روسی برقی گاڑی کا انکشاف، دنیا کی سب سے بدصورت کار قرار
اشاعت کی تاریخ: 9th, November 2025 GMT
data-id="863a0a8" data-element_type="widget" data-widget_type="theme-post-content.default">
روس: روسی کار ساز کمپنی Avtotor اور ماسکو پولی ٹیکنک انسٹیٹیوٹ کی مشترکہ پروڈکٹ، Amber Yantar نامی نئی برقی گاڑی کو بے حد غیر دلکش ڈیزائن کی وجہ سے دنیا کی سب سے بدصورت گاڑی قرار دیا گیا ہے۔
عالمی میڈیا رپورٹس کے مطابق یہ الیکٹرک گاڑی حال ہی میں منظر عام پر آئی ہے اور سوشل میڈیا پر اس کی تصاویر وائرل ہو گئی ہیں، جہاں صارفین نے اس کے عجیب و غریب ظاہری ڈیزائن پر مزاحیہ تبصرے کیے ہیں۔
کمپنی کا کہنا ہے کہ 2025 میں Kaliningrad پلانٹ میں 50,000 گاڑیاں تیار کی جائیں گی اور تمام اہم کمپونینٹس جیسے الیکٹرک موٹر، انورٹر، کنٹرول بورڈز اور بیٹریاں مکمل طور پر روس میں تیار کی جائیں گی، حالانکہ ماضی میں روسی کار ساز اکثر چینی پارٹس استعمال کرتے آئے ہیں۔
ٹیکنیکل تفصیلات کم ہیں، لیکن گاڑی میں 25kW/h بیٹری ہوگی اور صارفین بیٹری خریدنے کے بجائے اسے کرائے پر بھی لے سکتے ہیں، گاڑی کی زیادہ سے زیادہ رفتار 105 کلومیٹر فی گھنٹہ (65 میل فی گھنٹہ) ہے۔
اگرچہ کار کے تکنیکی پہلو محدود ہیں لیکن آن لائن صارفین کا زیادہ فوکس اس کے عجیب و غریب اور غیر متاثر کن ڈیزائن پر ہے، جس نے بے شمار میمز اور لطیفے جنم دیے ہیں۔
Avtotor نے کہا ہے کہ پروڈکشن میں ڈیزائن مکمل طور پر بدل جائے گا اور یہ صرف ایک ٹیسٹ پروٹو ٹائپ ہے، مگر صارفین اس وضاحت سے زیادہ مطمئن نہیں۔
ذریعہ
ذریعہ: Jasarat News
پڑھیں:
حکومت کا چینی شہریوں کیلئے بلٹ پروف لینڈ کروزر خریدنے کا فیصلہ
حکومتِ پاکستان نے چینی شہریوں کی سیکیورٹی کو مزید مؤثر بنانے کے لیے تقریباً 9 کروڑ 50 لاکھ روپے مالیت کی نئی بلٹ پروف ٹویوٹا لینڈ کروزر خریدنے کا فیصلہ کر لیا۔سرکاری دستاویزات کے مطابق 95.049 ملین روپے مالیت کی یہ گاڑی چین پاکستان اقتصادی راہداری (سی پیک) سیکرٹریٹ کے استعمال کے لیے حاصل کی جائے گی تاکہ چینی وفود، ماہرین اور دیگر اہم شخصیات کو محفوظ سفری سہولت فراہم کی جا سکے۔وفاقی وزیر برائے منصوبہ بندی احسن اقبال کا کہنا ہے کہ چینی شہریوں کا تحفظ حکومتِ پاکستان کی اولین ترجیح ہے، اسی مقصد کے تحت نئی بلٹ پروف گاڑی خریدی جا رہی ہے۔دستاویزات کے مطابق یہ گاڑی پہلے سے موجود بلٹ پروف گاڑیوں اور کم از کم دو ہیلی کاپٹروں کے علاوہ ہوگی، جنہیں مختلف سرکاری ادارے چینی شہریوں کی سکیورٹی کے لیے استعمال کر رہے ہیں یا جن کی خریداری کا عمل جاری ہے۔سی پیک سیکرٹریٹ نے مؤقف اختیار کیا ہے کہ کابینہ ڈویژن کے محدود گاڑیوں کے بیڑے کے باعث بروقت بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی صورتحال پیدا ہو جاتی ہے۔دستاویزات میں کہا گیا ہے کہ نجی مارکیٹ سے بلٹ پروف گاڑیاں کرائے پر حاصل کرنا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی مالی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔حکومت کو تین ٹویوٹا ڈیلرز کی جانب سے قیمتیں موصول ہوئیں، جن میں ٹویوٹا سینٹرل موٹرز نے 95.049 ملین روپے، ٹویوٹا پورٹ قاسم نے 95.25 ملین روپے اور ٹویوٹا سوسائٹی نے 95.45 ملین روپے کی پیشکش کی، حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔دستاویزات کے مطابق سی پیک سیکرٹریٹ کے پاس گاڑی کی خریداری کے لیے مطلوبہ فنڈز دستیاب نہیں تھے، جس کے بعد وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا، تاہم مالی سال کے اختتام تک ضروری منظوری نہ ملنے کے باعث خریداری کا آرڈر جاری نہیں ہو سکا۔وزارت نے فنڈز کی فراہمی کے لیے مختلف منصوبوں سے رقم مختص کی، جن میں سینٹر فار ایکسی لینس برائے سی پیک سے ایک کروڑ 88 لاکھ روپے، وفاقی ایس ڈی جیز پروگرام سے 91 لاکھ روپے، مانیٹرنگ اینڈ ایویلیوایشن منصوبے سے ایک کروڑ 10 لاکھ روپے اور پالیسی ریسرچ گرانٹس پروگرام سے ایک کروڑ 60 لاکھ روپے شامل ہیں، ان فنڈز میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص کیے گئے تھے۔
بھارت سے جنگ اور افغانستان میں کارروائی خارج ازامکان نہیں، وزیردفاع