بدین میں شہری کو قتل کرکے فرار ہوئے چار ملزمان کراچی سے گرفتار
اشاعت کی تاریخ: 30th, July 2025 GMT
کراچی:
ڈرگ روڈ ریلوے اسٹیشن کے قریب خفیہ اطلاع پر کارروائی کے دوران قتل میں ملوث چار خطرناک ملزمان کو گرفتار کرکے اسلحہ برآمد کرلیا گیا، ملزمان 18 مئی کو بدین میں شہری کو قتل کرکے فرار ہوگئے تھے۔
ایکسپریس نیوز کے مطابق سی ٹی ڈی اور وفاقی حساس ادارے نے ڈرگ روڈ ریلوے اسٹیشن کے قریب انٹیلی جنس بیسڈ آپریشن کرتے ہوئے چار خطرناک ملزمان محمد سجاد عرف شادو ولد نذیر احمد، عبید علی عرف عبیدی ولد محمد اسلم، محمد عمیر اصغر عرف عمیر ولد اصغر علی اور شکیل احمد ولد خلیل احمد کو گرفتار کرلیا، ملزمان کو اس وقت گرفتار کیا جب وہ پنجاب سے بذریعہ ٹرین کراچی پہنچے تھے اور فرار ہونے کی کوشش کر رہے تھے۔
ایس ایس پی سی ٹی ڈی عرفان بہادر کے مطابق گرفتار ملزمان نے 18 مئی کو ضلع بدین میں عبد الرحمان ولد رضا اللہ کو فائرنگ کر کے قتل کرنے کا انکشاف کیا، واقعے کامقدمہ 117/2025 ماتلی ضلع بدین میں درج ہے، گرفتار ملزمان سے قتل کی واردات میں استعمال ہونے والا اسلحہ بھی برآمد کیا گیا ہے جو کہ فرانزک کیلئے جمع کروادیا گیا ہے۔
ایس ایس پی نے بتایا کہ گرفتار ملزمان نے دوران تفتیش انکشاف کیا قتل کی واردات کے لیے حیدرآباد کے مقامی ہوٹل میں پانچ دن تک قیام کیا اور 13 مئی سے مقتول کی ریکی کررہے تھے، 18 مئی کو جیسے ہی موقع ملا تو ملزمان نے عرض محمد سولنگی حجام کی دکان کے سامنے مقتول کو ٹارگٹ کر کے قتل کر دیا یہ ملزمان پنجاب میں مختلف مقدمات میں مطلوب اور ملوث ہیں۔
انھوں نے بتایا کہ گرفتار ملزمان سے تفتیش کے دوران مذکورہ قتل کی واردات میں کالعدم علیحدگی پسند تنظیم کے ملوث ہونے کے شواہد بھی ملے ہیں جنہوں نے ملزمان کی اس قتل کے لیے مقامی طور پر سہولت کاری کی تھی، عبد الرحمان نامی شہری کے قتل کی تفتیش مدعی مقدمہ کی درخواست پر سی ٹی ڈی کو منتقل ہوئی تھی سی ٹی ڈی نے دو پہلوؤں سے جائزہ لیتے جائے وقوع سے حاصل ہونے والے شواہد ، ٹیکنیکل اور انٹیلی جنس کی بنیاد پر ملزمان کا سراغ لگایا اور ان کی گرفتاری عمل میں لائی گئی۔
گرفتار ملزمان سے مزید تفتیش جاری ہے اور کئی اہم انکشافات متوقع ہیں ملزمان کی گرفتاری پرآئی جی سندھ نے سی ٹی ڈی تفتیشی ٹیم کو نقد انعام اور تعریفی اسناد دینے کا اعلان کیا ہے۔
.
ذریعہ
ذریعہ: Express News
کلیدی لفظ: گرفتار ملزمان سی ٹی ڈی قتل کی قتل کر
پڑھیں:
کراچی: ملیر 15 میں رینجرز اور ایس آئی یو کی کارروائی، 3 بھتہ خور ہلاک
— فائل فوٹوکراچی کے علاقے ملیر 15 میں رینجرز اور اسپیشل انویسٹی گیشن یونٹ پولیس نے بھتہ خوروں کے خلاف مشترکہ کارروائی کی۔
اس دوران فائرنگ کے تبادلے میں 3 بھتہ خور ہلاک جبکہ ایک کو زخمی حالت میں گرفتار کر لیا گیا۔
ترجمان رینجرز کے مطابق بھتہ خوروں کی موجودگی کی خفیہ اطلاع پر ایس آئی یو کے ہمراہ کارروائی کی گئی تو وہاں موجود بھتہ خوروں نے رینجرز اور ایس آئی یو کی نفری پر حملہ کر دیا۔
ڈاکٹر آکاش سے 13جولائی کو ہلاک ڈاکوؤں نے کلفٹن میں اپنے ساتھیوں کے ہمراہ بینک کے باہر لوٹ مار کی تھی۔
ترجمان کے مطابق اس کے بعد مزید نفری کو طلب کیا گیا اور فائرنگ کے تبادلے میں 3 بھتہ خور ہلاک ہو گئے جبکہ 1 کو زخمی حالت میں گرفتار کر لیا گیا۔
ہلاک اور زخمی ہونے والے بھتہ خوروں کی شناخت کا عمل جاری ہے۔
ملزمان سے اسلحہ، موبائل فون اور موٹر سائیکل ملی ہے۔
پاکستان نے ورلڈ کپ 2028 کیلیے براہ راست کوالیفائی کر لیا