وزیراعظم شہباز شریف سے مسلم ورلڈ لیگ کے سیکرٹری جنرل کی ملاقات، اسلام کے مثبت تشخص کے فروغ پر گفتگو
اشاعت کی تاریخ: 16th, October 2025 GMT
وزیراعظم محمد شہباز شریف سے مسلم ورلڈ لیگ کے سیکریٹری جنرل شیخ ڈاکٹر محمد بن عبدالکریم العیسیٰ نے جمعرات کے روز وزیراعظم ہاؤس اسلام آباد میں ملاقات کی۔
وزیراعظم نے سیکریٹری جنرل کو پاکستان آمد پر پرتپاک خیر مقدم کہا اور ان کی مدبرانہ قیادت کو سراہا۔
انہوں نے کہا کہ مسلم ورلڈ لیگ عالمی سطح پر اسلام کے حقیقی تشخص کو اجاگر کرنے اور مسلم دنیا کے مشترکہ مقاصد کی وکالت میں انتہائی اہم کردار ادا کر رہی ہے۔
یہ بھی پڑھیں:
شہباز شریف نے کہا کہ مسلم ورلڈ لیگ مذاہب، عقائد اور تہذیبوں کے درمیان باہمی احترام اور افہام و تفہیم کو فروغ دینے میں ہمیشہ پیش پیش رہی ہے۔
انہوں نے اس سال مسلم ورلڈ لیگ کے تعاون سے مسلم دنیا کی خواتین اور لڑکیوں کی تعلیم کے حوالے سے منعقدہ بین الاقوامی کانفرنس کو سراہتے ہوئے کہا کہ یہ اقدام نہایت خوش آئند تھا۔
وزیراعظم نے یقین دلایا کہ پاکستان مستقبل میں اس نوعیت کی کانفرنسز کے انعقاد میں ہر ممکن تعاون کرے گا۔
مزید پڑھیں:
ملاقات میں وزیراعظم نے سعودی عرب کے ساتھ پاکستان کے دیرینہ برادرانہ تعلقات کا ذکر کرتے ہوئے خادم الحرمین الشریفین شاہ سلمان بن عبدالعزیز اور سعودی ولی عہد و وزیراعظم شہزادہ محمد بن سلمان آل سعود کے لیے نیک خواہشات کا اظہار کیا۔
شہباز شریف نے غزہ امن معاہدے میں مسلم ممالک بالخصوص سعودی عرب کے شاندار کردار کو خراجِ تحسین پیش کیا اور کہا کہ سعودی قیادت نے مظلوم فلسطینیوں کی آواز عالمی سطح پر بھرپور انداز میں اٹھائی۔
مزید پڑھیں:
سیکرٹری جنرل شیخ ڈاکٹر محمد بن عبدالکریم العیسیٰ نے پاکستان میں پرتپاک استقبال اور شاندار میزبانی پر وزیراعظم کا شکریہ ادا کیا۔
ملاقات میں نائب وزیراعظم و وزیر خارجہ اسحاق ڈار، وفاقی وزیر قانون و انصاف اعظم نذیر تارڑ، اور پاکستان میں سعودی عرب کے سفیر نواف بن سعید المالکی بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شہباز شریف ورلڈ مسلم لیگ وزیر اعظم.ذریعہ: WE News
کلیدی لفظ: شہباز شریف ورلڈ مسلم لیگ مسلم ورلڈ لیگ شہباز شریف کہا کہ
پڑھیں:
پاکستانیوں کے لیے ویزوں کی بندش پر سعودی عرب کا وضاحتی بیان
ویب ڈیسک: پاکستانیوں کے لیے ویزوں کی بندش کی خبروں سے متعلق اماراتی قونصل جنرل کا اہم بیان سامنے آ گیا ہے۔
اماراتی قونصل جنرل بخیت عتیق الرومیتی نے کہا ہے کہ پاکستان اور یو اے ای کے تعلقات مستحکم بنیادوں پر قائم ہیں، ویزوں کی بندش سے متعلق خبروں میں کوئی صداقت نہیں ہے۔
اماراتی قونصل جنرل بخیت عتیق الرومیتی نے کہا کہ پاکستانیوں کے لیے اماراتی ویزے بلاتعطل جاری کیے جا رہے ہیں، سازشی عناصر یو اے ای کے ویزے کی بندش سے متعلق افواہیں پھیلا رہے ہیں۔
پیٹرولیم مصنوعات کی قیمتوں میں 6 روپے 35 پیسے تک کمی کا امکان
ان کا کہنا تھا کہ کراچی میں قائم ایشیا کے سب سے بڑے ویزا سینٹر پر پاکستانی بہن بھائیوں کے لیے عملہ خدمت پر مامور ہے، بعض نوعیت کے ویزوں کے اجرا کے لیے پیشگی تاریخ ضروری ہے۔
قونصل جنرل نے کہا علاج و معالجے، تعلیمی سیمنیار اور اس نوعیت کی دیگر خدمات کے لیے ہمارا تعاون بر قرار رہتا ہے۔
میرپورخاص، محکمہ ریونیو میں اختیارات کا ناجائز استعمال، ریکارڈ غائب