مولانا محمد علی قدسی سپرد خاک‘ محمد اسحاق خان نے نماز جنازہ پڑھائی
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی ضلع غربی کے دیرینہ رکن مولانا محمد علی قدسی گزشتہ روز قضائے الٰہی سے انتقال کرگئے، مرحوم کی نماز جنازہ معاون خصوصی جماعت اسلامی کراچی محمد اسحاق خان کی اقتدا میں ادا کی گئی۔ نائب امیر جماعت اسلامی پاکستان ڈاکٹر اسامہ رضی، مرکزی رہنماؤں میں ڈاکٹر معراج الہدیٰ صدیقی، اسداللہ بھٹو، نوید علی بیگ، محمد اسحاق خان، جے یو آئی کے مولانا عقیل و دیگر سماجی، مذہبی و سیاسی پارٹیوں کے ذمے داران، اہل محلہ اور مولانا کے عقیدت مندوں نے بڑی تعداد میں شرکت کی اور مولانا کے بیٹوں احمد علی قدسی، ابو دجانہ اور عبید احمد قدسی سے مولانا کے انتقال پر تعزیت کی۔ امیر جماعت اسلامی ضلع غربی مدثر انصاری نے نماز جنازہ میں شریک ہونے والے حضرات کا شکریہ ادا کیا اور کہا کہ مولانا محمد علی قدسی نے اپنی پوری زندگی دین کی خدمت اور اس کے نفاذ کی جدو جہد میں گزاری۔ اورنگی ٹاؤن میں ان کے قائم کردہ دو مدرسے ان کے لیے ہمیشہ صدقہ جاریہ بنیں گے۔ اپنے پیچھے جو نیک اولاد انہوں نے چھوڑی ہے وہ ان کے لیے بہترین صدقہ جاریہ ہے اور الحمدللہ ان کے تمام بچے ان کے مشن سے وابستہ اور اسی تحریک اسلامی کا حصہ ہیں جس میں انہوں نے پوری زندگی کھپائی۔ بس ہمیں دیکھنا چاہیے کہ مولانا کی طرح کیا ہم ایک ایک محلے تک دین کی دعوت پہنچانے کی کوشش کررہے ہیں۔ آئیں ہم عہد کریں کہ مولانا کے اس مشن کو جاری رکھیں گے۔ اللہ تعالیٰ مولانا کی مغفرت فرمائے، گھر والوں کو صبر جمیل عطا فرمائے اور ہمیں ان کے نقش قدم پر چلنے کی توفیق عطا فرمائے۔
ذریعہ
ذریعہ: Jasarat News
کلیدی لفظ: جماعت اسلامی مولانا کے علی قدسی
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا