دنیا کے لئے” ہیپی لینڈ ” کی تعمیر میں چین امریکہ کی مشترکہ کوششیں ضروری ہیں، چینی میڈیا
اشاعت کی تاریخ: 21st, January 2025 GMT
دنیا کے لئے” ہیپی لینڈ ” کی تعمیر میں چین امریکہ کی مشترکہ کوششیں ضروری ہیں، چینی میڈیا WhatsAppFacebookTwitter 0 21 January, 2025 سب نیوز
بیجنگ () امریکی صدر ڈونلڈ ٹرمپ نے واشنگٹن میں امریکی صدر کا عہدہ دوسری بار سنبھالا۔ حلف برداری کی تقریب میں مدعو کیے گئے مہمانوں میں سوشل میڈیا ایپ ” ٹک ٹاک” کے سی ای او چو شوزی بھی شامل تھے۔اس ایپ کو امریکہ میں بار ہا پابندی کی دھمکیوں کا سامنا کرنا پڑا ہے۔ چینی کمپنی کے قائم کردہ ٹک ٹاک سوشل پلیٹ فارم نے 2018 میں امریکی مارکیٹ میں قدم رکھا اور جلد ہی صارفین کی ایک بڑی تعداد حاصل کرلی۔ سال 2024 کے اختتام تک ، ٹک ٹاک کے امریکہ میں تقریباً 170 ملین صارفین ہیں ، جو امریکی آبادی کا تقریباً نصف ہے۔ ٹک ٹاک کی کامیابی کی ایک اہم وجہ اس کے جدید مواد، الگورتھم اور اس کے صارفین کو فراہم کی جانے والی جذباتی قدر ہیں۔ صارفین کے لئے ، یہ ایک کلاؤڈ ہیپی لینڈ کی طرح ہے۔ جب ہیپی لینڈ کی بات آتی ہے تو امریکہ کے ڈزنی لینڈ کا نام لینا ضروری ہے۔ چھوٹے اور بڑے سب ڈزنی فلمیں دیکھنا پسند کرتے ہیں،
کیوں کہ وہ خوابوں کی طاقت کی وکالت کرتی ہیں، امید کا اظہار کرتی ہیں، خاندان سے محبت اور دوستی پر زور دیتی ہیں اور انصاف کا تصور پیش کرتی ہیں ۔ یہ تمام مثبت اقدار قومی سرحدوں سے تجاوز کرتے ہوئے لوگوں کو امید اور طاقت دیتی ہیں.
انہوں نے چین اور امریکہ کے لوگوں کو ان کے مختلف ثقافتی پس منظر کے باوجود مشترکہ جذباتی بنیاد تلاش کرنے میں مدد دی ۔ چینی مارکیٹ میں ڈزنی لینڈ کی کامیابی کی وجہ اس کی اپنی دلکشی کے ساتھ ساتھ چینی حکومت کا اعلی سطحی کھلا پن اور حمایت ہے۔ شنگھائی ڈزنی ریزورٹ کے صدر جو شوٹ نے ایک چینی میڈیا ادارے کو انٹرویو دیتے ہوئے کہا کہ اختراعی ترقیاتی تصورات، متنوع انسانی وسائل، مضبوط حکومتی حمایت اور چینی عوام کی مہمان نوازی شنگھائی ڈزنی لینڈ کی کامیابی کے راز ہیں اور اس سے ڈزنی لینڈ کا چینی مارکیٹ میں کاروبار کے فروغ کا اعتماد بھی مضبوط ہوا ہے۔ تاہم امریکہ میں ٹک ٹاک کی صورتحال کافی پریشان کن ہے۔ 2019 میں ، ٹک ٹاک کو امریکی محکمہ تجارت کی طرف سے “اینٹٹی لسٹ” میں شامل کیا گیا اور بعد میں اسے متعدد پابندیوں کا سامنا کرنا پڑا۔ان پابندیوں میں ٹک ٹاک کو غیر چینی کاروباری اداروں کو فروخت یا پھر مکمل بندش کا بل بھی ہے جس پر امریکی انتظامیہ نے دستخط کیے ۔نئے امریکی صدر ڈونلڈ ٹرمپ کے عہدہ سنبھالنے کے بعد ٹک ٹاک میں تبدیلی آئی اور 20 جنوری کو مذکورہ بل کے نفاذ میں 75 دن تک معطلی کا آڈر آیا ۔ تاہم، اس سے قبل ٹرمپ بھی کہہ چکے ہیں کہ امریکہ ٹک ٹاک کی 50 فیصد ملکیت حاصل کرنا چاہتا ہے۔یوں امریکی مارکیٹ میں ٹک ٹاک کامستقبل اب بھی غیر یقینی ہے
ٹک ٹاک واحد چینی کمپنی نہیں جسے پابندیوں کا سامنا ہے ۔ چپ کمپنیوں سے لے کر انٹرنیٹ کمپنیوں تک، نئی توانائی سے لے کر ٹیکسٹائل کی صنعت تک، چینی کمپنیوں کو طویل عرصے سے “قومی سلامتی” کے بہانے امریکہ کی طرف سے بےجا جبر اور پابندیوں کا سامنا ہے۔ ان کارروائیوں نے نہ صرف چین اور امریکہ کے درمیان معمول کی اقتصادی اور تجارتی سرگرمیوں کو متاثر کیا ہے بلکہ امریکی حکومت پر مارکیٹ اینٹیٹیز کے اعتماد کو بھی کمزور کیا ہے۔لیکن ایک بات تسلی بخش ہے کہ چین اور امریکہ نے ایک دوسرے کے ساتھ خیر سگالی کا مظاہرہ کرنا کبھی بند نہیں کیا اور بات چیت پر آمادگی ہمیشہ دیکھی گئی ہے۔ عوامی سطح پر ہم نے دیکھا کہ ٹک ٹاک پر پابندی کے نفاذ سے چند روز قبل امریکی صارفین کی ایک بڑی تعداد نے ایک اور چینی ایپ کا رخ کیا اور چینی انٹرنیٹ صارفین کی جانب سے ان کا پرتپاک استقبال کیا گیا۔ کچھ لوگوں نے لاس اینجلس سے تعلق رکھنے والے امریکی انٹرنیٹ صارفین کی جنگل کی آگ کے حوالے سے پوسٹوں پر اپنی یکجہتی کا اظہار کیا،
کچھ نے چینی گانے والے غیر ملکی انٹرنیٹ صارفین سے اپنی پسندیگی کا اظہار کیا اور لوگوں نے اپنے پالتو جانوروں، روایتی ملبوسات اور زیورات، کھانے اور سیاحتی مقامات کی تصاویر کو بھی پوسٹ کیا۔ یوں عام لوگوں کے درمیان ہمدردی، ایک دوسرے کو جاننے کا تجسس اور بات چیت کرنے کی خواہش نے قومی سرحدوں کو پار کیا۔ دوسری جانب ٹرمپ کی حلف برداری سے قبل چینی اور امریکی رہنماؤں کے درمیان ہونے والی ٹیلی فونک گفتگو اور چینی نائب صدر ہان زنگ کی چینی صدر شی جن پھنگ کے خصوصی نمائندے کی حیثیت سے ، حلف برداری کی تقریب میں شرکت یہ ثابت کر تی ہے کہ چین اور امریکہ باہمی بات چیت کو اہمیت دیتے ہیں اور اس سے چین امریکہ تعلقات کے اگلے مرحلے کی ترقی کے لیے مثبت توقعات پیدا ہوئی ہیں ۔ یہ چین اور امریکہ کی مشترکہ کوشش ہے کہ اپنے اپنے ملک کو ترقی دی جائے اور لوگوں کو بہتر زندگی دی جائے۔ اختلافات کو ملحوظ رکھتے ہوئے اتفاق کی تلاش اور نئے دور میں بڑے ممالک کے مابین بقائے باہمی کا راستہ تلاش کرنا، چین اور امریکہ کے لیے ایک مشترکہ مسئلہ ہوسکتا ہے لیکن یہ بھی حقیقت ہے کہ دنیا کے استحکام اور ترقی کے لیے اس کی بہت اہمیت ہے۔ امید ہے کہ چین اور امریکہ لوگوں کے لئے بہتر زندگی اور دنیا کے لئے” ہیپی لینڈ ” کی تعمیر میں مل کر کام کریں گے۔
ذریعہ: Daily Sub News
کلیدی لفظ: امریکہ کی دنیا کے لینڈ کی کے لئے
پڑھیں:
ٹک ٹاک کی ملکیت کا معاملہ، امریکا اور چین میں فریم ورک ڈیل طے پاگئی
امریکا اور چین نے مقبول ویڈیو شیئرنگ پلیٹ فارم ٹک ٹاک کی ملکیت کے حوالے سے ایک فریم ورک معاہدہ کر لیا ہے۔ یہ اعلان امریکی وزیر خزانہ اسکاٹ بیسنٹ نے اسپین میں ہفتہ وار تجارتی مذاکرات کے بعد کیا۔
بیسنٹ کے مطابق امریکی صدر ڈونلڈ ٹرمپ اور چینی وزیر اعظم شی جن پنگ جمعہ کو براہ راست بات چیت کریں گے تاکہ ڈیل کو حتمی شکل دی جا سکے۔ ان کا کہنا تھا کہ مقصد ٹک ٹاک کی ملکیت کو چینی کمپنی بائٹ ڈانس سے منتقل کرکے کسی امریکی کمپنی کو دینا ہے۔
یہ بھی پڑھیے ٹک ٹاک نے امریکا کے لیے نئی ایپ بنانے کی رپورٹس کو مسترد کردیا
امریکی حکام نے کہا کہ ڈیل کی تجارتی تفصیلات خفیہ رکھی گئی ہیں کیونکہ یہ 2 نجی فریقین کا معاملہ ہے، تاہم بنیادی شرائط پر اتفاق ہو چکا ہے۔
چینی نمائندہ تجارت لی چنگ گانگ نے بھی تصدیق کی کہ دونوں ممالک نے ’بنیادی فریم ورک اتفاق‘ حاصل کر لیا ہے تاکہ ٹک ٹاک تنازع کو باہمی تعاون سے حل کیا جا سکے اور سرمایہ کاری میں رکاوٹیں کم کی جا سکیں۔
معاہدے کی ضرورت کیوں پیش آئی؟امریکی حکام طویل عرصے سے ٹک ٹاک کو قومی سلامتی کے لیے خطرہ قرار دیتے رہے ہیں۔ ان کا مؤقف ہے کہ بائٹ ڈانس کے چینی تعلقات اور چین کے سائبر قوانین امریکی صارفین کا ڈیٹا بیجنگ کے ہاتھ لگنے کا خطرہ پیدا کرتے ہیں۔
میڈرڈ مذاکرات میں امریکی تجارتی نمائندے جیمیسن گریئر نے کہا کہ ٹیم کا فوکس اس بات پر تھا کہ معاہدہ چینی کمپنی کے لیے منصفانہ ہو اور امریکی سلامتی کے خدشات بھی دور ہوں۔
یہ بھی پڑھیں: ’بہت امیر خریدار TikTok خریدنے کو تیار ہے‘، صدر ٹرمپ کا انکشاف
چینی سائبر اسپیس کمیشن کے نائب ڈائریکٹر وانگ جِنگ تاؤ نے بتایا کہ دونوں فریقین نے ٹک ٹاک کے الگورتھم اور دانشورانہ املاک کے حقوق کے استعمال پر بھی اتفاق کیا ہے، جو سب سے بڑا اختلافی نکتہ تھا۔
دیگر تنازعات بدستور باقیمیڈرڈ مذاکرات میں مصنوعی کیمیکلز (فینٹانل) اور منی لانڈرنگ سے متعلق مسائل بھی زیرِ بحث آئے۔ بیسنٹ نے کہا کہ منشیات سے جڑے مالیاتی جرائم پر دونوں ممالک میں ’ غیر معمولی ہم آہنگی‘ پائی گئی۔
چینی نائب وزیراعظم ہی لی فینگ نے مذاکرات کو ’واضح، گہرے اور تعمیری‘ قرار دیا، مگر چین کے نمائندہ تجارت لی چنگ گانگ نے کہا کہ بیجنگ ٹیکنالوجی اور تجارت کی ’سیاسی رنگ آمیزی‘ کی مخالفت کرتا ہے۔ ان کے مطابق امریکا کو چینی کمپنیوں پر یکطرفہ پابندیوں سے گریز کرنا چاہیے۔
ممکنہ ٹرمپ شی سربراہی ملاقاتابھی تک اس بات کی تصدیق نہیں ہوئی کہ صدر ٹرمپ کو بیجنگ سرکاری دورے کی دعوت دے گا یا نہیں، لیکن ماہرین کا خیال ہے کہ اکتوبر کے آخر میں جنوبی کوریا میں ہونے والی آسیان پیسفک اکنامک کوآپریشن (APEC) کانفرنس اس ملاقات کا موقع فراہم کر سکتی ہے۔
اگرچہ فریم ورک ڈیل ایک مثبت قدم ہے، مگر تجزیہ کاروں کے مطابق بڑے تجارتی معاہدے کے لیے وقت کم ہے، اس لیے اگلے مرحلے میں فریقین چند جزوی نتائج پر اکتفا کر سکتے ہیں جیسے چین کی طرف سے امریکی سویابین کی خریداری میں اضافہ یا امریکا کی جانب سے نئی ٹیکنالوجی ایکسپورٹ پابندیوں میں نرمی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ٹک ٹاک ٹیکنالوجی چین ڈونلڈ ٹرمپ شی جن پنگ
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید