تجاوزات کی آڑ میں لوٹ مار آپریشن بند کیا جائے ،محبوب اعظم
اشاعت کی تاریخ: 8th, November 2025 GMT
data-id="863a0a8" data-element_type="widget" data-widget_type="theme-post-content.default">
251108-08-8
کراچی(اسٹاف رپورٹر) آل پاکستان آرگنائزیشن آف اسمال ٹریڈرز اینڈ کاٹیج انڈسٹریز کے مرکزی جنرل سیکرٹری محبوب اعظم، کراچی ڈویژن کے صدر محمود حامد، نائب صدور جاوید حاجی عبداللہ ،سید نوید احمد اور سیکرٹری جنرل عثمان شریف نے کراچی میں تجاوزات کے نام پر مارکیٹوں میں انتظامیہ کی ظالمانہ توڑ پھوڑ سامان کی لوٹ کھسوٹ اور غیر قانونی ہتھکنڈوں کی پرزور مذمت کی ہے اور مطالبہ کیا ہے کہ معیشت وتاجر دشمن آپریشن فوری طور پر بند کیا جائے، تاجر رہنماؤں نے کہاکہ لیاقت آباد ،صدر، قائد آباد، فیڈرل بی ایریا اور کراچی کے دیگر علاقوں میں جس طرح تجاوزات کے نام پر تاجروں اور عوام کو ہراساں کیا جا رہا ہے وہ کسی طرح بھی قابل برداشت نہیں ۔انہوں نے کہا کہ ملکی معیشت روبہ زوال ہے لوگوں کے کاروبار ٹھنڈے ہو چکے ہیں، عوام کی قوت خرید ناکام معاشی پالیسیوں کے باعث ختم ہو چکی ہے، غریب ایک ایک کلو آٹے کے حصول کے لیے پریشان ہیں اور انتظامیہ تجاوزات کے نام پر تاجروں کے ٹوٹے پھوٹے کاروبار کو بھی تباہ کرنے پر تلی ہوئی ہے۔ اسمال ٹریڈرز کے رہنماؤں نے کہا کہ ہم تجاوزات کے حق میں نہیں مگر اس بات کا تعین کیا جائے کہ ان تجاوزات کو فروغ دینے میں کون سے سرکاری اہلکار ملوث ہیں، یہ سب تجاوزات ان کی ناک کے نیچے اور ان کی کرپشن کے نتیجے میں بڑھتی ہیں، لہٰذا ان سرکاری اہلکاروں کا احتساب ہونا چاہیے ،نہ کہ بازاروں کے اندر لگے ہوئے قانونی شیڈز کو جس کے ٹیکسوں کی ادائیگی تاجر کرتے ہیں کرین کے ذریعے سے توڑ دیا جائے اور تاجروں کا کروڑوں روپے کا سامان ضبط کر کے ان کے کاروبار کو سیل کر دیا جائے۔ اسمال ٹریڈرز کے رہنماؤں نے کہا کہ ظالمانہ توڑ پھوڑ اور تاجر دشمن آپریشن کے خلاف پیر 10نومبر 2025 کو تاجر نمائندہ اجلاس منعقد کرکے آئندہ کے لائحہ عمل کا اعلان کریں گے۔ تاجر رہنماؤں نے کہا کہ اس وقت قومی خزانے کو 70 فیصد ٹیکس دینے والے شہر کراچی کے تاجر ہر سہولت سے محروم ہیں شہر کی اہم مارکیٹوں میں 4،4 اور6،6 گھنٹے لوڈ شیڈنگ ہو رہی ہے ،شہر کا انفرااسٹرکچر تباہ ہے ،بارش کے بعد جو سڑکیں بہہ گئی تھی وہ اب تک تعمیر نہیں کی گئیں ،شہر کی سڑکیں موہنجوڈاڑو کا نمونہ بنی ہوئی ہیں، ان خراب حالات میں بھی تاجر اپنے اور اپنے بچوں کا پیٹ پالنے کے لیے ہاتھ پیر مار رہے ہیں، جسے حکومتی اہلکار ناکام بنانے کی کوششیں کر رہے ہیں، تاجر اب اور ظلم برداشت نہیں کریں گے، اس ظلم کے خلاف احتجاجی تحریک چلائیں گے۔
ذریعہ
ذریعہ: Jasarat News
کلیدی لفظ: رہنماو ں نے کہا تجاوزات کے ں نے کہا کہ
پڑھیں:
برآمدات بڑھانے کیلئے مؤثر اقدامات ترجیح ہیں: وزیرِ اعظم شہباز شریف
وزیرِ اعظم شہباز شریف—فائل فوٹووزیرِ اعظم شہباز شریف نے کہا ہے کہ صنعتی مصنوعات کی پیداوار میں اضافے سے برآمدات بڑھانے کے لیے مؤثر پالیسی اقدامات ترجیح ہیں۔
وزیرِاعظم کی زیرِ صدارت سرمایہ کاری میں اضافے، شعبہ جاتی اصلاحات اور پالیسی اقدامات پر جائزہ اجلاس ہوا جس میں متعلقہ وزارتوں کی جانب سے مختلف زیرِغور پالیسی تجاویز پر بریفنگ دی گئی۔
اجلاس میں وفاقی وزراء اسحاق ڈار، محمد اورنگزیب، احد چیمہ، عطاء تارڑ شریک ہوئے۔
نوجوانوں کو جدید علم اور مہارتوں سے آراستہ کرنا وقت کی ضرورت ہے، اے آئی کے فوائد اور چیلنجز دونوں ہیں: شہباز شریف
اجلاس سے خطاب کرتے ہوئے وزیرِاعظم شہباز شریف نے کہا کہ ملکی معیشت کی پائیدار ترقی کے لیے صنعت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ توانائی کی ضروریات متبادل توانائی ذرائع سے پوری کرنے کے لیے بھر پور کام ہو رہا ہے۔
وزیرِ اعظم کا مزید کہنا ہے کہ توانائی بچانے اور سستی ٹرانسپورٹ کے لیے الیکٹرک وہیکلز پالیسی ضروری ہے۔
وزیرِاعظم شہباز شریف نے یہ بھی کہا کہ تمام اصلاحات اور اقدامات میں انتظامی شفافیت اور بہترین کارکردگی اولین ترجیح ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ