عالمی چیمپئن محمد آصف نے سارک سنوکر چیمپئن شپ جیت لی
اشاعت کی تاریخ: 11th, January 2025 GMT
لاہور+اسلام آباد(سپورٹس رپورٹر+خبر نگار خصوصی )ایمچور سنوکر کے ورلڈ چیمپئن محمد آصف نے تیسری سارک سنوکر چیمپئن شپ جیت لی۔کولمبو میں ایونٹ کے فائنل میں محمد آصف نے سری لنکا کے طہٰ عشرت کوپانچ صفر سے شکست دی۔آصف کی کامیابی کا سکور 3-99، 46-73، 38-58، 6-109 اور 0-74 رہا۔محمد آصف نے گزشتہ سال ورلڈ چیمپئن شپ بھی جیتی تھی، وہ 2019 اور 2012 کے ورلڈ چیمپئن بھی تھے۔ سارک سنوکر چیمپئن شپ ان کے کیرئیر کا مجموعی طور پر آٹھواں ٹائٹل ہے۔محمد آصف سارک سنوکر چیمپئن شپ جیتنے والے دوسرے پاکستانی پلیئر ہیں، ان سے قبل 2019 میں ہونیوالی پہلی سارک سنوکر چیمپئن شپ پاکستان کے اسجد اقبال نے جیتی تھی۔ صدرمملکت آصف علی زرداری نے محمد آصف کو تیسری سارک سنوکرچیمپئن شپ جیتنے پر مبارکباد دی۔انہوں نے کہاکہ محمد آصف نے فائنل سمیت پوری چیمپئن شپ میں بہترین کھیل پیش کیا اورسنوکر کے کھیل میں پاکستان کا نام روشن کیا۔محمد آصف کی مستقبل میں بھی کامیابی کیلئے دعا گو ہوں۔وزیراعظم شہباز شریف نے کہا کہ محمد آصف نے سنوکر کی اہم چیمپئن شپ جیت کر ملک کا نام روشن کیا، پوری قوم کو محمد آصف پر فخر ہے۔انہوں نے محمد آصف کے مستقبل کیلئے نیک خواہشات کا اظہار بھی کیا۔صدر مملکت آصف علی زرداری نے بھی محمد آصف کو تیسری سارک سنوکر چیمپئن شپ جیتنے پر مبارکباد دی ہے۔
.ذریعہ: Nawaiwaqt
کلیدی لفظ: سارک سنوکر چیمپئن شپ
پڑھیں:
ٹھنڈ کا بادشاہ: سوئس ایتھلیٹ نے برف میں 2 گھنٹے گزار کر گنیز ریکارڈ توڑ دیا
سوئٹزرلینڈ میں ایک دلیر ریکارڈ ہنٹر نے اپنی طاقت اور برداشت کا ایسا مظاہرہ کیا جس پر ہر کوئی حیران ہے۔
یہ بھی پڑھیں:ایک گیمر نے 5 منٹ سے بھی کم وقت میں گنیز ورلڈ ریکارڈ کیسے توڑا؟
گنیز ورلڈ ریکارڈز کے مطابق سوئس پاورلفٹر ایلیس مائر نے نہایت سرد موسم میں صرف سوئمنگ ٹرنک پہن کر تقریباً 2 گھنٹے تک برف میں دفن رہ کر تاریخ رقم کر دی۔
انہوں نے ایک گھنٹے 45 منٹ کے سابقہ ریکارڈ کو پیچھے چھوڑتے ہوئے 2 گھنٹے اور 7 سیکنڈز کا نیا عالمی ریکارڈ قائم کیا۔
یہ بھی پڑھیں:’ویر وولف سنڈروم‘ کیا ہے؟ اس میں مبتلا نوجوان گنیز ورلڈ ریکارڈ کا حصہ کیسے بنا؟
مائر کا کہنا تھا کہ سخت ٹھنڈ نے انہیں اتنا پریشان نہیں کیا، جتنا برف کا وزن ان کے لیے تکلیف دہ رہا۔
ان کا یہ مشن جسمانی اہلیت کو چیلنج کرنے کے ساتھ ساتھ لوگوں کو اپنی حدود بڑھانے اور خود پر اعتماد کرنے کی تحریک دینا تھا۔
مائر نے یہ کارنامہ گزشتہ ریکارڈ یعنی ایک گھنٹے 45 منٹ 2 سیکنڈز سے آگے بڑھ کر انجام دیا، جو ایک پولش کھلاڑی نے 2022 میں قائم کیا تھا۔
انہوں نے نہ صرف برف میں برداشت کا مظاہرہ کیا بلکہ انسانی جسم کی ناقابلِ یقین حد تک ٹھنڈ برداشت کرنے کی صلاحیت کو بھی اجاگر کیا۔
یہ بھی پڑھیں:مرغ ہوٹل نے میدان مارلیا، گنیز بک میں شامل
گنیز ورلڈ ریکارڈز نے مائر کے اس کارنامے کو تسلیم کیا اور اسے ’بیسٹ ٹائم ان فل باڈی کانٹیکٹ ود سنو‘ کا اعزاز دیا۔
کیا یہ صرف ایک ریکارڈ ہی ہے؟یہ چیلنج بظاہر مزاحیہ لگ سکتا ہے، مگر اس کے اندر پوشیدہ پیغام یہ ہے کہ انسان اپنے جسمانی اور ذہنی حدود کو آزما کر حیرت انگیز کامیابیاں حاصل کر سکتا ہے۔
اس واقعے نے شاید موسمِ سرما کے بارے میں عمومی تاثر بدل دیا ہے کہ برف صرف سردی یا تفریح کا ذریعہ ہوتی ہے۔ اب یہ برداشت اور حوصلے کی علامت بھی بن گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلیس مائر برف ریکارڈ ہنٹر فل باڈی کانٹیکٹ ود سنو گنیز ورلڈ ریکارڈ
کراچی: ملیر جیل میں قیدیوں کی تعداد 6 ہزار، نفری 200 ہے، ذرائع