دھابیجی پمپنگ اسٹیشن پر بریک ڈاؤن، مرکزی لائنیں پھٹ گئیں
اشاعت کی تاریخ: 21st, January 2025 GMT
دھابیجی (نمائندہ جسارت) دھابیجی پمپنگ اسٹیشن پر کے الیکٹرک کی جانب سے اچانک بجلی کا بڑا بریک ڈاؤن، پمپنگ اسٹیشن مکمل بند ہو گیا، 2 مرکزی لائنیں پھٹ گئیں، کراچی کو پانی کی سپلائی معطل۔ تفصیلات کے مطابق کے الیکٹرک کی جانب سے بجلی کے اچانک بریک ڈاؤن کے باعث پیر کی صبح واٹر بورڈ کارپوریشن کے دھابیجی پمپنگ اسٹیشن کی بجلی بند ہو گئی جس کے باعث کراچی کو پانی کی فراہمی مکمل معطل ہو گئی، جبکہ بیک پریشر کے باعث 72 انچ کی 2 مرکزی لائنیں لائن نمبر 5 اور لائن نمبر 1 دھماکے سے پھٹ گئی، جس کے باعث لاکھوں گیلن پانی ضائع ہو گیا۔ اطلاع ملنے پر گھارو ڈویژن سول کے ایگزیکٹو انجینئر محمد علی پلیجو نے عملے کے ہمراہ موقع پر پہنچ کر متاثرہ پائپ لائنوں کی مرمت کا کام ہنگامی بنیاد پر شروع کروا دیا ہے۔ انتظامیہ کے مطابق لائنوں کا کام جلد مکمل کرکے کراچی کو مذکورہ لائنوں سے پانی کی فراہمی بحال کر دی جائے گی۔
.ذریعہ: Jasarat News
کلیدی لفظ: پمپنگ اسٹیشن کے باعث
پڑھیں:
صرف 8 گیندیں اور کیلس و ڈریویڈ کا ریکارڈ بریک، انگلش بیٹر جو روٹ تیسرے بڑے اسکورر بن گئے
انگلش بیٹر جو روٹ نے ٹیسٹ کرکٹ کی تاریخ میں ایک اور سنگ میل عبور کر لیا۔ انہوں نے راہول ڈریوڈ اور ژاک کیلس کو پیچھے چھوڑتے ہوئے ٹیسٹ کرکٹ میں سب سے زیادہ رنز بنانے والے تیسرے کھلاڑی کا اعزاز حاصل کر لیا ہے۔
یہ بھی پڑھیں: لارڈز پر جو روٹ کی حکمرانی، دہائیوں پرانے ریکارڈز توڑ دیے
ہندوستان ٹائمز کی رپورٹ کے مطابق یہ تاریخی لمحہ انگلینڈ اور بھارت کے درمیان چوتھے ٹیسٹ کے تیسرے دن مانچسٹر کے اولڈ ٹریفرڈ گراؤنڈ میں اس وقت پیش آیا جب جو روٹ نے محمد سراج کی گیند پر ایک رن لے کر ژاک کیلس کو پیچھے چھوڑ دیا۔ اس سے ایک اوور قبل وہ جسپریت بمراہ کے خلاف ایک سنگل لے کر راہول ڈریوڈ کو بھی پیچھے کر چکے تھے۔
مزید پڑھیے: تیسرا ٹیسٹ: پہلے روز کے اختتام پر انگلینڈ کے 4 وکٹوں پر 251 رنز، جو روٹ کی شاندار بیٹنگ
جو روٹ نے صرف 8 گیندوں کے دوران دونوں لیجنڈری بلے بازوں کو پیچھے چھوڑ کر خود کو ٹیسٹ کرکٹ کے ٹاپ 3 رنز اسکوررز میں شامل کر لیا۔ ان کے اس کارنامے پر گراؤنڈ میں موجود شائقین نے کھڑے ہو کر داد دی جبکہ اس سنگ میل کا اعلان بھی میدان میں کیا گیا۔ تاہم جو روٹ نے کسی خاص جذباتی ردعمل کا اظہار نہیں کیا اور مکمل طور پر اپنی اننگز پر توجہ مرکوز رکھی۔
ٹیسٹ کرکٹ میں سب سے زیادہ رنز بنانے والے کھلاڑیسچن ٹنڈولکر 15،921 رنز
رکی پونٹنگ 13،378 رنز
جو روٹ 13،290* رنز
ژاک کیلس 13،289 رنز
راہول ڈریوڈ 13،288 رنز
مزید پڑھیں: انگلینڈ کے بلے باز جو روٹ کا ٹیسٹ کرکٹ میں نیا عالمی ریکارڈ
اب جو روٹ کی نظریں آسٹریلوی لیجنڈ رکی پونٹنگ اور بھارتی عظیم بلے باز سچن ٹنڈولکر کے ریکارڈز پر ہیں جنہیں وہ مستقبل میں پیچھے چھوڑنے کی کوشش کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگلش بیٹر جو روٹ جو روٹ کا نیا ریکارڈ راہول ڈریوڈ ژاک کیلس
علی گنڈاپور صادق و امین نہیں رہے، وزیراعلیٰ پختونخوا کیخلاف مقدمے کی درخواست