53 سال سے نابینا بن کر فنڈ لینے والا جعل ساز آخر کار گرفتار
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
اٹلی میں 70 سالہ شخص کا نابینا ہونے کا 53 سالہ ڈرامہ بے نقاب 32 کروڑ روپے سے زائد رقم ہتھیانے والے جعلساز کی چال آخر کار پکڑی گئی۔
غیر ملکی میڈیا رپورٹس کے مطابق ویسنزا سے تعلق رکھنے والے اس اطالوی شہری نے نصف صدی سے زائد عرصے تک معذوری فنڈز حاصل کرنے کے لیے نابینا ہونے کا ڈرامہ رچایا۔ اس دوران اس نے مختلف سرکاری اور فلاحی اسکیموں کے ذریعے 10 لاکھ یورو (32 کروڑ سے زائد پاکستانی روپے) وصول کیے۔
رپورٹ کے مطابق 53 سال قبل ایک حادثے کے بعد اسے مکمل طور پر نابینا قرار دیا گیا تھا، جس کے بعد اس نے اسی جھوٹ کو بنیاد بنا کر مالی امداد لیتے رہنے کا سلسلہ جاری رکھا۔
تاہم حال ہی میں اٹلی کی مقامی پولیس کو اس پر شک ہوا تو حکام نے خفیہ نگرانی شروع کردی۔ پولیس نے دوران تفتیش اس شخص کی ویڈیوز ریکارڈ کیں جن میں وہ تیز دھار اوزاروں سے باغبانی کرتا اور دکانوں میں جا کر اوزاروں کا باریک بینی سے معائنہ کرتا نظر آیا۔
دو ماہ کی نگرانی کے بعد پولیس کو یقین ہوگیا کہ مذکورہ شخص نابینا نہیں بلکہ جعل سازی کر رہا تھا۔ حکام نے فوری کارروائی کرتے ہوئے اس کی تمام مالی امداد منجمد کردی۔
اطالوی حکام کے مطابق ملزم پر ریاست کو دھوکا دینے کا الزام عائد کیا گیا ہے، جب کہ اس کے خلاف ٹیکس آڈٹ کا حکم بھی جاری کر دیا گیا ہے۔ ابتدائی طور پر اس پر 2 لاکھ یورو کا ٹیکس جرمانہ عائد کیا گیا ہے، اور استغاثہ نے عدالت سے فردِ جرم عائد کرنے کی درخواست بھی دائر کر دی ہے۔
.ذریعہ: Jasarat News
پڑھیں:
کراچی، چوری شدہ موٹر سائیکلوں کے پارٹس سے بھرا ٹرک برآمد، 2 ملزمان گرفتار
کراچی:شہر قائد میں پاک کالونی پولیس نے پرانا گولیمار کے علاقے میں کباڑ کے گودام پر کامیاب کارروائی کرتے ہوئے چوری شدہ موٹر سائیکلوں کے اسپیئر پارٹس سے لدا ہوا مزدا ٹرک برآمد کرلیا، جبکہ اس دھندے میں ملوث دو ملزمان کو بھی گرفتار کرلیا گیا ہے۔
ترجمان ڈسٹرکٹ کیماڑی پولیس کے مطابق پولیس نے خفیہ اطلاع پر کارروائی کرتے ہوئے ایک گودام پر چھاپہ مارا جہاں سے بڑی تعداد میں چوری شدہ موٹر سائیکلوں کے انجن اور دیگر پرزہ جات برآمد کیے گئے۔
پولیس کے مطابق یہ اسپیئر پارٹس ایک مزدا ٹرک میں لوڈ کیے جا چکے تھے، جسے موقع پر ہی قبضے میں لے لیا گیا۔
کارروائی کے دوران گرفتار کیے گئے ملزمان کی شناخت زاہد اور عبدالبصیر کے ناموں سے ہوئی ہے، جبکہ دو دیگر ملزمان ارباز خان اور نور الحق موقع سے فرار ہونے میں کامیاب ہو گئے۔
پولیس کے مطابق ان کی تلاش جاری ہے اور مختلف مقامات پر چھاپے مارے جا رہے ہیں۔
پولیس کا کہنا ہے کہ گرفتار ملزمان سے برآمد شدہ سامان اور دیگر ممکنہ وارداتوں کے حوالے سے مزید تفتیش جاری ہے، اور توقع کی جا رہی ہے کہ اس کارروائی سے موٹر سائیکل چوری کی ایک بڑی کڑی بے نقاب ہو گی۔
نوبیل امن انعام کے حقدار کا اعلان آج، ٹرمپ سب سے بڑے خواہشمند