وسیم اکرم کا ریکارڈ ٹوٹ گیا، مچل اسٹارک ٹیسٹ کرکٹ میں سب سے کامیاب لیفٹ آرم فاسٹ باؤلر بن گئے
اشاعت کی تاریخ: 4th, December 2025 GMT
آسٹریلیا کے مچل اسٹارک نے ٹیسٹ کرکٹ میں سب سے زیادہ وکٹیں لینے والے لیفٹ آرم فاسٹ باؤلر کا اعزاز حاصل کرلیا ہے۔ انہوں نے پاکستان کے لیجنڈری باؤلر وسیم اکرم کا ریکارڈ پیچھے چھوڑ دیا۔
گابا، برسبین میں ایشز سیریز کے پنک بال ٹیسٹ کے پہلے دن اسٹارک نے ہیری بروک کو آؤٹ کرکے اس میچ کی تیسری اور اپنے ٹیسٹ کیریئر کی 415ویں وکٹ حاصل کی، جو انہیں وسیم اکرم (414 وکٹیں) سے آگے لے گئی۔ اسٹارک نے یہ سنگ میل وسیم اکرم سے کم 2 میچوں میں عبور کیا۔
Mitchell Starc passes Wasim Akram as the most prolific left-arm bowler in Test cricket history ????#Ashes | #MilestoneMoment | @nrmainsurance pic.
— cricket.com.au (@cricketcomau) December 4, 2025
ٹیسٹ کرکٹ میں سب سے زیادہ وکٹیں لینے والے لیفٹ آرم پیسرزٹیسٹ کرکٹ میں سب سے زیادہ وکٹیں لینے والے لیفٹ آرم فاسٹ باؤلرز میں آسٹریلیا کے مچل اسٹارک 415 وکٹوں کے ساتھ سرفہرست ہیں، جنہوں نے پاکستان کے لیجنڈ وسیم اکرم کا 414 وکٹوں کا ریکارڈ پیچھے چھوڑ دیا ہے۔
سری لنکا کے چمندا واس 355 وکٹوں کے ساتھ تیسرے نمبر پر ہیں، جبکہ نیوزی لینڈ کے ٹرینٹ بولٹ 317 اور آسٹریلیا کے مچل جونسن 313 وکٹوں کے ساتھ بالترتیب چوتھے اور پانچویں نمبر پر موجود ہیں۔
مچل اسٹارک ٹاپ ٹیسٹ وکٹ ٹیکرز کی فہرست میں 16ویں نمبر پر پہنچاس کامیابی کے بعد اسٹارک ٹیسٹ کرکٹ کے ہمہ وقتی ٹاپ وکٹ ٹیکرز کی فہرست میں 16ویں نمبر پر پہنچ گئے ہیں۔ موجودہ پنک بال ٹیسٹ میں وہ بھارت کے ہربھجن سنگھ (417) اور جنوبی افریقہ کے شان پولاک (421) کو بھی پیچھے چھوڑ سکتے ہیں۔ مزید آگے بڑھتے ہوئے اسٹارک کی اگلی ممکنہ منزل نیوزی لینڈ کے عظیم آل راؤنڈر رچرڈ ہیڈلی (431) ہوں گے۔
سابق پاکستانی کپتان اور لیجنڈری فاسٹ باؤلر وسیم اکرم نے آسٹریلوی پیسر مچل اسٹارک کو ٹیسٹ کرکٹ میں لیفٹ آرم فاسٹ باؤلرز میں سب سے زیادہ وکٹیں لینے کا نیا ریکارڈ قائم کرنے پر مبارکباد دی ہے۔
Super Starc! Proud of you, mate. Your incredible hard work sets you apart, and it was only a matter of time before you crossed my tally of wickets . I am pleased to give this to you! Go well, and keep soaring to new heights in your stellar career . ????????@mstarc56
— Wasim Akram (@wasimakramlive) December 4, 2025
سماجی رابطے کی ویب سائٹ ایکس پر پیغام میں وسیم اکرم نے لکھا کہ اسٹارک! تم پر فخر ہے۔ تمہاری محنت نے تمہیں منفرد بنا دیا ہے۔ یہ صرف وقت کی بات تھی کہ تم میری وکٹوں کی تعداد سے آگے نکل جاتے۔ مجھے خوشی ہے کہ یہ اعزاز تمہیں دے رہا ہوں۔ خوب کھیلتے رہو اور اپنے شاندار کیریئر میں نئی بلندیوں کو چھوتے رہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹاپ ٹیسٹ وکٹ ٹیکرز لیفٹ آرم پیسرز مچل اسٹارک وسیم اکرمذریعہ: WE News
کلیدی لفظ: لیفٹ آرم پیسرز مچل اسٹارک وسیم اکرم میں سب سے زیادہ وکٹیں لینے لیفٹ آرم فاسٹ باؤلر ٹیسٹ کرکٹ میں سب سے وسیم اکرم کا مچل اسٹارک
پڑھیں:
’بطور میئر کامیاب نہیں ہو سکا‘، مرتضیٰ وہاب کا بچے کے گٹر میں گرنے کے واقعے پر اظہار ندامت
کراچی میں گٹر کے کھلے مین ہول میں گر کر جاں بحق ہونے والے کمسن ابراہیم کے اہل خانہ سے میئر کراچی مرتضی وہاب نے معافی مانگ لی۔
پریس کانفرنس میں مرتضی وہاب نے کہا کہ انہوں نے کمسن ابراہیم کے اہل خانہ کے گھر جا کر دکھ اور افسوس کا اظہار کیا اور ان سے بغیر کسی بلیم گیم کے معافی مانگی ہے۔
مرتضی وہاب نے کہا کہ واقعے کی غیر جانبدارانہ تحقیقات کی جائیں گی اور کسی بھی بلیم گیم کے بغیر بچے کے اہل خانہ سے دل کی گہرائیوں سے معافی مانگی گئی ہے۔ انہوں نے کہا کہ ابراہیم کی والدہ کی چیخیں سن کر ان کے پاس الفاظ نہیں تھے۔
کس کس کو معطل کیا گیا؟میئر کراچی نے بتایا کہ اہل خانہ نے مطالبہ کیا ہے کہ ایسے اقدامات کیے جائیں کہ مستقبل میں کسی اور کے ساتھ ایسا سانحہ نہ پیش آئے۔ واقعے کے بعد کراچی واٹر بورڈ کے متعلقہ افسر اور کے ایم سی کی سینیئر ڈائریکٹر کو معطل کر دیا گیا جبکہ ایس ایس پی ایسٹ اور ڈی سی ایسٹ کو بھی معطل کیا جارہا ہے۔
انہوں نے مزید کہا کہ ریسکیو 1122 اور سٹی وارڈن موقع پر پہنچے لیکن کام انجام نہ دے سکے، اسی لیے نئے ایس او پیز تیار کیے جا رہے ہیں تاکہ مستقبل میں اس طرح کے واقعات سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الشریف فاؤنڈیشن پاکستان کے نو منتخب عہدیداران کی تقریب حلف برداری کے موقع پر کوآرڈینیٹر کراچی شعبان علی بھٹی،فوڈ سیکریٹری ڈسٹرکٹ ساؤتھ محمد اصغر ،صدر ڈسٹرکٹ ساؤتھ محمد اکبر اور دیگر کا لیا گیا گروپ فوٹو