تہاڑ جیل میں کشمیری قیدیوں کی حالت پر انجینئر رشید بھوک ہڑتال پر ہیں، انعام النبی
اشاعت کی تاریخ: 28th, June 2025 GMT
ترجمان کا کہنا ہے کہ انجینئر رشید نے اہل خانہ کیساتھ حالیہ ملاقات میں کہا کہ بی جے پی اور کانگریس دونوں ایک دوسرے پر جمہوریت کا گلا گھونٹنے کے الزامات عائد کرتے ہیں، لیکن جب بات کشمیری قیدیوں کی آتی ہے تو دونوں خاموش رہتے ہیں۔ اسلام ٹائمز۔جموں و کشمیر کے ضلع بارہمولہ سے منتخب رکن پارلیمان عبد الرشید شیخ المعروف انجینئر رشید کل شام 8 بجے سے آج شام 8 بجے تک ایک روزہ بھوک ہڑتال کریں گے۔ اس بات کا اعلان عوامی اتحاد پارٹی (اے آئی پی) نے کیا۔ پارٹی کے مطابق یہ علامتی احتجاج بھارتی جیلوں میں بند کشمیری قیدیوں کو بنیادی انسانی اور آئینی حقوق سے محروم رکھنے کے خلاف ہوگا۔ اے آئی پی کے ترجمان اعلیٰ انعام النبی کے مطابق انجینئر رشید نے تہاڑ جیل انتظامیہ کو اپنے ارادے سے باضابطہ طور پر آگاہ کر دیا ہے۔ ان کا کہنا ہے کہ انجینئر رشید نے اہل خانہ کے ساتھ حالیہ ملاقات میں کہا کہ بی جے پی اور کانگریس دونوں ایک دوسرے پر جمہوریت کا گلا گھونٹنے کے الزامات عائد کرتے ہیں، لیکن جب بات کشمیری قیدیوں کی آتی ہے تو دونوں خاموش رہتے ہیں۔ انعام النبی کے مطابق رشید نے الزام عائد کیا ہے کہ یو اے پی اے جیسے سخت قوانین کے تحت صرف سیاسی نظریات رکھنے کی بنیاد پر کشمیری نوجوانوں اور کارکنوں کو قید رکھا گیا ہے اور قومی جماعتیں اس پر مجرمانہ خاموشی اختیار کیے ہوئے ہیں۔؎
انہوں نے مزید کہا کہ بی جے پی ایمرجنسی کے مظالم کو تو اجاگر کرتی ہے، لیکن کشمیر میں گزشتہ 11 برسوں کے دوران سیاسی آوازوں کو خاموش کرنے، نظریاتی اختلافات کو جرم جتانے اور جمہوری آوازوں کو کچلنے کی اپنی پالیسی پر بات نہیں کرتی۔ انجینئر رشید کے بھوک ہڑتال کے اس اعلان سے قبل جمعرات کو کشمیر کے ایک اور رکن پارلیمان آغا سید روح اللہ نے وزیر داخلہ امت شاہ کو خط لکھ کر تہاڑ جیل میں قید بزرگ علیحدگی پسند رہنما شبیر شاہ کے علاج کا مطالبہ کیا تھا۔ شبیر شاہ کی بیٹی سحر شبیر نے ایک ویڈیو بیان میں دعویٰ کیا تھا کہ ان کے والد متعدد امراض میں مبتلا ہیں جن میں پروسٹیٹ کینسر بھی شامل ہے۔
یاد رہے کہ انجینئر رشید نے 2024ء کے پارلیمانی انتخابات میں سابق وزیراعلیٰ عمر عبداللہ کو دو لاکھ سے زائد ووٹوں سے شکست دی تھی، لیکن وہ 2019ء سے تہاڑ جیل میں قید ہیں۔ اُنہیں دہشت گردی کی مالی معاونت سے متعلق ایک کیس میں گرفتار کیا گیا تھا۔ اے آئی پی کا مزید کہنا ہے کہ انجینئر رشید کی بھوک ہڑتال کا مقصد بھارت کے عوام کو یاد دلانا ہے کہ آرٹیکل 370 کی منسوخی کے بعد سے کشمیری عوام کے آئینی و جمہوری حقوق کی منظم پامالی جاری ہے اور اسے بھلایا نہیں جا سکتا۔
ذریعہ: Islam Times
کلیدی لفظ: ہے کہ انجینئر رشید کشمیری قیدیوں بھوک ہڑتال تہاڑ جیل
پڑھیں:
جامعہ کراچی میں انجمن محبان رسولؐ کے تحت سالانہ محفلِ میلاد النبیؐ
اسلام ٹائمز: خصوصی خطاب کرتے ہوئے علامہ عبدالجبار نقشبندی نے کہا کہ رسول اکرم (ص) کی سیرت انسانیت کے لیے کامل نمونہ ہے، حضور (ص) نے اخوت، محبت، انصاف اور خدمتِ خلق کی تعلیمات دے کر دنیا کو حقیقی امن کا پیغام دیا، آج امت مسلمہ کے اتحاد اور نجات کی واحد راہ یہی ہے کہ ہم اپنی انفرادی و اجتماعی زندگی کو تعلیماتِ نبوی (ص) کے مطابق ڈھالیں۔ متعلقہ فائیلیںاسلام ٹائمز۔ انجمن محبان رسول (ص) جامعہ کراچی کے زیر اہتمام سالانہ محفل میلاد النبی (ص) پارکنگ گراؤنڈ (بالمقابل آرٹس لابی) میں عقیدت و احترام کے ساتھ منعقد ہوئی۔ محفل کی صدارت جامعہ کراچی کے شیخ الجامعہ پروفیسر ڈاکٹر خالد محمود عراقی نے کی، جبکہ معروف عالمِ دین علامہ عبدالجبار نقشبندی نے خصوصی خطاب کیا۔ اپنے خطاب میں ڈاکٹر خالد محمود عراقی نے کہا کہ رسول اکرم (ص) کی سیرت ہر دور کے انسان کے لیے ایک مکمل ضابطہ حیات ہے، ہمیں اپنی جامعات میں سیرت النبی (ص) کے مطالعے اور عملی نفاذ کو فروغ دینا چاہیئے تاکہ طلبہ علم کے ساتھ ساتھ اخلاق و کردار میں بھی نکھر سکیں، نوجوان ہی امت کا اصل سرمایہ ہیں، اور اگر وہ تعلیماتِ نبوی (ص) کو اپنی زندگیوں میں اپنالیں تو پاکستان سمیت پوری دنیا میں امن و بھائی چارے کی فضا قائم ہو سکتی ہے۔
ڈاکٹر خالد عراقی نے کہا کہ میلاد النبی (ص) کا جشن محض رسومات تک محدود نہ رہے بلکہ یہ ہمارے لیے عمل اور کردار کی تبدیلی کا پیغام ہونا چاہیئے۔ خصوصی خطاب کرتے ہوئے علامہ عبدالجبار نقشبندی نے کہا کہ رسول اکرم (ص) کی سیرت انسانیت کے لیے کامل نمونہ ہے، حضور (ص) نے اخوت، محبت، انصاف اور خدمتِ خلق کی تعلیمات دے کر دنیا کو حقیقی امن کا پیغام دیا، آج امت مسلمہ کے اتحاد اور نجات کی واحد راہ یہی ہے کہ ہم اپنی انفرادی و اجتماعی زندگی کو تعلیماتِ نبوی (ص) کے مطابق ڈھالیں۔ محفل میں طلبہ، اساتذہ اور محبانِ رسول (ص) کی بڑی تعداد نے شرکت کی۔ شرکاء نے درود و سلام اور نعتوں کا نذرانہ پیش کیا اور بارگاہِ رسالتِ مآب (ص) میں عقیدت کا اظہار کیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/@ITNEWSUrduOfficial
توشہ خانہ ٹو کیس: عمران خان کے سابق ملٹری سیکرٹری کا اہم بیان منظرعام پر آگیا