وزیر اعظم شہباز شریف کی سری لنکا کے صدر سے ملاقات
اشاعت کی تاریخ: 24th, September 2025 GMT
نیو یارک(ڈیلی پاکستان آن لائن)اقوام متحدہ کی جنرل اسمبلی کے 80 ویں سالانہ اجلاس کے موقع پر وزیراعظم پاکستان شہباز شریف نے سری لنکا کے صدر انورا کمارا دسانائیکے سے ملاقات کی۔ ملاقات میں دونوں رہنماؤں نے مختلف علاقائی اور عالمی امور پر تبادلہ خیال کیا اور پاک-سری لنکا تعلقات کو مزید مضبوط بنانے کے عزم کا اظہار کیا۔
ملاقات کے دوران اعلیٰ سطح کے وفود کے تبادلے، تجارت، تعلیمی تعاون اور دفاعی شعبوں میں تعاون بڑھانے پر بھی بات چیت ہوئی۔ دونوں رہنماؤں نے پاک–سری لنکا کے دوطرفہ تعلقات کی مضبوط نوعیت پر اطمینان کا اظہار کیا اور تعلقات کو مزید وسعت دینے پر اتفاق کیا۔وزیراعظم شہباز شریف نے مختلف بین الاقوامی فورمز پر دونوں ممالک کے درمیان قریبی تعاون کو سراہا۔ دونوں رہنماؤں نے کھیلوں خصوصاً کرکٹ کے شعبے میں تبادلوں کو فروغ دینے پر بھی اتفاق کیا اور آئندہ رابطے میں رہنے کے عزم کا اعادہ کیا۔
مقبوضہ کشمیر میں پرتشدد مظاہرے، 4 افراد ہلاک،متعدد زخمی ، بی جے پی کے دفتر کو آگ لگا دی گئی
مزید :.
ذریعہ
ذریعہ: Daily Pakistan
کلیدی لفظ: سری لنکا
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ