مالی سال 25-2024 میں پاکستان ریلوے کی ریکارڈ آمدن، 93 ارب روپے کا سنگ میل عبور
اشاعت کی تاریخ: 11th, July 2025 GMT
وزیر ریلوے محمد حنیف عباسی نے اعلان کیا ہے کہ پاکستان ریلوے نے مالی سال 25-2024 کے دوران 93 ارب روپے کی ریکارڈ آمدن حاصل کی ہے، جو کہ ادارے کی 78 سالہ تاریخ میں سب سے زیادہ ہے۔ اس سے قبل گزشتہ مالی سال میں ریلوے کی آمدن 88 ارب روپے رہی تھی۔
وزیر ریلوے کے مطابق، مسافر ٹرینوں سے 47 ارب 50 کروڑ روپے جبکہ مال گاڑیوں سے 31 ارب 50 کروڑ روپے کی آمدن ہوئی، اس کے علاوہ ملٹری ٹریفک سے ڈیڑھ ارب، دیگر کوچنگ ذرائع سے 3 ارب اور متفرق ذرائع سے 9 ارب 50 کروڑ روپے حاصل کیے گئے۔
یہ بھی پڑھیں:
وزارت ریلوے کی جانب سے جاری کردہ اعلامیے کے مطابق ریونیو جنریشن کے لحاظ سے کراچی ڈویژن نے سب سے زیادہ کارکردگی دکھائی، پسنجر سیکٹر میں کراچی ڈویژن نے پونے 15 ارب روپے کی آمدن حاصل کی، جب کہ لاہور ڈویژن ساڑھے 11 ارب روپے کے ساتھ دوسرے نمبر پر رہا۔
ہیڈکوارٹرز اور ملتان نے بالترتیب ساڑھے 5 اور 5 ارب روپے کمائے، سکھر کی آمدن 4 ارب 80 کروڑ، راولپنڈی کی 4 ارب 70 کروڑ، پشاور کی ایک ارب 25 کروڑ اور کوئٹہ کی 52 کروڑ روپے رہی۔
مزید پڑھیں:
سرکاری اعدادوشمار فریٹ سیکٹر میں بھی کراچی نمایاں رہا، جہاں سے 28 ارب روپے کی آمدن ہوئی ملتان نے ایک ارب، لاہور نے 83 کروڑ، پشاور نے 77 کروڑ، راولپنڈی نے 31 کروڑ، سکھر نے 28 کروڑ اور کوئٹہ نے 10 کروڑ روپے حاصل کیے۔
وزیر ریلوے نے محدود وسائل میں شاندار کارکردگی پر ریلوے انتظامیہ کی تعریف کرتے ہوئے کہا کہ وہ اپنے مزدور کو سلام پیش کرتے ہیں، جس نے ادارے کے استحکام کے لیے خون پسینہ بہایا۔ ان کا کہنا تھا کہ آئندہ سال مال گاڑیوں سے حاصل ہونے والی آمدن کو 70 فیصد تک لے جانے کا ہدف رکھا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ریلوے حنیف عباسی ریکارڈ آمدن فریٹ سیکٹر مال گاڑیوں ملٹری ٹریفک وزارت ریلوے وزیر ریلوے.
ذریعہ
ذریعہ: WE News
کلیدی لفظ: پاکستان ریلوے حنیف عباسی ریکارڈ آمدن فریٹ سیکٹر مال گاڑیوں وزارت ریلوے وزیر ریلوے وزیر ریلوے کروڑ روپے ارب روپے روپے کی کی آمدن حاصل کی
پڑھیں:
پاکستان میں سونے کی قیمت میں پھر بڑا اضافہ
ملک بھر میں فی تولہ سونےکی قیمت میں 4600 روپے کا اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ