کہانی لکھنا بچوں کا کھیل نہیں؛ بشریٰ انصاری اور نادیہ خان کے درمیان شو میں گرما گرم بحث
اشاعت کی تاریخ: 12th, December 2025 GMT
منجھی ہوئی سینیئر اداکارہ بشریٰ انصاری اور ساتھی اداکارہ نادیہ خان کے ساتھ ایک شو میں ہونے والی بحث دیکھتے ہی دیکھتے سوشل میڈیا پر وائرل ہوگئی۔
شوبز کی دنیا بھی عجیب ہے یہاں ہر روز کوئی نیا اچھوتا اور مفرد واقعہ رونما ہوتا رہتا ہے پھر چاہے وہ کوئی نوک جھونک ہی کیوں نہ ہو۔
ایسا ہی ایک نیا مزاحیہ مگر تیکھا محاذ اس وقت کھل گیا جب ایک نجی چینل کے ڈراما ریویو شو میں نادیہ خان اور بشریٰ انصاری حال ہی میں آن ایئر ہونے والے ڈرامے کی تکنیکی امور پر گفتگو کر رہی تھیں۔
ویسے تو نادیہ خان اس شو کی مستقل جج ہیں لیکن اس بار ان کے ساتھ بطور مہمان جج کے بشریٰ انصاری شریک تھیں اور دونوں نے اپنے تجربات کا نچوڑ پیش کردیا۔
البتہ جب ڈرامے کی کہانی پر نادیہ خان نے کچھ زیادہ ہی تنقید کرڈالی تو بشریٰ انصاری نے سینیئر ہونے کا ثبوت دیتے ہوئے انھیں ٹوک دیا اور ایک پتے کی بات بتائی۔
بشریٰ انصاری نے کہا کہ دیکھیں نادیہ ہمارے بیچارے رائٹرز گھنٹوں تنہائی میں بیٹھ کر بڑی محنت کے ساتھ سے کہانیاں بُنتے ہیں۔
اداکارہ نے اپنی بات جاری رکھتے ہوئے کہا کہ اگر آپ یوں ان کے سامنے اپنی کہانی سنانا شروع کر دیں گی تو وہ کہیں اپنا فوکس ہی نہ کھو بیٹھیں۔
بشریٰ انصاری نے کہا کہ لکھنا ایک بہت کٹھن کام ہے جس کے لیے رائٹرز خلوت اختیار کرتے ہیں۔ آپ چاہے کہانی کو ایک نمبر دیں یا دس، رائٹرز بہرحال اپنی محنت پوری کرتے ہیں۔
سینیئر اداکارہ کے سمجھانے پر نادیہ خان نے بھی مسکراتے ہوئے جواب دیا کہ ڈرامے کی کہانی میں نیا پن تو نہیں لیکن پھر بھی میں اسے تھمز اپ دوں گی۔
.
ذریعہ: Express News
کلیدی لفظ: نادیہ خان
پڑھیں:
باپ بیٹے کی شاندار جوڑی نے ’ہنگری ہنگری ہِپوز‘ سب سے کم وقت میں کلیئر کر کے نیا عالمی ریکارڈ بنا دیا
data-id="863a0a8" data-element_type="widget" data-widget_type="theme-post-content.default">
امریکا میں گینیز ورلڈ ریکارڈز کے لیے مشہور ڈیوڈ رش نے ایک بار پھر حیران کر دیا، مگر اس بار انہوں نے تنِ تنہا نہیں بلکہ اپنے کم عمر بیٹے کے ساتھ مل کر ایک ایسا دلچسپ اور غیر معمولی کارنامہ انجام دیا جس نے دنیا بھر میں توجہ کھینچ لی۔
غیر ملکی خبر ایجنسی کے مطابق امریکی ریاست ایڈاہو سے تعلق رکھنے والے سیریل گنیز ورلڈ ریکارڈ ہولڈر ڈیوڈ “ریکارڈ بریکر” رش ، جو پہلے ہی بیک وقت سب سے زیادہ عالمی ریکارڈز رکھنے کا اعزاز رکھتے ہیں، نے اپنے بیٹے پیٹر کے ساتھ بطور ٹیم ’’ہنگری ہنگری ہِپوز‘‘ کو سب سے کم وقت میں کلیئر کرکے نیا عالمی ریکارڈ بنا لیا۔
ڈیوڈ رش نے اپنی ویب سائٹ پر بتایا کہ یہ سب اس وقت شروع ہوا جب پیٹر نے چند ماہ قبل معصومانہ انداز میں پوچھا کہ کیا وہ دونوں مل کر کوئی ریکارڈ قائم کر سکتے ہیں؟ اس سوال نے باپ اور بیٹے کے ذہنوں میں نیا عزم پیدا کیا، اور دونوں نے مل بیٹھ کر ایسا چیلنج تلاش کرنا شروع کیا جو نہ صرف مشکل ہو بلکہ اسے کرتے ہوئے مزہ بھی آئے۔
بالآخر انہیں وہ ریکارڈ مل ہی گیا—دو افراد کی ٹیم کی حیثیت سے ہنگری ہنگری ہِپوز سب سے کم وقت میں مکمل کرنے کا چیلنج۔ یہ ایک تیز رفتار، دلچسپ اور بچوں میں مقبول کھیل ہے، مگر اسے ریکارڈ وقت میں کلیئر کرنا ایک الگ مہارت چاہتا ہے۔
چند ہفتوں کی مشق اور بے شمار کوششوں کے بعد ڈیوڈ رش اور پیٹر نے صرف 5.8 سیکنڈ میں یہ کارنامہ سرانجام دے ڈالا، جو پچھلے 8.91 سیکنڈ کے ریکارڈ کو بہت پیچھے چھوڑ گیا۔ باپ اور بیٹے کی اس مشترکہ کامیابی نے نہ صرف انہیں عالمی سطح پر داد دلوائی بلکہ یہ لمحہ ان دونوں کے لیے یادگار بن گیا—ایسا کارنامہ جو کھیل ہی کھیل میں تاریخ کا حصہ بن گیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر