برسوں عالمی پابندی کا شکار رہنے والی قومی لائنز کی روش نہ بدلی، پیرس کی پرواز گھنٹوں تاخیر کا شکار
اشاعت کی تاریخ: 9th, August 2025 GMT
سالو بین الاقوامی پابندی کا شکار رہنے والی قومی لائنز کے عملے کی روش نہ بدل سکی جب کہ پیرس سے لاہور آنے والی پرواز پی کے 734 بیس گھنٹے سے زائد تاخیر کا شکار رہی۔
رپورٹ کے مطابق فرانس ائیرپورٹ پر پھنسے پاکستانی قومی ائیرلائن کی سروس سے نالاں رہے اور کہا کہ پرواز کے اڑان بڑھنے کے وقت تاخیر کا شکار ہونے کی اطلاع دی گئی، ٹیکسی کے دوران جہاز میں تکنیکی خرابی سامنے آنے پر ٹیک آف نہیں کیا گیا۔
مسافر نے کہا کہ تین گھنٹے تک طیارے میں ہی بیٹھے رہے،طیارے کے اندر ہی کھانا دیا گیا، فنی خرابی کے باعث مسافروں کو 4 گھنٹے بعد ائیرپورٹ لاونج منتقل کیا گیا،م 4گھنٹے گزرنے کے بعد مسافروں کو طیارے سے اتار دیا گیا۔
تین سو کے قریب مسافروں میں سے 14 مسافروں کو الگ کر دیا گیا، برطانیہ،امریکہ سے آئے پاکستانی مسافروں کو الگ کر کے ائیرپورٹ پر ہی بٹھا دیا گیا۔
280 کے قریب مسافروں کو ہوٹلز میں منتقل کر دیا گیا، مسافروں نے کہا کہ کل سے ہی بے یارومددگار ائیرپورٹ کے فرش پر بیٹھے ہیں۔
ائیرپورٹ پر خوار ہونے والے مسافروں میں خواتین اور بچے بھی شامل ہیں، ایک مسافر نے کہا کہ جب سے طیارے سے اتارا گیا،عملے نے آکر خیریت تک نہیں پوچھی، ائیر فرانس کے عملے نے فرش پر بیٹھے مسافروں کو کھانا اور پانی فراہم کیا۔
مسافر نے مزید بتایا کہ فرانس کی فضائی ائیرلائن کے ملازمین مسافروں کی مدد کو آئے، پی آئی اے انتظامیہ کی جانب سے پرواز کی روانگی کے لیے کوئی اطلاع نہیں دی گئی۔
.ذریعہ: Express News
کلیدی لفظ: مسافروں کو کا شکار دیا گیا کہا کہ
پڑھیں:
انتظامی مسائل، 13 پروازیں منسوخ، 44 میں تاخیر
انتظامی مسائل کے باعث 13 پروازیں منسوخ جبکہ 44 میں تاخیر ہوئی ہے۔
فلائٹ شیڈول کے مطابق قومی ایئر لائن کا ایک طیارہ خراب ہونے سے کراچی کی 6 پروازیں منسوخ کر دی گئیں۔ اے ٹی آر طیارے میں فنی خرابی کے باعث کراچی سے گوادر، تربت اور سکھر کی پروازیں منسوخ ہوئی ہیں۔
کراچی سے دبئی کی قومی ایئر کی 2 پروازیں پی کے 213 اور 214 بھی منسوخ کر دی گئیں جبکہ لاہور سے دبئی اور اسلام اباد ابوظبی کی 2 پروازیں بھی منسوخ ہوئی ہیں۔
فلائٹ شیڈول کے مطابق قومی ایئر کی پشاور سے دبئی اور ابوظبی کی 3 پروازیں منسوخ کر دی گئیں جبکہ کراچی کی 4 اور اسلام اباد کی 16 پروازوں میں 1 سے 12 گھنٹے تک تاخیر ہوئی ہے۔
اسلام آباد کوالالمپور، قومی ایئر کی پرواز پی کے 894 میں 12 گھنٹے تاخیر ہے۔ پشاور سے شارجہ، دبئی، ریاض اور جدہ کی 4 پروازوں میں 1 سے 8 گھنٹے کی تاخیر ہوئی ہے۔
فلائٹ شیڈول کے مطابق اسلام آباد سے اسکردو کی 4 پروازوں میں 3 سے 5 گھنٹے تاخیر ہے، کراچی کی 6 اور لاہور کی 14 پروازوں میں 1 سے 6 گھنٹے تاخیر ہوئی ہے۔
جدہ سے کراچی کی نجی ایئر کی پرواز ای آر 811 میں 10 گھنٹے تاخیر ہے۔
ماتلی میں آئس کے بڑھتے نشے کیخلاف آگاہی سیمینار