اس وقت آزاد کشمیر میں سیاسی کھیل کھیلا جا رہا ہے، سلمان اکرم راجا
اشاعت کی تاریخ: 28th, October 2025 GMT
پاکستان تحریک انصاف کے مرکزی رہنما سلمان اکرم راجا نے کہا ہے کہ اس وقت آزاد کشمیر میں سیاسی کھیل کھیلا جا رہا ہے۔
اسلام آباد میں پریس کانفرنس کے دوران سلمان اکرم راجا نے کہا کہ آج آپ کے سامنے کشمیر کی سیاسی قیادت موجود ہے، پی ٹی آئی کو بطور جماعت کشمیر میں رجسٹرڈ نہیں کیا گیا۔
پی ٹی آئی رہنما نے مزید کہا کہ پہلے بھی کشمیر میں مصنوعی نظام قائم کرنے کی کوشش کی گئی۔ پہلے بھی ہمارے 29 ایم این ایز کو توڑا گیا، ہمارے اراکین کو پہلے بھی آزاد قرار دیا گیا۔
.ذریعہ: Jang News
پڑھیں:
راجا فاروق حیدر نے ’پاک فوج اور فیلڈ مارشل عاصم منیر زندہ باد‘ کے نعرے لگوا دیے
سابق وزیراعظم آزادکشمیر و مرکزی رہنما پاکستان مسلم لیگ ن راجا محمد فاروق حیدر نے یوم سیاہ کی ریلی میں پاکستان، قائداعظم، وزیراعظم پاکستان، فیلڈ مارشل عاصم منیر زندہ باد کے نعرے لگوا دیے۔
لائن آف کنٹرول چکوٹھی کے مقام پر یوم سیاہ کی ریلی سے خطاب کرتے ہوئے انہوں کہاکہ کچھ لوگوں نے پاکستان اور کشمیری عوام کے درمیان غلط فہمیاں پیدا کرنے کی کوشش کی لیکن وہ کامیاب نہیں ہوئے، نہ ہم انہیں کامیاب ہونے دیں گے۔
یہ بھی پڑھیں: ’پاک فوج کے خلاف کوئی بھی بات برداشت نہیں کی جائے گی‘، پاکستان زندہ باد کنونشن میں مقررین کا خطاب
انہوں نے کہاکہ پاکستان کے 25 کروڑ عوام ہمارے ساتھ کھڑے ہیں، پاکستان ہمارا ملک ہے پاکستان کے لوگوں کو یقین دلاتے ہیں کہ آزاد کشمیر پاکستان کا پہلا مورچہ ہے، اور اس کا دفاع ہم کریں گے۔
راجا فاروق حیدر نے کہاکہ ہمارا روحانی دارالخلافہ سرینگر ہے، ہندوستان کی غلط فہمی دور ہو جائے گی، اور ہم جموں اور لداخ بھی جائیں گے۔
سابق وزیراعظم نے شرکا کو مخاطب کرتے ہوئے کہاکہ آزاد کشمیر کے 33 حلقوں میں اپنے آپ کو خوش قسمت سمجھتا ہوں کہ عوام نے ہر مشکل حالات میں ساتھ نبھایا۔
انہوں نے کہاکہ آج وہ دن ہے جب ہندوستان کے ناپاک قدم کشمیر کی سرزمین پر پڑھے تھے، آج دنیا بھر میں مقیم کشمیری یوم سیاہ منا رہے ہیں، مہاراجہ کے الحاق کو اس وقت ہندوستان کے گورنر نے نہیں تسلیم کیا تو دنیا کیسے تسلیم کرے گی۔ ہمارے شہدا کی قربانیوں کی خوشبو سے لائن آف کنٹرول معطر ہے۔
یہ بھی پڑھیں: معرکہ حق جلسہ: راولاکوٹ ’پاکستان اور پاک فوج زندہ باد‘ کے نعروں سے گونج اٹھا
شرکا ریلی نے پاکستان اور کشمیر کے پرچم اتھا رکھے تھے، ریلی کے شرکا نے پاک فوج، وزیراعظم پاکستان، فیلڈ مارشل زندہ باد کے پرجوش نعرے بھی لگائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews چکوٹھی راجا فاروق حیدر سابق وزیراعظم نعرے لگوا دیے وی نیوز یوم سیاہ ریلی
نیشنل گیمز کا بجٹ 52 کروڑ سے تجاوز کرگیا، اضافی اخراجات پر اہم اجلاس طلب