دینی تعلیم کے ساتھ جدید عصری اور فنی علوم وقت کی اہم ضرورت ہیں‘زبیرفہیم
اشاعت کی تاریخ: 15th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) اتحاد المدارس العربیہ پاکستان، صوبہ سندھ کے زیر اہتمام پوزیشن ہولڈر طلبہ میں انعامات اور ٹیکنیکل کورسز مکمل کرنے والے طلبہ میں ڈپلوموں کی تقسیم کی پروقار تقریب گزشتہ روز جامع دارالخیر کے نزدیک مقامی بینکویٹ ہال گلستان جوہر بلاک 15 کراچی میں ہوئی۔ تقریب کے مہمانِ خصوصی مرکزی صدر اتحاد المدارس العربیہ پاکستان شیخ الحدیث زبیر فہیم تھے، جنہوں نے طلبہ سے خطاب کرتے ہوئے کہا کہ دینی تعلیم کے ساتھ جدید عصری اور فنی علوم وقت کی اہم ضرورت ہیں۔ انہوں نے کہا کہ اتحاد المدارس العربیہ دینی مدارس کے طلبہ کو معاشرے کا مفید اور باکردار فرد بنانے کے لیے کوشاں ہے، اور ٹیکنیکل کورسز اس سمت ایک عملی قدم ہیں۔انہوں نے پوزیشن حاصل کرنے والے طلبہ کو مبارکباد دیتے ہوئے کہا کہ محنت، لگن اور مسلسل جدوجہد ہی کامیابی کی ضمانت ہے اور ایسے طلبہ قوم کا روشن مستقبل ہیں۔ تقریب سے حبیب میٹرو صراط اسلامک بینکنگ کے ریزیڈنٹ شریعہ بورڈ ممبر مفتی خواجہ نور الحسن نے خطاب کرتے ہوئے کہا کہ اسلامی تعلیمات انسان کو عملی زندگی میں توازن، دیانت اور خدمتِ خلق کا درس دیتی ہیں، جبکہ فنی تعلیم نوجوانوں کو خود کفیل بناتی ہے۔ ڈائریکٹر اسلامک فقہ اکیڈمی پاکستان مصباح اللہ صابر نے کہا کہ دینی و دنیاوی تعلیم کا امتزاج ہی ایک مضبوط معاشرے کی بنیاد رکھ سکتا ہے-ڈاکٹر سید محبوب نے کہا کہ اتحاد المدارس العربیہ کی یہ کاوش قابلِ تحسین ہے کہ وہ مدارس کے طلبہ کو عصری تقاضوں سے ہم آہنگ کر رہا ہے-کوآرڈینیٹر وزیر اعظم یوتھ پروگرام برائے سندھ فہد شفیق نے وزیر اعظم یوتھ پروگرام کے تحت نوجوانوں کے لیے جاری اقدامات پر روشنی ڈالی اور طلبہ کو حکومتی مواقع سے فائدہ اٹھانے کی تلقین کی۔ مسلم لیگ(ن) کے سینیئر رہنما سینیٹر نہال ہاشمی نے کہا کہ تعلیم یافتہ اور ہنر مند نوجوان ہی ملک کی ترقی میں حقیقی کردار ادا کر سکتے ہیں۔
ذریعہ
ذریعہ: Jasarat News
کلیدی لفظ: اتحاد المدارس العربیہ نے کہا کہ طلبہ کو
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ