آزاد کشمیر: پی ٹی آئی کا منحرف ارکان اسمبلی کے خلاف ریفرنس دائر کرنے کا فیصلہ، کیا تحریک عدم اعتماد رک جائےگی؟
اشاعت کی تاریخ: 28th, October 2025 GMT
پاکستان تحریک انصاف (پی ٹی آئی) آزاد کشمیر نے اپنے منحرف اراکین اسمبلی کے خلاف ریفرنس دائر کرنے کا حتمی فیصلہ کرلیا۔
ذرائع کے مطابق پارٹی سے علیحدگی اختیار کرنے والے اراکین کے خلاف قانونی کارروائی کا آغاز کردیا گیا ہے، جبکہ صدر پی ٹی آئی آزاد کشمیر سردار عبد القیوم نیازی نے اپنی لیگل ٹیم کو ریفرنس کی تیاری کی باضابطہ ہدایت جاری کردی ہے۔
یہ بھی پڑھیں: آزاد کشمیر میں حکومت سازی فیصلہ کن مرحلے میں داخل، نئے وزیرِاعظم کا اعلان آج متوقع
ذرائع نے مزید بتایا کہ سردار عبد القیوم نیازی نے قائدِ حزبِ اختلاف خواجہ فاروق احمد اور دیگر سینیئر رہنماؤں سے مشاورت شروع کر دی ہے۔
قانونی ماہرین کے مطابق الیکشن ایکٹ 2020 کے تحت کوئی بھی رکنِ اسمبلی اگر اپنی پارٹی چھوڑے تو وہ نااہلی کی کارروائی کا سامنا کر سکتا ہے۔
واضح رہے کہ فارورڈ بلاک کے 12 اراکین اسمبلی نے پاکستان پیپلز پارٹی میں شمولیت اختیار کرلی ہے۔
پارٹی ذرائع کا کہنا ہے کہ ظفر ملک، عبدالماجد، اکبر ابراہیم، یاسر سلطان سمیت کئی منحرف اراکین کے خلاف ریفرنس مکمل تیار ہے۔ اس فہرست میں چوہدری اخلاق، چوہدری رشید، چوہدری ارشد، فہیم ربانی، محمد حسین اور دیگر اراکین کے نام بھی شامل ہیں۔
آزاد کشمیر کی سیاست پر گہری نظر رکھنے والے سینیئر صحافی راجا کفیل نے وی نیوز سے گفتگو کرتے ہوئے کہاکہ پیپلزپارٹی میں نئے شامل ہونے والے ممبران اسمبلی پر پارٹی ڈسپلن کا قانون لاگو نہیں ہو سکتا۔
انہوں نے تفصیلات بتاتے ہوئے کہاکہ عام انتخابات 2021 میں پی ٹی آئی کے ٹکٹ پر کامیاب امیدواروں کو بعد ازاں ہائیکورٹ کے فیصلے میں آزاد قرار دیا گیا تھا۔
راجا کفیل نے کہاکہ عدالت نے پی ٹی آئی کی رجسٹریشن منسوخ کردی تھی، جس کے بعد ابھی تک پی ٹی آئی الیکشن کمیشن میں دوبارہ رجسٹرڈ ہی نہیں ہو سکی، پیپلزپارٹی میں شامل تمام ممبران آزاد ہیں، ان پر پارٹی ڈسپلن کی خلاف ورزی کا قانون لاگو نہیں ہو سکتا۔
یہ بھی پڑھیں: نمبر گیم پوری ہے تو عدم اعتماد کیوں نہیں لاتے؟ وزیراعظم آزاد کشمیر انوارالحق کا مخالفین کو پیغام
واضح رہے کہ پاکستان پیپلز پارٹی نے آزاد کشمیر میں تحریک عدم اعتماد کی کامیابی کے لیے نمبر پورے کرلیے ہیں، جبکہ مسلم لیگ ن نے بھی تحریک کی کامیابی میں ووٹ دینے کا اعلان کردیا ہے۔
اگر وزیراعظم آزاد کشمیر چوہدری انوارالحق استعفیٰ نہیں دیتے تو کسی بھی وقت تحریک عدم اعتماد پیش کردی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انوارالحق عدم اعتماد پاکستان تحریک انصار پی ٹی آئی ریفرنس دائر کرنے کا فیصلہ منحرف ارکان اسمبلی وی نیوز.
ذریعہ
ذریعہ: WE News
کلیدی لفظ: انوارالحق عدم اعتماد پاکستان تحریک انصار پی ٹی ا ئی ریفرنس دائر کرنے کا فیصلہ منحرف ارکان اسمبلی وی نیوز پی ٹی آئی کے خلاف
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار