چیف جسٹس یحییٰ آفریدی سے وزیرِ خزانہ محمد اورنگزیب کی ملاقات
اشاعت کی تاریخ: 12th, August 2025 GMT
چیف جسٹس پاکستان یحییٰ آفریدی اور وزیرِ خزانہ محمد اورنگزیب—فائل فوٹوز
چیف جسٹس پاکستان یحییٰ آفریدی سے وزیرِ خزانہ محمد اورنگزیب نے ملاقات کی ہے۔
اس ملاقات کے حوالے سے جاری کیے گئے اعلامیے کے مطابق ملاقات میں عدالتی نظام کو جدید خطوط پر استوار کرنے کے منصوبوں پر گفتگو ہوئی، ٹیکس سے متعلق مقدمات کی درجہ بندی اور ٹیکنالوجی سے خدمات کی فراہمی پر تبادلۂ خیال بھی کیا گیا۔
چیف جسٹس پاکستان یحییٰ آفریدی نے متبادل تنازعات کے حل کے نظام کی کامیابی کی اہمیت پر زور دیا اور کہا کہ اے ڈی آر نظام ٹیکس تنازعات کے بروقت حل کے لیے شروع کیا گیا ہے، حکومت کی حمایت سے نظام کو کامیاب بنایا جا سکتا ہے۔
بار ایسوسیشنز کے تحفظات جلد دور کیے جائیں۔ میں نے کمٹمنٹ کی ہے اسے ضرور پورا کروں گا، جسٹس یحییٰ آفریدی
اس موقع پر وزیرِ خزانہ محمد اورنگزیب نے عدلیہ کے اصلاحاتی ایجنڈے کو سراہتے ہوئے کہا کہ حکومت عدالتی ترقیاتی منصوبوں کے لیے وسائل فراہم کرے گی۔
اعلامیے کے مطابق چیف جسٹس اور وزیرِ خزانہ نے قانون کی بالا دستی اور شہریوں کے بنیادی حقوق کے تحفظ پر زور دیا، عدلیہ اور انتظامیہ کے درمیان مربوط کوششوں کی ضرورت پر اتفاق کیا۔
اعلامیے کے مطابق ملاقات میں مسابقتی کمیشن کے افسران کو بھی تربیت دینے کا منصوبہ زیرِ غور آیا۔
.
ذریعہ
ذریعہ: Jang News
کلیدی لفظ: خزانہ محمد اورنگزیب چیف جسٹس
پڑھیں:
اسحاق ڈار کا کویتی وزیر خارجہ سے رابطہ‘ بیلجیئم میں تعینات پاکستانی سفیر کی ملاقات
اسلام آباد (خبر نگار خصوصی) نائب وزیرِاعظم و وزیرِ خارجہ سینیٹر محمد اسحاق ڈار نے کویت کے وزیرِ خارجہ شیخ جراح جابر الاحمد الصباح سے ٹیلیفونک گفتگو کی جس میں خطے اور دنیا میں جاری بدلتی ہوئی صورتحال پر تبادلہ خیال کیا گیا۔کویتی وزیرِ خارجہ شیخ جراح جابر الاحمد الصباح نے پاکستان کے مسلسل مصالحتی کردار اور امریکہ و ایران کے درمیان روابط و مذاکرات میں سہولت کاری کی کوششوں کو سراہااور علاقائی امن و سلامتی کے فروغ میں پاکستان کے تعمیری کردار کی تعریف کی۔دفتر خارجہ سے جاری بیان کے مطابق نائب وزیرِاعظم و وزیرِخارجہ نے اس عزم کا اعادہ کیا کہ پاکستان سفارتکاری اور مسلسل مذاکرات کو خطے میں پائیدار امن و استحکام کے حصول کا بہترین راستہ سمجھتا ہے اور اس کی حمایت جاری رکھے گا۔ دونوں جانب نے پاکستان اور کویت کے درمیان مضبوط برادرانہ تعلقات کی بھی توثیق کی اور آئندہ بھی قریبی رابطے برقرار رکھنے پر اتفاق کیا۔ علاوہ ازیں نائب وزیراعظم و وزیر خارجہ سینیٹر محمد اسحاق ڈار سے بیلجیم میں پاکستان کے سفیر رحیم حیات قریشی نے ملاقات کی۔ دفتر خارجہ کے مطابق نائب وزیراعظم نے یورپی یونین کی اعلیٰ نمائندہ نائب صدر کے حالیہ دورہ پاکستان کے مثبت نتائج کو مدنظر رکھتے ہوئے سفیر کو ہدایت کی کہ وہ اس دورے کے دوران طے پانے والی مفاہمتوں پر عملدرآمد کی پیروی جاری رکھیں اور یورپی یونین کے ساتھ تعاون کو مزید وسعت دینے کیلئے کوششیں تیز کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ