پنجاب، مینارٹی کارڈ کی تعداد75ہزار سے1 لاکھ کر دی: مریم اورنگزیب
اشاعت کی تاریخ: 14th, December 2025 GMT
لاہور:(نیوز ڈیسک) سینئر صوبائی وزیر مریم اورنگزیب نے لبرٹی چوک میں کرسمس کے موقع پر منعقدہ بین المذاہب ریلی سے خطاب کرتے ہوئے کہا ہے کہ پنجاب میں تمام مذاہب کے ماننے والے بغیر خوف کے اپنی خوشیاں منا رہے ہیں اور یہ امن و تحفظ وزیر اعلیٰ مریم نواز کی قیادت کا نتیجہ ہے۔
انہوں نے وزیر اعلیٰ کا پیغام پہنچاتے ہوئے کہا کہ مریم نواز نے اقلیتی برادری کے لیے مینارٹی کارڈ کی تعداد پچھتر ہزار سے بڑھا کر ایک لاکھ کر دی ہے جو کرسمس کے موقع پر ایک چھوٹا مگر بامعنی تحفہ ہے۔
مریم اورنگزیب نے کہا کہ وزیر اعلیٰ نے اقلیتی برادری کے لیے سلام بھیجا ہے اور ان کی محنت کو سراہا ہے۔ انہوں نے کہا کہ پاکستان اور اس کے عوام محفوظ ہیں اور پنجاب کی ترقی اور تحفظ مریم نواز کے ہاتھ میں ہے۔
ان کا کہنا تھا کہ آج کرسمس کی تیاریاں جاری ہیں اور پنجاب کی ثقافت کے تمام رنگ واپس آ رہے ہیں، گزشتہ سال تیس برس بعد ہارس اینڈ کیٹل شو بحال کیا گیا جبکہ اس سال چھ، سات اور آٹھ فروری کو بسنت منانے کا اعلان کیا گیا ہے۔
انہوں نے کہا کہ آج کا پروگرام ایک تاریخی لمحہ ہے جس کا کبھی کسی نے تصور نہیں کیا تھا اور یہاں تمام مذاہب کے افراد موجود ہیں۔ مریم اورنگزیب نے کہا کہ اللہ کا شکر ہے کہ مریم نواز کے پنجاب میں ہر مذہب کی نمائندگی بلاخوف ممکن ہے۔
انہوں نے شرکاء پر زور دیا کہ وہ ایک دوسرے کا سہارا بنیں، ظلم کے خلاف کھڑے ہوں اور امن کا پیغام عام کریں۔
سینئر صوبائی وزیر نے صوبائی حکومت کے اقدامات کا ذکر کرتے ہوئے کہا کہ ایک لاکھ بچوں کو لیپ ٹاپ، پچاس لاکھ طلبہ کو اسکالرشپس دی جا رہی ہیں، سی سی ڈی عوام کی حفاظت کر رہی ہے، ایک ہزار کلینک آن ویل صحت کی سہولتیں فراہم کر رہے ہیں جبکہ گیارہ سو گرین بسیں عوام کو سستی اور باعزت سواری مہیا کر رہی ہیں۔
انہوں نے کہا کہ ساڑھے چار سال کی تباہی کے بعد آج سڑکیں صاف ہو رہی ہیں، صفائی اور ترقی کا عمل جاری ہے اور ایک لاکھ خاندانوں کو اپنا گھر اپنی چھت کے تحت چھت فراہم کی جا چکی ہے۔
مریم اورنگزیب نے آخر میں شرکاء کو کرسمس کی مبارکباد دیتے ہوئے کہا کہ آج کے بعد مل کر تاریخی کرسمس منائیں گے اور امن کا پیغام پوری دنیا تک پہنچائیں گے۔
اس موقع پر انہوں نے کرسمس کی مناسبت سے موم بتیاں روشن کیں، کیک کاٹا جبکہ لبرٹی چوک میں شاندار آتش بازی کا مظاہرہ بھی کیا گیا۔
.
ذریعہ
ذریعہ: Daily Mumtaz
پڑھیں:
حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
اسلام آباد(نیوز ڈیسک)وزیراعظم کے اپنا گھر پروگرام کے تحت اپنا ذاتی گھر حاصل کرنے کے خواہشمند شہریوں کے لیے بڑی پیش رفت سامنے آئی ہے۔ حکومت نے اعلان کیا ہے کہ پروگرام کے تحت کمرشل بینک اب تک 160 ارب روپے مالیت کے ہاؤسنگ قرضے منظور کر چکے ہیں جبکہ کامیاب درخواست گزاروں کو قرضوں کی فراہمی کا عمل بھی تیزی سے جاری ہے۔
یہ بات وزیر خزانہ کے مشیر عدنان پاشا نے کراچی میں منعقدہ فرسٹ انٹرنیشنل انشورنس کانفرنس سے خطاب کرتے ہوئے بتائی۔ انہوں نے کہا کہ وزیراعظم کا اپنا گھر پروگرام ملک میں تقریباً ایک کروڑ (10 ملین) گھروں کی کمی کو پورا کرنے کی جانب ایک اہم قدم ہے اور اس کے ذریعے کم آمدنی والے خاندانوں کو رعایتی شرائط پر اپنے گھر کا مالک بننے کا موقع فراہم کیا جا رہا ہے۔
عدنان پاشا نے بتایا کہ اس اسکیم کے تحت شہریوں کو صرف 5 فیصد رعایتی مارک اپ پر ہاؤسنگ قرض فراہم کیا جا رہا ہے جبکہ وزارت خزانہ اس منصوبے میں شامل بینکوں کے ممکنہ قرض نقصان کا 10 فیصد تک بوجھ خود برداشت کر رہی ہے۔ اس کے علاوہ حکومت پہلے 10 سال تک مارک اپ سبسڈی بھی فراہم کر رہی ہے تاکہ ہاؤسنگ فنانس زیادہ سے زیادہ سستا اور عوام کی پہنچ میں رہ سکے۔
انہوں نے کہا کہ حکومت کی کوشش ہے کہ زیادہ سے زیادہ مستحق خاندان اس سہولت سے فائدہ اٹھائیں، جس سے نہ صرف رہائشی مسائل میں کمی آئے گی بلکہ تعمیراتی شعبے، سیمنٹ، اسٹیل، ٹائلز، الیکٹریکل مصنوعات اور دیگر متعلقہ صنعتوں میں بھی معاشی سرگرمیوں کو فروغ ملے گا۔
اس موقع پر عدنان پاشا نے حکومت کے الیکٹرک موٹرسائیکل پروگرام پر بھی روشنی ڈالی۔ انہوں نے بتایا کہ حکومت آئندہ برسوں میں 20 لاکھ الیکٹرک موٹرسائیکلیں متعارف کرانے کا منصوبہ رکھتی ہے۔ ان کے مطابق پاکستان میں تقریباً 30 لاکھ رجسٹرڈ موٹرسائیکلیں ہر سال قریب 8 ارب ڈالر مالیت کا درآمدی پٹرول استعمال کرتی ہیں، جس سے نہ صرف قیمتی زرمبادلہ خرچ ہوتا ہے بلکہ ماحولیاتی آلودگی میں بھی اضافہ ہوتا ہے۔
انہوں نے کہا کہ حکومت شہریوں کو الیکٹرک بائیکس کی خریداری پر سبسڈی اور بلاسود فنانسنگ فراہم کر رہی ہے تاکہ ایندھن پر انحصار کم کیا جا سکے، تاہم ملک میں الیکٹرک بائیکس کی پیداوار اور سپلائی کے مسائل اب بھی موجود ہیں، جنہیں دور کرنے کے لیے اقدامات کیے جا رہے ہیں۔
عدنان پاشا نے زرعی شعبے کے حوالے سے بتایا کہ حکومت نے حال ہی میں زرخیزی اسکیم بھی متعارف کرائی ہے جس کے تحت 21 بینکوں پاکستان بینکس ایسوسی ایشن اور سپارکو کے تعاون سے کسانوں کو ڈیجیٹل زرعی قرضے فراہم کیے جا رہے ہیں۔ انہوں نے کہا کہ اس منصوبے میں سیٹلائٹ مانیٹرنگ اور ریئل ٹائم ڈیٹا کے ذریعے قرضوں کے استعمال کی نگرانی کی جائے گی تاکہ شفافیت کو یقینی بنایا جا سکے اور زرعی پیداوار میں اضافہ ہو۔
حکومتی حکام کے مطابق اپنا گھر پروگرام اور دیگر مالیاتی اسکیموں کا مقصد کم آمدنی والے طبقات کو سہولت فراہم کرنے معیشت کو متحرک کرنے، تعمیراتی سرگرمیوں کو فروغ دینے اور ملک میں پائیدار ترقی کی راہ ہموار کرنا ہے۔
مزید پڑھیں۔سرکاری ملازمین کی تنخواہوں کے بعد پنشن میں بھی اضافہ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی