ٹنڈوجام گندے پانی میں ڈوب گیا ،اسکول بازار بند
اشاعت کی تاریخ: 19th, January 2025 GMT
ٹنڈوجام (نمائندہ جسارت) گندے پانی کی مین سیوریج کی مرمت مکمل نہ ہو سکی، شہر کے مزید علاقے گندے پانی میں ڈوب گئے، علاقے کے اسکول بازار بند، ٹریفک کا نظام درہم برہم، عوام پریشان۔ تفصیلات کے مطابق گزشتہ روز اچانک ریلوے پھاٹک کے قریب گندے پانی مین سیوریج لائن کا مین ہول بیٹھ گیا جس کی وجہ سے پورے شہر میں گندا پانی کھڑا ہو گیا، شہر کے بازار اور گلیاں گندے پانی میں ڈوب گئے، گندے پانی کی وجہ سے بہت سی مارکیٹیں بند رہیں جبکہ گورنمنٹ پرائمری اور مڈل اسکول ٹائون اور ہائی سیکنڈی گرلزہائی اسکول میں اساتذہ گندے پانی سے گزر کر اپنی ڈیوٹیوں پر پہنچے لیکن طلبہ کی حاضری صفر رہی، نیشنل بینک اور الائیڈ بینک میں بھی کام نہیں ہو سکا، بلدیہ کے آفس کے سامنے بھی گندا پانی کھڑا تھا، مذکورہ سیوریج لائن 1985 میں چیئرمین میر غلام اکبر تالپور کے دور میں ڈالی گئی تھی، اس وقت شہر کی اتنی بڑی آبادی نہیں تھی، بدقسمتی سے آج تک وہی سیوریج لائن سے بلدیہ کام چلا رہی ہے، جبکہ شہر کی آباد ی اب ایک لاکھ کے قریب پہنچ چکی ہے اور یہ سیوریج لائن کی بھی مدمت معیاد ختم ہو چکی ہے، پہلے اس سیوریج لائن سے پانی شہر کے 3 بڑے گندے پانی کے جوہڑوں کے اندر جاتا تھا لیکن اب بلدیہ کی مدد سے ان تمام جوہڑوں پر مافیا کا قبضہ ہے اور اطلاعات کے مطابق ان کو کچی آبادی ظاہر کرکے فروخت کیا جارہا ہے، اسی طرح تمام برساتی نالوں پر بھی قبضہ ہو چکا ہے۔ دوسری طرف سیوریج لائن سے پانی زبردستی جنوب سے شمال کی جانب جاتا ہے جس کی وجہ سے مسلسل مشینیں چلانی پڑتی ہیں اور اب تک ڈیزل پر کروڑوں روپے خرچ ہو چکے ہیں، پہلے خودبخود قبضہ کیے ہوئے گندے پانی کے جوہڑوں میں پانی چلا جاتا تھا اور شہر میں کبھی بھی پانی کھڑا نہیں ہوتا تھا، منتخب ہونے والے کونسلر اور چیئرمین حضرات کو یہ مسلہ گو کہ تحفے میں ملا ہے لیکن اب انہیں عوام کو اس مسئلے سے نجات دلانے کے لیے نئی سیوریج لائن اور صحیح سمت میں ڈالنے کی کوشش کرنا چاہیے اور قبضہ کیے ہوئے گندے پانی کے جوہڑ پھر بحال کرنا چاہیے تاکہ وہاں پر ڈسپوزل پمپ لگا کر اس مسئلے کو مستقل بنیادوں پر حل کیا جا سکے۔ جماعت اسلامی کے جنرل کونسلر طاہر اُسامہ سیوریج لائن کی مرمت کے کام کی نگرانی کر رہے ہیں۔ ان کا کہنا ہے کہ رات گئے تھے کام مکمل ہونے کے شہر سے سیوریج کا پانی نکل جائے گا اور وہ اس سلسلے میں ضلع چیئرمین سے بات کریں گے کہ اس پرانی لائن کو تبدیل کرکے نئی سیوریج کی لائن ڈالی جائے تاکہ عوام کو اس سے پیدا ہونے والی پریشانی سے بچایا جا سکے۔
.ذریعہ: Jasarat News
کلیدی لفظ: سیوریج لائن گندے پانی
پڑھیں:
کراچی سے بوسٹن تک: عالمی صحت عامہ میں قیادت کا سفر ، ڈاکٹر عدنان حیدر کی نئی کامیابی
کراچی(نیوز ڈیسک)کراچی گرامر اسکول سے تعلیم کا آغاز، آغا خان یونیورسٹی سے میڈیکل ڈگری، اور پھر جانز ہاپکنز بلومبرگ اسکول آف پبلک ہیلتھ میں ایک شاندار علمی و تحقیقی کیریئر — ڈاکٹر عدنان حیدر کی زندگی ایک مثالی سفر ہے جو تعلیمی برتری، عالمی قیادت، اور عوامی خدمت سے بھرپور ہے۔
گزشتہ 25 سالوں کے دوران ڈاکٹر عدنان حیدر نے صحت عامہ کے شعبے میں قابلِ قدر خدمات سرانجام دی ہیں، خصوصاً صحت کے نظام، بایوایتھکس، اور روڈ سیفٹی کے حوالے سے ان کا تحقیقی کام دنیا کے 90 سے زائد ممالک کی پالیسیوں اور عملی اقدامات پر اثرانداز ہوا ہے۔ ان کی توجہ خاص طور پر کم اور درمیانی آمدنی والے ممالک پر مرکوز رہی ہے، جہاں انہوں نے صحت کے عالمی نظام میں انقلابی سوچ اور حل متعارف کروائے۔
اب انہیں دنیا کے معتبر ترین اداروں میں سے ایک، بوسٹن یونیورسٹی اسکول آف پبلک ہیلتھ، کا ڈین مقرر کر دیا گیا ہے۔ اس کے ساتھ ہی انہیں “رابرٹ اے ناکس پروفیسر” کا اعزازی لقب بھی دیا گیا ہے، جو کہ تدریس، تحقیق اور سماجی اثرات میں غیر معمولی کارکردگی کے حامل افراد کو عطا کیا جاتا ہے۔
ڈاکٹر عدنان حیدر کی یہ تقرری نہ صرف ان کی ذاتی محنت اور وژن کی عکاسی کرتی ہے بلکہ پاکستان اور عالمی جنوب (Global South) کے لیے بھی فخر کا لمحہ ہے۔ یہ کامیابی ثابت کرتی ہے کہ پاکستانی صلاحیتیں جب علم، دیانتداری اور انسانی خدمت کے جذبے سے جُڑتی ہیں تو وہ عالمی سطح پر نئی بلندیوں کو چھو سکتی ہیں۔
ڈاکٹر عدنان حیدر کا یہ اعزاز پاکستان کے تعلیمی حلقوں، صحت عامہ کے شعبے، اور عالمی سطح پر پاکستانیوں کی ساکھ کو مزید مضبوط بنائے گا۔
Post Views: 6
مردان: کوٹ اسماعیل زئی میں دو فریقوں کے درمیان فائرنگ، 4 افراد جاں بحق