آزاد کشمیر میں حکومت سازی فیصلہ کن مرحلے میں داخل، نئے وزیرِاعظم کا اعلان آج متوقع
اشاعت کی تاریخ: 28th, October 2025 GMT
آزاد جموں و کشمیر میں حکومت سازی کا معاملہ فیصلہ کن مرحلے میں داخل ہو گیا ہے اور نئے وزیرِاعظم آزاد کشمیر کا فیصلہ آج متوقع ہے۔
ذرائع کے مطابق، پاکستان پیپلز پارٹی کے چیئرمین بلاول بھٹو زرداری آج آزاد کشمیر کے نئے وزیرِاعظم کے امیدوار کا حتمی اعلان کریں گے۔
ذرائع کے مطابق چوہدری لطیف اکبر اور چوہدری یاسین میں سے ایک نام وزارتِ عظمیٰ کے لیے فائنل کیا جائے گا۔ پارٹی کے اندرونی ذرائع کے مطابق، اسپیکر اسمبلی لطیف اکبر اس دوڑ میں سب سے مضبوط امیدوار سمجھے جا رہے ہیں۔
ذرائع کا کہنا ہے کہ موجودہ وزیرِاعظم انوارالحق کے مستعفی نہ ہونے کی صورت میں ان کے خلاف تحریکِ عدم اعتماد اسمبلی میں پیش کی جائے گی۔
یہ بھی پڑھیں نمبر گیم پوری ہے تو عدم اعتماد کیوں نہیں لاتے؟ وزیراعظم آزاد کشمیر انوارالحق کا مخالفین کو پیغام
دوسری جانب، مسلم لیگ (ن) نے تحریکِ عدم اعتماد میں پیپلز پارٹی کی حمایت کا باضابطہ اعلان کر دیا ہے، تاہم ن لیگ نے یہ بھی واضح کیا ہے کہ وہ حکومت کا حصہ نہیں بنے گی۔
اسمبلی کی صورتحال اور نمبر گیمآزاد کشمیر اسمبلی کی کل نشستیں 53 ہیں، مگر ایک رکن کے استعفے کے بعد کل تعداد 52 رہ گئی ہے۔
حکومت سازی کے لیے 27 ارکان کی حمایت درکار ہے۔
پارٹی پوزیشن کچھ یوں ہے:
پیپلز پارٹی کے پاس 17 ارکان موجود ہیں۔
مسلم لیگ (ن) کے پاس 9 ارکان اسمبلی ہیں۔
بیرسٹر سلطان گروپ اور فارورڈ بلاک کے مجموعی طور پر 10 ارکان نے پیپلز پارٹی کی حمایت کا اعلان کیا ہے۔
اس طرح پیپلز پارٹی کو ن لیگ، سلطان گروپ اور فارورڈ بلاک کی حمایت کے بعد 36 ارکان کی واضح عددی برتری حاصل ہو چکی ہے۔
ذرائع کے مطابق، وزیرِاعظم انوارالحق کے گروپ میں 10 ارکان اسمبلی موجود ہیں، جبکہ پی ٹی آئی آزاد کشمیر کے پاس 4 ارکان ہیں۔
اس کے علاوہ، مسلم کانفرنس اور جے کے پی پی کے پاس ایک، ایک نشست ہے۔
یہ بھی بتایا گیا ہے کہ اوورسیز نشست پر منتخب رکن محمد اقبال پہلے ہی استعفیٰ دے چکے ہیں۔
یہ بھی پڑھیں آزاد کشمیر حکومتی تبدیلی: ن لیگ کا تحریک عدم اعتماد میں پیپلز پارٹی کا ساتھ دینے کا اعلان
اگر وزیرِاعظم انوارالحق کے خلاف تحریکِ عدم اعتماد کامیاب ہو جاتی ہے تو آزاد کشمیر میں نئی پیپلز پارٹی حکومت کے قیام کی راہ ہموار ہو جائے گی۔
تاہم اگر تحریک ناکام ہوتی ہے، تو آئینی طور پر 6 ماہ تک دوبارہ تحریکِ عدم اعتماد پیش نہیں کی جا سکے گی۔
سیاسی تجزیہ کاروں کے مطابق، موجودہ صورتحال میں پیپلز پارٹی کو واضح اکثریت حاصل ہے، لیکن فیصلہ اسمبلی کے اجلاس میں ووٹنگ کے وقت ہی سامنے آئے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: ذرائع کے مطابق پیپلز پارٹی کی حمایت کے پاس یہ بھی
پڑھیں:
آزاد کشمیر حکومت تبدیلی کا فیصلہ کن موڑ،پیپلز پارٹی کامطلوبہ نمبرز پورے ہونے ،30ارکان کی حمایت کا دعویٰ
آزاد کشمیر حکومت تبدیلی کا فیصلہ کن موڑ،پیپلز پارٹی کامطلوبہ نمبرز پورے ہونے ،30ارکان کی حمایت کا دعویٰ WhatsAppFacebookTwitter 0 26 October, 2025 سب نیوز
اسلام آباد (سب نیوز)پیپلزپارٹی نے آزاد کشمیر میں حکومت سازی کیلئے مسلم لیگ (ن)کی حمایت کے بغیر نمبر پورے کرلیے،آزاد کشمیر کے وزرا فہیم اختر ربانی، محمد عاصم شریف، چوہدری محمد اکبر اور عبدالماجد خان کی پیپلزپارٹی میں شمولیت ہوگئے،آزاد کشمیر کے وزیر تعلیم ظفر اقبال ملک، چوہدری یاسر سلطان، سردارمحمد حسین، چوہدری محمد اخلاق، چوہدری ارشد حسین اور چوہدری رشید بھی پیپلزپارٹی میں شامل ہوگئے، آزاد کشمیر میں حکومت سازی کے لیے پیپلز پارٹی کو 27 اراکین کی حمایت درکار ہے جبکہ پیپلز پارٹی نے مطلوبہ نمبرز پورے ہونے اور 30ارکان کی حمایت کا دعویٰ کیا ہے ۔
تفصیلات کے مطابق پاکستان تحریک انصاف آزاد کشمیر فارورڈ بلاک کے 5 وزرا نے پیپلز پارٹی میں شمولیت کا اعلان کردیا۔پی ٹی آئی آزادکشمیر کے 5وزرا نے فریال تالپور اور چوہدری ریاض سے ملاقات کی جس میں پیپلز پارٹی میں شمولیت کا اعلان کیا۔پیپلز پارٹی پارلیمانی گروپ کی تعداد 22 تک پہنچ گئی۔دوسری طرف آزاد کشمیر میں سیاسی صورت حال فیصلہ کن موڑ پر پہنچ گئی ہے، پیپلز پارٹی آزاد کشمیر نے نمبر گیم مکمل ہونے کا دعوی کر دیا اور فریال تالپور کی جانب سے سندھ ہاوس اسلام آباد میں ڈنر بھی دیاگیا، جس میں پیپلز پارٹی کی پارلیمانی پارٹی، مہاجرین نشستوں اور بیرسٹر سلطان گروپ کے ارکان شریک ہوئے ۔ذرائع نے بتایا کہ بیرسٹر سلطان کے دھڑے نے زرداری ہاوس میں فریال تالپور کے ساتھ ملاقات میں ووٹ کی یقین دہانی کرادی ہے، بیرسٹر گروپ کے 5 اور مہاجرین نشستوں کے 5 ارکان پیپلز پارٹی کے ساتھ ہیں۔
پیپلز پارٹی کا کہنا ہے کہ 30 سے زائد ارکان اسمبلی ہمارے ساتھ ہیں، دو ارکان کی حمایت خفیہ رکھی گئی ہے اور دونوں دھڑوں کی شمولیت کے بعد 30 سے زائد ارکان کا ساتھ حاصل ہوگا۔ذرائع نے بتایا کہ پیپلز پارٹی آج پاور شو کے ذریعے اپنی عددی برتری ثابت کرے گی ۔واضح رہے کہ پاکستان پیپلز پارٹی نے آزاد کشمیر حکومت کی تبدیلی کا فیصلہ کیا تھا، گزشتہ روز ایوان صدر میں پیپلز پارٹی آزاد کشمیر کی بڑی بیٹھک کے دوران صدرِ مملکت آصف زرداری نے بتایا تھا کہ یہ فیصلہ بلاول بھٹو نے کیا تھا۔آصف علی زرداری نے کہا کہ آزاد کشمیر میں حکومت سازی کا فیصلہ غیر معمولی ہے، پی پی مشکل حالات میں حکومت سنبھالنے جا رہی ہے، یہ پارٹی اور آپ سب کے لیے بھاری ذمہ داری ہے، یقین ہے پی پی ماضی کی طرح ڈلیور کرے گی۔انھوں نے کہا پارلیمانی پارٹی قبل از وقت غیر ضروری بیان بازی اور وزیر اعظم، اسپیکر، وزرا کے لیے ناموں پر چہ مہ گوئیوں سے گریز کرے، آزاد کشمیر کا اگلا وزیر اعظم ایک عام ورکر اور جیالا ہوگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبردراندازی کے واقعات افغان حکومت کے ارادوں پر سنجیدہ سوالات اٹھاتے ہیں،آئی ایس پی آر دراندازی کے واقعات افغان حکومت کے ارادوں پر سنجیدہ سوالات اٹھاتے ہیں،آئی ایس پی آر ڈپٹی ڈائریکٹر چیئرمین سینیٹ چودھری ناصر رفیق کے والدِ محترم کے ایصال ثواب کیلئے ختم و قل خوانی کا انعقاد رحیم یار خان، زیادتی کا شکار لڑکی مقدمہ درج ناہونے پر 100فٹ اونچی ٹینکی پر چڑھ گئی، خودکشی کی دھمکی آزادی کشمیر کی صبح قریب، پاکستان ہر فورم پر کشمیریوں کا مقدمہ لڑتا رہے گا،انجینئر امیر مقام پی ٹی آئی آزادکشمیر فارورڈ بلاک کے 5وزرا کا پیپلز پارٹی میں شمولیت کا اعلان ایران امریکا کیساتھ برابری کی سطح پر مذاکرات کیلئے تیار ہے، ایرانی وزیرِ خارجہCopyright © 2025, All Rights Reserved
رابطہ کریں ہماری ٹیم
ٹرمپ اور پیوٹن کے درمیان ہنگری میں طے شدہ ملاقات اچانک منسوخ