ روات اور صدر بیرونی کے علاقے ڈھوک باوا کے قریب دریائے سواں میں ایک نامعلوم شخص کی لاش کی موجودگی کی اطلاع پر ریسکیو اور پولیس موقع پر پہنچے۔ لاش کے چہرے پر ڈاڑھی اور کلائی پر مخصوص دھاگے کے کڑے کی مدد سے لواحقین نے اس کی شناخت کیب ڈرائیور حسین کے طور پر کی۔ پولیس کے مطابق متوفی حسین گوجرخان کا رہائشی تھا۔
واقعے سے متعلق ایک دن قبل جاری ہونے والی ابتدائی رپورٹ میں بتایا گیا تھا کہ انعم بشیر نامی اسکول ٹیچر کی لاش برساتی نالے سے ملی جبکہ ڈرائیور غائب تھا۔ پولیس نے گاڑی کی رجسٹریشن کی مدد سے مالکان سے رابطہ کیا جنہوں نے بتایا کہ گاڑی حسنین نامی شخص چلا رہا تھا، جو آن لائن کیب سروس کے ذریعے مسافر لے جا رہا تھا۔
.ذریعہ: Express News
کلیدی لفظ: برساتی نالے آن لائن کیب کے قریب کی لاش
پڑھیں:
وزیراعلیٰ مریم نوازکا ڈومیلی اور پسرور میں برساتی نالوں میں ڈوبنے سے دو بچو ں کے جاں بحق ہونے پر گہرے دکھ کا اظہار
لاہور (اُردو پوائنٹ اخبارتازہ ترین - این این آئی۔ 09 اگست2025ء)وزیر اعلیٰ پنجاب مریم نواز شریف نے ڈومیلی اور پسرور میں برساتی نالوں میں ڈوبنے سے دو بچو ں کے جاں بحق ہونے پر گہرے دکھ اور افسوس کا اظہار کیاہے۔(جاری ہے)
وزیر اعلیٰ مریم نواز شریف نے سوگوار خاندانوں سے دلی ہمدردی اور تعزیت کااظہار کیا ۔ وزیراعلیٰ مریم نواز شریف نے جہلم اور سیالکوٹ انتظامیہ سے رپورٹ طلب کرلی ۔وزیر اعلیٰ مریم نواز شریف نے والدین سے مون سون کے دوران بچوں کو سیلابی نالوں سے دور رکھنے کی اپیل کی ہے۔
مسعود پزشکیان 2 روزہ دورہ مکمل کرکے واپس روانہ