میر پور خاص ، زرعی پانی کی قلت کیخلاف آباد گار سڑکوں پر نکل آئے
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص (نمائندہ جسارت) زرعی پانی کے قلت کے خلاف آبادگاروں کا سڑک پر احتجاجی مظاہرہ ، احتجاج کی وجہ سے سڑک کے دونوں اطراف گاڑیوں کی لمبی قطاریں۔ تفصیلات کے مطابق میرپورخاص تعلقہ شجاع آباد کے مکّن سمون اسٹاپ پر چاہو مائنر شاخ کی پوچڑی کے آبادگاروں نے میر واہ گورچانی روڈ بند کرکے دھرنا دیا جس کے نتیجے میں روڈ کے دونوں اطراف ٹریفک معطل ہو گئی اور گاڑیوں کی لمبی قطاریں لگ گئیں دھرنے کی قیادت جمعیت علما اسلام کے جنرل سیکرٹری قاری محمد قاسم ہنگورجو کر رہے ہیں جس میں ٹیَل کے آبادگار بھی شامل تھے۔ آبادگاروں کا کہنا ہے کہ آبپاشی (اِیریگیشن) کا مقرر عملہ مبینہ طور رشوت طلب کر رہا ہے اور رشوت نہ دینے کی وجہ سے شاخ کو گزشتہ پانچ دن سے بند رکھا ہوا ہے، جس کے باعث گندم، سرسوں اور سونف سمیت اہم فصلوں کی کاشت شدید متاثر ہو رہی ہے ۔آبادگاروں کا کہنا تھا کہ اس تمام صورتحال کے ذمے دار ایریگیشن ڈپارٹمنٹ ہے آبادگاروں کے احتجاج کی اطلاع ملتے ہی تعلقہ تھانے کی پولیس بھی موقع پر پہنچ گئی جن کی جانب سے دھرنا ختم کرانے کی کوشش کی گئی تاہم آبادکاروں کی جانب سے دھرنا جاری رہا۔
ذریعہ
ذریعہ: Jasarat News
کلیدی لفظ: ا بادگاروں
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار