آزاد کشمیر میں افراتفری پھیلانے میں دشمن ایجنسی ”را“ ملوث نکلی
اشاعت کی تاریخ: 11th, January 2025 GMT
رپورٹ میں کہا گیا ہے کہ آزاد جموں و کشمیر میں بعض عناصر نے مہنگائی اور ایک صدارتی آرڈیننس کے خلاف احتجاج کیا، جسے غیر ملکی دشمن ایجنسیوں کی حمایت حاصل تھی۔ اسلام ٹائمز۔ آزاد جموں و کشمیر میں حالیہ احتجاج، افراتفری اور بدامنی پھیلانے میں دشمن ایجنسیوں بالخصوص بھارتی ”را“ کا ہاتھ تھا۔ ذرائع کے مطابق سماجی رابطوں کی چینل دی نیکسس Nexus کی ایک رپورٹ میں کہا گیا ہے کہ آزاد جموں و کشمیر میں حالیہ مظاہروں کے پیچھے دراصل بھارت کا ہاتھ کارفرما تھا، بھارتی خفیہ ایجنسی "را“ پاکستان کو غیر مستحکم کرنے کیلئے شرپسند عناصر کا استعمال کر رہی ہے۔ رپورٹ میں کہا گیا ہے کہ دوسرے ملکوں کی طرح پاکستان اور آزاد جموں و کشمیر کو بھی کرونا وبا کے سبب معاشی بحران کا سامنا کرنا پڑا اور 2018ء کے بعد یہاں بھی افراط زر میں کمی آئی، 2021ء اور 2022ء میں کرنسی کی قدر میں بھی کمی واقع ہوئی اور گزشتہ حکومت کے آئی ایم ایف معاہدوں کی وجہ سے یہ کمی عروج پر پہنچ گئی۔ تاہم 2023ء میں معاشی استحکام واپس آنا شروع ہوا اور جیسے جیسے معیشت میں بہتری آئی، ریاست مخالف عناصر بیرونی دشمنوں کی شہ پر پاکستان کو عدم استحکام کا شکار کرنے کے سرگرم ہو گئے۔ رپورٹ میں کہا گیا ہے کہ آزاد جموں و کشمیر میں بعض عناصر نے مہنگائی اور ایک صدارتی آرڈیننس کے خلاف احتجاج کیا، جسے غیر ملکی دشمن ایجنسیوں کی حمایت حاصل تھی۔ آزاد جموں و کشمیر کے وزیراعظم انوارالحق نے بھی ایک بیان میں یہ دعویٰ کیا کہ اس احتجاج کی قیادت کرنے والی ”عوامی ایکشن کمیٹی“ کو بھارت نے فنڈز فراہم کیے ہیں۔
رپورٹ میں کہا گیا ہے کہ آزادکشمیر کو 23بلین کی گرانٹ فراہم کی گئی لیکن اس کے باوجود مئی 2024ء میں بیرونی عناصر کی شہ پر احتجاج جاری رہا۔ رپورٹ میں کہا گیا ہے کہ بھارتی خفیہ ایجنسی ”را“ در حقیقت آزاد جموں و کشمیر کے باشندوں کو بہکانے کی کوشش کر رہی ہے۔ کے ایم ایس رپورٹ میں کہا گیا کہ اس وقت آئی ایم ایف اور ورلڈ بینک بھی تسلیم کر رہے ہیں کہ پاکستان معاشی استحکام کی طرف گامزن ہے۔ رپورٹ میں مزید کہا گیا کہ بھارت دراصل مقبوضہ جموں و کشمیر میں انسانی حقوق کی اپنی سنگین خلاف ورزیوں سے عالمی برادری کی توجہ ہٹانے کیلئے آزاد جموں و کشمیر میں روزمرہ کے شہری مسائل کو بڑھا چڑھا کر پیش کر رہا ہے اور اپنے مذموم مقاصد کیلئے یہاں کے لوگوں کو اکسانے کی بھرپور کوشش کر رہا ہے۔
ذریعہ: Islam Times
پڑھیں:
نومبر 1947: جموں و کشمیر کی تاریخ کا سیاہ باب، بھارت کے ظلم و بربریت کی لرزہ خیز داستان
اسلام آباد: نومبر 1947 جموں و کشمیر کی تاریخ کا وہ سیاہ باب ہے جب بھارتی ریاستی سرپرستی میں لاکھوں مسلمانوں کا قتل عام کیا گیا۔
مہاراجہ ہری سنگھ اور آر ایس ایس کے مسلح جتھوں نے ریاستی اداروں کی مدد سے مسلمانوں کے خلاف منظم نسل کشی کی، جس کے نتیجے میں تقریباً ڈھائی لاکھ مسلمان شہید اور پانچ لاکھ سے زائد افراد ہجرت پر مجبور ہوئے۔
رپورٹس کے مطابق نومبر 1947 میں جموں کے ہزاروں دیہات بھارتی بربریت سے لہو میں نہا گئے۔ اس قتل عام کا مقصد جموں و کشمیر کی مسلم اکثریت کو اقلیت میں بدلنا اور پاکستان کے ساتھ الحاق کی تحریک کو کچلنا تھا۔
کشمیر کے معروف اسکالر میاں کریم اللہ قریشی کے مطابق:
“جموں کے ایک باعزت شخص نے اپنی بیٹیوں کی عزت بچانے کے لیے انہیں خود قتل کر دیا، تاکہ وہ بھارتی درندوں کے ہاتھوں پامال نہ ہوں۔”
تاریخی شواہد کے مطابق مہاراجہ ہری سنگھ کے اہلکاروں، بھارتی فوج اور آر ایس ایس کے غنڈوں نے مل کر جموں کے مسلمانوں پر قیامت ڈھائی، گھروں کو جلا دیا گیا اور معصوم عورتوں اور بچوں کو بے دردی سے قتل کیا گیا۔
ماہرین کا کہنا ہے کہ 1947 کا یہ قتل عام دراصل کشمیر کی مسلم شناخت ختم کرنے اور آزادی کی تحریک کو دبانے کی منظم سازش تھی۔ تاہم شہداء کے لہو نے کشمیری عوام میں آزادی اور خود ارادیت کی جدوجہد کو مزید طاقت بخشی۔
ہر سال 6 نومبر کو دنیا بھر میں کشمیری یومِ شہدائے جموں کے طور پر مناتے ہیں، تاکہ اس المیے کو یاد رکھا جا سکے اور شہداء کی قربانیوں کو خراجِ عقیدت پیش کیا جا سکے۔
کشمیری عوام آج بھی پُرعزم ہیں کہ بھارتی جابرانہ تسلط کے خلاف ان کی تحریکِ آزادی ایک دن ضرور رنگ لائے گی۔
کراچی، نادرن بائی پاس پر پلاسٹک کے گودام میں آگ لگ گئی