ستائیسویں ترمیم عدلیہ اور جمہوریت کے لیے خطرہ ہے، حافظ نعیم الرحمن
اشاعت کی تاریخ: 9th, November 2025 GMT
data-id="863a0a8" data-element_type="widget" data-widget_type="theme-post-content.default">
لاہور: امیر جماعت اسلامی حافظ نعیم الرحمن نے ستائیسویں آئینی ترمیم پر شدید ردعمل ظاہر کرتے ہوئے کہا ہے کہ اس ترمیم کے مضمرات ہولناک ہیں اور اسے اپوزیشن کو کلیتاً مسترد کرنا چاہیے۔
حافظ نعیم الرحمن نے کہا کہ یہ ترمیم دینی، آئینی، جمہوری، سماجی اور سیاسی لحاظ سے غلط اور شرمناک ہے ، یہ نظام انصاف پر شب خون مارنے کے مترادف ہے اور ملک میں عوامی حقوق کی پامالی کا سبب بن سکتی ہے۔
امیر جماعت اسلامی نے پی ڈی ایم اور پیپلز پارٹی پر تنقید کرتے ہوئے کہا کہ ان کی جمہوری کارکردگی عوام کے لیے قابلِ سوال ہے اور یہ ترمیم ان کے غیر جمہوری رویوں کو قانونی تحفظ فراہم کرے گی۔
انہوں نے مزید کہا کہ وصیت، وراثت اور وڈیرہ شاہی کے سہارے پارٹی چلانے والے اور ممبران پارلیمنٹ کی خریدوفروخت کرنے والے اب عوام کے سامنے جوابدہ نہیں رہنا چاہتے۔ ساتھ ہی حافظ نعیم الرحمان نے انتباہ کیا کہ میئر شپ پر قبضے اور فارم 47 کے ذریعے سیاست کو آگے بڑھانے والے اب عدالتوں کے سامنے بھی جوابدہ نہیں رہنا چاہتے، جو آئینی اور قانونی عمل کے لیے خطرہ ہے۔
امیر جماعت اسلامی کا کہنا تھا کہ یہ ترمیم ملک میں عدلیہ کی آزادی اور انصاف کے نظام کو کمزور کرنے کی ایک کوشش ہے اور اس کے خلاف ہر فورم پر آواز بلند کی جائے گی۔
ذریعہ
ذریعہ: Jasarat News
کلیدی لفظ: حافظ نعیم
پڑھیں:
وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی
وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی، وفاقی آئینی عدالت نے غیررجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا.عدالت نے قرار دیا ہے کہ ٹیکس قانون کے سیکشن 31اے میں ابہام ہے۔
جسٹس عامر فاروق کی سربراہی میں دو رکنی بنچ نے فیصلہ جاری کر دیا. وفاقی آئینی عدالت نے فیصلے میں کہا حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا۔
اضافی ٹیکس سال 2024 کے فنانس ایکٹ کی مد میں وصول کیا جا رہا تھا،قانون کے مطابق پولٹری فارمز کو ٹیکس سے مستثنیٰ قرار دیا گیا ہے،قانون کے مطابق استثنی ملنے پر پولٹری فارمز رجسٹریشن کے پابند نہیں ہیں۔
قانون غیررجسٹرڈ پولٹری فارمز کو مکمل تحفظ فراہم کرتا ہے،رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی،وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔
لاہور ہائیکورٹ نے پولٹری فیڈ ملز سے 4% اضافی ٹیکس کی وصولی کو درست قرار دیا تھا.پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ