قومی اسمبلی میں اپوزیشن اراکین بانی پی ٹی آئی کے پوسٹرز لے آئے
اشاعت کی تاریخ: 10th, December 2025 GMT
—فائل فوٹو
قومی اسمبلی کے ایوان میں اپوزیشن اراکین بانی پی ٹی آئی کے پوسٹرز لے آئے۔
اپوزیشن اراکین نے نکتہ اعتراض مانگ لیا۔
پینل آف چیئر نے وقفہ سوالات کے دوران نکتہ اعتراض دینے سے معذرت کر لی۔
پینل آف چیئر علی زاہد نے کہا کہ وقفہ سوالات میں نکتہ اعتراض نہیں دیا جائے گا۔
.ذریعہ: Jang News
پڑھیں:
قومی اسمبلی میں دلچسپ منظر، گرے ہوئے پیسوں کے 12 دعویدار سامنے آگئے، ویڈیو وائرل
قومی اسمبلی کے اجلاس کے دوران ایک دلچسپ اور غیر معمولی صورتحال اُس وقت پیدا ہوئی جب ایوان کی نشستوں کے قریب سے ملنے والی رقم اسپیکر تک پہنچائی گئی، جس کے بعد متعدد اراکین نے اس رقم پر ملکیت کا دعویٰ کر دیا۔
اسپیکر قومی اسمبلی سردار ایاز صادق کی زیرِ صدارت اجلاس جاری تھا کہ کسی نے زمین پر گرے ہوئے پیسے اٹھا کر ان کے حوالے کیے۔ اسپیکر نے نوٹ ایوان میں لہراتے ہوئے اعلان کیا کہ اپوزیشن کے ایوان میں آنے سے قبل کسی رکن کے پیسے فرش پر گرے ہوئے ملے ہیں اگر اصل مالک موجود ہو تو آگاہ کرے۔
استغفرُللہ
یہ ہے پارلیمنٹ اور پارلیمنٹ میں موجود پارلیمنٹیرینز کی اوقات
پیسے ایک شخص کے گرے اور دعویدار 12 اراکین قومی اسمبلی pic.twitter.com/Xu6hP0sSls
— Haroon Anjum (@_Haroon79) December 8, 2025
اس اعلان کے بعد حیران کن طور پر ایوان میں موجود بارہ اراکین نے ہاتھ کھڑے کر کے پیسوں کی ملکیت کا دعویٰ کر دیا۔ اس صورتحال پر اسپیکر ایاز صادق بھی مسکرا اٹھے اور کہا کہ یہ تو بارہ اراکین نے ہاتھ کھڑے کر دیے ہیں، پیسے اتنے نہیں ہیں جتنے لوگوں کے ہاتھ کھڑے ہو گئے ہیں جس پر ایوان میں قہقہے گونج اٹھے۔
سوشل میڈیا صارفین بھی اس صورتحال پر دلچسپ تبصرے کرتے نظر آئے، کسی نے کہا کہ یہ شرم کا مقام ہے کہ ہمارے نمائندے ایسے کر رہے ہیں تو کوئی یہ کہتا نظر آیا کہ ان سب نے مذاق میں ہاتھ کھڑے کیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایاز صادق ایوان ایوان میں پیسے ویڈیو وائرل