پی سی بی، کپتان کرکٹ ٹیم کی سری لنکن کھلاڑی دنیتھ ویلالاگے سے والد کے انتقال پر تعزیت
اشاعت کی تاریخ: 24th, September 2025 GMT
پاکستان کرکٹ بورڈ (پی سی بی) کے اہم حکام اور قومی کرکٹ ٹیم کے کپتان سلمان علی آغا نے سری لنکن اسپنر دنیتھ ویلالاگے سے ان کے والد کے انتقال پر تعزیت کی۔
یہ بھی پڑھیں: ایشیا کپ: افغانستان کے خلاف میچ کے دوران سری لنکن کرکٹر کے والد انتقال کر گئے
سلمان علی آغا کے ہمراہ وائٹ بال ہیڈ کوچ مائیک ہیسن، چیف آپریٹنگ مینیجر سمیر احمد سید، پی سی بی کے مشیر سلمان نصیر اور ٹیم مینیجر نوید اکرم چیمہ بھی موجود تھے جنہوں نے اس مشکل گھڑی میں نوجوان کھلاڑی کے ساتھ ہمدردی اور حمایت کا اظہار کیا۔
یاد رہے کہ دنیتھ ویلالاگے کو ان کے والد کی وفات کی افسوسناک خبر سری لنکا کے افغانستان کے خلاف گروپ بی میچ میں 6 وکٹوں سے جیت کے فوراً بعد موصول ہوئی تھی۔ ان کے والد سورنگا ویلالاگے ، کا دل کا دورہ پڑنے سے انتقال ہوا، جبکہ دونیت قومی ذمہ داری نبھا رہے تھے۔
مزید پڑھیے: ایشیا کپ سپر 4 مرحلہ، بنگلہ دیش نے حیران کن طور پر سری لنکا کو شکست دے دی
دریں اثنا دنیتھ ویلالاگے نے اپنے دکھ کا اظہار کرتے ہوئے ایک جذباتی پیغام میں ان تمام افراد کا شکریہ ادا کیا جنہوں نے ان اور ان کے خاندان کے ساتھ اس کٹھن وقت میں کھڑے رہے۔
انہوں نے لکھا کہ میں ان تمام لوگوں کا دل کی گہرائیوں سے شکریہ ادا کرنا چاہتا ہوں جنہوں نے میرے اور میرے خاندان کے ساتھ میرے والد کے انتقال کے بعد اس زندگی کے سب سے دردناک وقت میں ساتھ دیا۔
پاکستان کرکٹ ٹیم مینجمنٹ کی سری لنکن کرکٹر دنیتھ ویلالاگے سےانکے والد کے انتقال پر اظہار تعزیت
اے سی سی ایگزیکٹو بورڈ ممبر سلمان نصیر نے چیئرمین پی سی بی و صدر اے سی سی محسن نقوی کی طرف سے اظہار افسوس کیا
کپتان سلمان علی آغا، ٹیم مینجر نوید اکرم چیمہ، ہیڈ کوچ مائیک ہیسن نے… pic.
— PCB Media (@TheRealPCBMedia) September 24, 2025
ان کا کہنا تھا کہ والد کے بغیر ایک خلا رہ گیا ہے مگر محبت، حوصلہ اور حمایت نے مجھے آگے بڑھنے کی ہمت دی۔
انہوں نے سری لنکن عوام کی غیر متزلزل حمایت اور دعاؤں کو بھی سراہا۔ انہوں نے کہا کہ سب سے اہم بات، میں سری لنکا کے لوگوں کا شکریہ ادا کرنا چاہتا ہوں جن کی دعائیں، پیغامات اور بے لوث حمایت نے مجھے یہ احساس دلایا کہ میں کبھی اکیلا نہیں ہوں۔
مزید پڑھیں: ویمنز ورلڈ کپ: پاکستان ٹیم کی سری لنکا میں پریکٹس، بھرپور تیاریاں
دنیتھ ویلالاگے نے اپنے والد کے خواب کو یاد کرتے ہوئے کہا کہ میرے والد کا خواب تھا کہ میں اس سفر کو جاری رکھوں اور میں آپ سب کی سپورٹ سے پوری کوشش کروں گا کہ والد کی خواہش پوری ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کرکٹ بورڈ سری لنکا کپتان قومی کرکٹ ٹیم سلمان علی آغا
ذریعہ
ذریعہ: WE News
کلیدی لفظ: پاکستان کرکٹ بورڈ سری لنکا کپتان قومی کرکٹ ٹیم سلمان علی ا غا والد کے انتقال سلمان علی کرکٹ ٹیم سری لنکا پی سی بی کے والد
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار