جنوبی افریقہ کو بڑا دھچکا، اہم کھلاڑی چیمپیئنز ٹرافی سے باہر ہوگیا
اشاعت کی تاریخ: 15th, January 2025 GMT
جنوبی افریقہ کو پاکستان میں منعقد ہونے والی آئی سی سی چیمپئنز ٹرافی 2025 سے قبل ایک بڑا دھچکا لگا ہے کیوں کہ اس کے ایک اہم ترین کھلاڑی اینرک نورکیا کمر میں چوٹ لگ جانے کے سبب ٹورنامنٹ سے باہر ہوگئے۔
نورکیا نے گزشتہ جون میں ٹی 20 ورلڈ کپ کے بعد سے کوئی بین الاقوامی کرکٹ نہیں کھیلی ہے اور وہ پاکستان کے خلاف وائٹ بال سیریز میں واپسی کرنے والے تھے لیکن نیٹ میں ان کا پیر ٹوٹ گیا تھا جس کے باعث وہ اس سیریز سے بھی باہر رہے۔
یہ بھی پڑھیں: چیمپیئنز ٹرافی 2025: جنوبی افریقہ اسکواڈ کا اعلان، کون سے اہم کھلاڑی شامل؟
اس کے بعد سے وہ اپنی ایس اے 20 فرنچائز، پریٹوریا کیپٹلز کے لیے بالکل بھی نہیں کھیلے اور جنوبی افریقہ کے مارکی ٹی 20 ٹورنامنٹ سے بھی باہر ہوگئے۔
جنوبی افریقہ جلد ہی چیمپیئنز ٹرافی کے اسکواڈ کے لیے نورکیا کے متبادل کا انتخاب کرے گا۔
گزشتہ نومبر میں سری لنکا کے خلاف ڈربن ٹیسٹ میں کمر کی انجری کے بعد جوبرگ سپر کنگز کے لیے ایکشن میں واپس آنے والے جیرالڈ کوٹزی اینرک نورکیا کے ممکنہ متبادل ہیں۔
جنوبی افریقہ کے سفید گیند کے کوچ راب والٹر، جو اپنے اسکواڈز کے واحد سلیکٹر بھی ہیں، نے وضاحت کی کہ پہلے انہوں نے نورکیا اور کوٹزی میں سے نورکیا کا انتخاب کیا تھا۔
مزید پڑھیے: وہ اہم کھلاڑی جو چیمپیئنز ٹرافی کھیلنے سے محروم رہ سکتے ہیں
انہوں نے کہا کہ وہ نورکیا کے فٹ قرار دیے جانے کے بارے میں خاصے پرامید ہیں کیوں کہ وہ ایک بہترین پیشہ ور ہیں اور وہ اپنی دیکھ بھال کرتے ہیں اور اپنی کنڈیشنگ کا خیال رکھتے ہیں۔
تاہم اب کرکٹ جنوبی افریقہ کی ایک پریس ریلیز میں واضح کردیا گیا ہے کہ نورکیا کی پیر کی سہ پہر اسکیننگ ہوئی تھی اور امید نہیں ہے کہ چیمپیئنز ٹرافی تک فٹ ہوپائیں گے۔
مزید پڑھیں: جنوبی افریقہ کرکٹ بورڈ: اسرائیل کی حمایت پر انڈر 19 ٹیم کے ڈیوڈ ٹیگر کپتانی سے فارغ
آئی سی سی کے پچھلے 6 مقابلوں میں یہ تیسرا موقع ہے جب نورکیا انجری کے باعث باہر ہوئے ہیں اور وہ سب ہی ون ڈے ٹورنامنٹ تھے۔
وہ 2019 کے ورلڈ کپ میں کھیلنے والے تھے لیکن ٹورنامنٹ میں آگے بڑھتے ہوئے اس کا انگوٹھا ٹوٹ گیا پھر کمر کے نچلے حصے میں فریکچر کے ساتھ سنہ 2023 ورلڈ کپ سے محروم ہو گئے اور اب وہ سنہ 2025 کی چیمپیئنز ٹرافی سے باہر ہوگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 2025 اینرک نورکیا جنوبی افریقہ کرکٹ ٹیم.ذریعہ: WE News
کلیدی لفظ: آئی سی سی چیمپیئنز ٹرافی 2025 اینرک نورکیا جنوبی افریقہ کرکٹ ٹیم چیمپیئنز ٹرافی جنوبی افریقہ نے والے کے لیے
پڑھیں:
جیڈ اسپینس انگلینڈ کی نمائندگی کرنے والے پہلے مسلم فٹبالر بن گئے
data-id="863a0a8" data-element_type="widget" data-widget_type="theme-post-content.default">
کراچی (اسپورٹس ڈیسک)ٹوٹنہم ہاٹسپر کے دفاعی کھلاڑی جیڈ اسپینس نے بین الاقوامی فٹبال میں نئی تاریخ رقم کرتے ہوئے انگلینڈ کی سینئر فٹبال ٹیم کی نمائندگی کرنے والے پہلے مسلم کھلاڑی ہونے کا اعزاز حاصل کر لیا۔منگل کے روز بلغراد میں ہونے والے ورلڈ کپ کوالیفائنگ میچ میں جیڈ اسپینس نے میزبان سربیا کے خلاف میدان سنبھالا۔انہوں نے 69 ویں منٹ میں چیلسی کے کھلاڑی ریس جیمز کی جگہ انگلش ٹیم کا حصہ بن کر یہ تاریخی موقع حاصل کیا۔میچ کے بعد میڈیا سے گفتگو کرتے ہوئے 25 سالہ اسپینس کا کہنا تھا کہ مجھے واقعی حیرت ہوئی، کیونکہ مجھے علم نہیں تھا کہ میں پہلا مسلمان ہوں جو انگلینڈ کی سینئر ٹیم کے لیے کھیل رہا ہوں، یہ میرے لیے ایک بڑے اعزاز کی بات ہے۔اسپینس کی انگلینڈ ٹیم میں شمولیت برطانوی مسلمانوں کے لیے ایک اہم سنگِ میل ہے، جو ملک کی کل آبادی کا تقریباً 6 فیصد ہیں، تاہم پروفیشنل فٹبال میں ان کی نمائندگی انتہائی محدود ہے۔
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید