ہیوی ٹریفک شہریوں کی زندگی خطرے میں ڈال رہا ہے‘ سحر سلطانہ
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی وومن ونگ ضلع شمالی کی ناظمہ سحر سلطانہ و دیگر ذمے داران نے واٹر ٹینکر کی ٹکر سے جاں بحق ہونے والے 17 سالہ نوجوان عابد رئیس کے اہل خانہ سے ملاقات اور فاتحہ خوانی کی، لواحقین سے تعزیت کا اظہار کیا۔ ان کا کہنا تھاکہ جماعت اسلامی اس سانحے پر سوگوار خاندان کے غم میں مکمل طور پر شریک ہے، نوجوان عابد رئیس کا جانا ایک بڑا صدمہ ہے، اللہ ربّ العالمین اہل خانہ کو صبرِ جمیل عطا فرمائے۔ ناظمہ سحر کے بقول شہر میں بڑھتے ہوئے حادثات سندھ حکومت کی سنگین غفلت، بے حسی اور انتظامی نااہلی کا کھلا ثبوت ہیں۔ شہری علاقوں میںبے لگام ہیوی ٹریفک کا داخلہ شہریوں کی زندگیاں خطرے میں ڈال رہا ہے جس کا فوری نوٹس لیا جانا ضروری ہے۔ انہوں نے متعلقہ محکموں سے مطالبہ کیا کہ واٹر ٹینکر مافیا کے خلاف سخت کارروائی کی جائے، حادثے کے ذمہ داران کو قانون کے کٹہرے میں لایا جائے اور شہر میں ٹریفک کے مؤثر نظم و ضبط کے لیے ہنگامی بنیادوں پر اقدامات کیے جائیں تاکہ مستقبل میں اس طرح کے دلخراش واقعات کا سدباب ہوسکے۔
ذریعہ: Jasarat News
پڑھیں:
کراچی: اسکول جانیوالے طالبعلم عابد کو تیز رفتار ٹینکر نے روند ڈالا
کراچی کے علاقے سرجانی ٹاؤن میں فور کے چورنگی کے قریب واٹر ٹینکر نے ایک اور نوجوان کی زندگی کا چراغ گُل کر دیا۔
17 سالہ طالب علم عابد گھر سے اسکول جانے کے لیے نکلا تھا۔
مشتعل افراد نے ٹینکر کو آگ لگا دی، ریسکیو ادارے نے رواں سال کے دوران ٹریفک حادثات کے تشویشناک اعداد و شمار جاری کر دیے۔
کراچی: واٹر ٹینکر کی کار، رکشہ اور موٹرسائیکل کو ٹکر، 2 خواتین سمیت 4 افراد زخمیحادثے میں کار سوار دو خواتین، رکشہ ڈرائیو، اور راہ گیر زخمی ہوگیا۔
عابد عثمان پبلک ہائی اسکول کا گیارہویں جماعت کا طالب علم تھا اور وہ گھر سے اسکول جانے کے لیے نکلا تھا۔
فور کے چورنگی کے قریب موٹر سائیکل پر جانے والا عابد اُس وقت زندگی کی بازی ہار گیا جب ایک تیز رفتار واٹر ٹینکر نے اسے روند ڈالا۔
حادثے کے فوراً بعد علاقہ مکین مشتعل ہو گئے جنہوں نے ٹینکر کو آگ لگا دی۔
اطلاع ملتے ہی فائر بریگیڈ کا یونٹ موقع پر پہنچا اور ایک فائر ٹینڈر کی مدد سے آگ پر قابو پا لیا گیا۔
پولیس کا کہنا ہے کہ ڈرائیور موقع سے فرار ہو گیا جبکہ واقعے کی تفتیش جاری ہے۔
کراچی میں تیز رفتار واٹر ٹینکر نے 2 سگے بھائیوں کی جان لے لی۔
دوسری جانب ریسکیو ادارے نے رواں سال کے دوران ہونے والے ٹریفک حادثات کے اعداد و شمار جاری کیے ہیں۔
رواں برس شہر میں اب تک 806 افراد مختلف حادثات میں جان کی بازی ہار چکے ہیں، جن میں 632 مرد،81 خواتین، 71 بچے، 22 بچیاں شامل ہیں۔
ریسکیو ادارے کے مطابق رواں سال ٹریفک حادثات میں 11 ہزار 596 شہری زخمی بھی ہوئے ہیں جبکہ ہیوی ٹریفک سے 244 افراد جاں بحق ہو چکے ہیں اور انتظامیہ کی حکمتِ عملی کے باجود حادثات رکنے کا نام نہیں لے رہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر