وزیراعظم سے کویت کے ولی عہد کی ملاقات، دو طرفہ اور کثیر الجہتی فورمز پر تعاون کے عزم کا اعادہ
اشاعت کی تاریخ: 23rd, September 2025 GMT
اقوام متحدہ:
وزیراعظم شہباز شریف اور کویت کے ولی عہد شیخ صباح الخالد الحمد المبارک الصباح نے دونوں ممالک کے درمیان تجارت، سرمایہ کاری، افرادی قوت کی برآمد سمیت دیگر شعبوں میں تعلقات کو مزید مضبوط بنانے کی خواہش کا اظہار کرتے ہوئے دو طرفہ اور کثیرالجہتی فورمز پر تعاون کے عزم کا اعادہ کیا۔
وزیراعظم آفس سے جاری اعلامیے کے مطابق اقوام متحدہ کی جنرل اسمبلی کے 80ویں اجلاس میں شرکت کے لیے نیویارک کے دورے پر موجود وزیراعظم شہباز شریف کی آج کویت کے ولی عہد شیخ صباح الخالد الحمد المبارک الصباح سے دوطرفہ ملاقات ہوئی۔
بیان میں کہا گیا کہ ملاقات کے دوران وزیراعظم نے پاکستان اور کویت کے درمیان دیرینہ، تاریخی برادرانہ تعلقات کا ذکر کیا۔
وزیر اعظم نے کویت کے امیر شیخ مشعل الاحمد الجابر الصباح کے لیے احترام اور نیک خواہشات کا اظہار کیا اور کہا کہ پاکستان اور کویت ہمیشہ ایک دوسرے کے ساتھ کھڑے رہے ہیں۔
وزیراعظم شہباز شریف نے پاکستان میں حالیہ سیلاب کے بعد کویت کے اظہار یک جہتی پر ولی عہد کا شکریہ ادا کیا۔
دونوں ممالک کے درمیان دوطرفہ تعاون کی مثبت پیش رفت پر اطمینان کا اظہار کرتے ہوئے وزیراعظم نے تجارت، سرمایہ کاری، زراعت، لائیواسٹاک، افرادی قوت کی برآمد اور صحت کے شعبوں میں تعلقات مزید مضبوط بنانے کی خواہش کا اظہار کیا۔
وزیراعظم نے کہا کہ پاکستان رواں برس کے آخر میں کویتی ولی عہد کے پاکستان کے سرکاری دورے پر میزبانی کا منتظر ہے، جس کی تاریخیں سفارتی ذرائع سے طے کی جا رہی ہیں۔
بیان میں کہا گیا کہ دونوں رہنماؤں نے مشرق وسطیٰ کی صورت حال سمیت علاقائی اور بین الاقوامی امور پر بھی تبادلہ خیال کیا۔
کویت کے ولی عہد نے عالمی برادری کے سامنے فلسطینیوں پر ہونے والے مظالم کو مؤثر انداز میں بے نقاب کرنے کے ساتھ ساتھ خطے میں امن کے لیے اہم کردار ادا کرنے کے لیے پاکستان کی سفارتی کوششوں کو سراہا۔
اس موقع پر دونوں رہنماؤں نے دو طرفہ اور کثیر الجہتی فورمز پر قریبی تعاون کے اپنے عزم کا اعادہ کیا۔
.ذریعہ: Express News
کلیدی لفظ: کویت کے ولی عہد کا اظہار کے لیے
پڑھیں:
روانڈا میں پاکستانی سفیر کا ڈاکٹر اکبر نیازی ٹیچنگ ہسپتال کا دورہ، دو طرفہ تعاون پر زور
روانڈا میں پاکستانی سفیر کا ڈاکٹر اکبر نیازی ٹیچنگ ہسپتال کا دورہ، دو طرفہ تعاون پر زور WhatsAppFacebookTwitter 0 22 September, 2025 سب نیوز
اسلام آباد (سب نیوز )
پاکستان کے روانڈا میں سفیر ، نعیم خان، نے جی اے کے ہیلتھ کیئر انٹرنیشنل کے اہم ادارے ڈاکٹر اکبر نیازی ٹیچنگ ہسپتال کا دورہ کیا۔
اس موقع پر ہیلتھ ٹورزم، طبی تعلیم اور تحقیق کے شعبوں میں تعاون بڑھانے پر سیر حاصل بات چیت ہوئی۔ یہ دورہ سفیر نعیم خان کی اس کوشش کا حصہ تھا جس کے ذریعے وہ پاکستان اور افریقی ممالک کے درمیان تعلقات کو مزید مضبوط بنانا چاہتے ہیں۔
ہسپتال کی ڈائریکٹر ڈاکٹر اریج نیازی نے اپنی ٹیم کے سینئر اراکین کے ہمراہ معزز مہمان کا استقبال کیا۔ ہیلتھ گیٹ وے سے محسن سرفراز بھی اس ملاقات میں بطور ہیلتھ ٹورزم ایکسپرٹ موجود تھے۔
ہسپتال انتظامیہ نے سفیر کو بتایا کہ ڈاکٹر اکبر نیازی ٹیچنگ ہسپتال اور جی اے کے ہیلتھ کیئر کا مقصد ہر شخص کو معیاری اور مناسب لاگت پر علاج مہیا کرنا ہے، ساتھ ہی پاکستان کا مثبت تشخص دنیا بھر میں اجاگر کرنا بھی ادارے کی ترجیح ہے۔ بعد ازاں سفیر کو ہسپتال کے مختلف شعبوں کا دورہ کرایا گیا۔ انہوں نے ہسپتال کے اعلیٰ معیار، جدید سہولیات اور عملے و انتظامیہ کی پیشہ ورانہ کارکردگی کو سراہا۔
اس موقع پر سفیر نے کہا کہ پاکستان اور افریقی ممالک کے درمیان مشترکہ منصوبوں کے بے شمار امکانات ہیں۔ اُن کے مطابق، صحت اور تعلیم میں تعاون سے دونوں خطوں کے عوام کو فائدہ ہوگا اور تعلقات مزید مستحکم ہوں گے۔ انہوں نے ڈاکٹر اریج نیازی کو اپنی ٹیم سمیت روانڈا کے دورے کی دعوت دی تاکہ شعبہ صحت سے متعلقہ مواقع کا قریب سے جائزہ لیا جا سکے۔
ڈاکٹر اریج نیازی نے کہا کہ ہسپتال کا وژن پاکستان میں اور ملک سے باہر موجود کمیونیٹیز کو عالمی شراکت داروں کے ساتھ ملکر اعلی معیار کی طبی سہولیات فراہم کریں اور طبی تعلیم کو بہتر بنائیں، اور استعداد میں اضافہ کریں۔ ان اقدامات سے نہ صرف ادارے کے اہداف پورے ہوں گے بلکہ پاکستان کو دنیا بھر میں ایک قابلِ اعتماد ملک کے طور پر پیش کیا جا سکے گا۔
ہسپتال کے شعبہ کمیونیکیشیز کے سربراہِ عمران علی غوری نے کہا کہ یہ ملاقات آئندہ دنوں میں بھر پور تعاون کے لیے ایک بنیاد ہے۔ اب اگلا مرحلہ مشترکہ دلچسپی کے شعبوں کی نشاندہی، تعاون کے لیے فریم ورک تیار کرنے اور عملی اقدامات پر مزید بات چیت کرنا ہے تاکہ یہ تعلقات اور منصوبے جلد حقیقی شکل اختیار کریں۔
دورے کا اختتام انتہائی خوشگوار انداز میں ہوا اور دونوں جانب سے اس بات پر اتفاق کیا گیا کہ پاکستان اور افریقہ کے درمیان صحت کے شعبے میں تعاون کو ایک واضح لائحہ عمل کے تحت آگے بڑھایا جائے گا۔ یہ پیش رفت اس بات کا ثبوت ہے کہ جی اے کے ہیلتھ کیئر پاکستان کے طبی شعبے کو دنیا بھر میں وسعت دینے اور افریقہ کے ساتھ مضبوط تعلقات قائم کرنے میں سرگرم کردار ادا کر رہا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسرائیلی ڈرون حملہ: لبنان میں 3 بچوں سمیت ایک ہی خاندان کے 5 افراد جاں بحق برطانیہ ودیگر ممالک کا فلسطینی ریاست تسلیم کرنے کا خیر مقدم کرتے ہیں، طاہر اشرفی ہائی وولٹیج ٹاکرا، پاکستان کا بھارت کو جیت کیلئے 172 رنز کا ہدف ہماری خارجہ پالیسی نے سلامتی کونسل میں اسرائیل کو معافی مانگنے پر مجبور کر دیا، رانا تنویر ہم ایک انچ زمین بھی امریکا کو نہیں دیں گے، افغانستان کا ٹرمپ کو دو ٹوک جواب عالمی برادری اسرائیل و بھارت کی جارحیت اور مظالم کو فوری طور پر بند کرائے، بلاول بھٹو وزیراعظم دورہ امریکا میں 6اسلامی ممالک کے رہنماوں کے ہمراہ ٹرمپ سے ملاقات کرینگےCopyright © 2025, All Rights Reserved
رابطہ کریں ہماری ٹیم
ویتنام : ٹرک حادثے میں 3 افراد ہلاک‘ کئی زخمی