پاکستان نے سنگین جرائم میں ملوث بدنام عادی مجرموں کو انگلینڈ سے طلب کر لیا
اشاعت کی تاریخ: 4th, December 2025 GMT
سٹی42: پاکستان نے سنگین جرائم میں ملوث بدنام عادی مجرموں کو انگلینڈ سے طلب کر لیا۔
مصدقہ خبر آئی ہے کہ پاکستان نے انگلینڈ میں چھپے ہوئے سنگین نوعیت کے جرام میں ملوث پاکستانی افراد عادل راجہ اور شہزاد اکبر کو پاکستان کے حوالے کرنے کے لئے انگلینڈ کو رسمی مراسلہ بھیج دیا ہے۔
ان دونوں پاکستانیوں پر پاکستان میں ریاست کے خلاف سنگین جرائم میں ملوث ہونے اور کرپشن کے مقدمات ہیں۔
اسلام آباد میں وزارت داخلہ کے ذرائع نے تصدیق کی ہے کہ حکومت پاکستان نے انگلینڈ سے شہزاد اکبر اور عادل راجہ کی حوالگی کی درخواست کردی ہے۔
سوشل میڈیا کیلئے رِیل بنانے والا نوجوان 50 فٹ بلندی سے گر کر ہلاک
آج ہی وزیر داخلہ محسن نقوی سے انگلینڈ کی اسلام آباد میں ہائی کمشنر جین میریٹ نے ملاقات کی۔ اس ملاقات میں پاک برطانیہ دوستانہ تعلقات، سکیورٹی تعاون اور باہمی دلچسپی کے امور پر گفتگو کی گئی، اس کے ساتھ وزارتِ داخلہ کے ذرائع نے بتایا کہ اس اہم ملاقات میں برطانیہ میں غیر قانونی طور پر مقیم پاکستانیوں کی واپسی کے امور پر بات چیت ہوئی۔
عادل راجا پاکستان کی ریاست، اداروں اور ریاست کے اہم امور سے منسلک شخصیات پر کسی عناد اور اشتعال کے بغیر بار بار حملے کرتا ہے، پاکستان کے خلاف سفید جھوٹ پر مبنی پروپیگنڈا پھیلاتا ہے اور پاکستان کی ریاست ور عوام کو بار بار نقصان پہنچانے کی سازشیں کرتا ہے۔ اس عادی مجرم نے جھوٹے الزامات پر مبنی پروپیگنڈا کیا تو ایک پاکستانی شخصیت نے اسے انگلینڈ کی عدالت میں گھسیٹا جہاں اسے عبرت ناک شکست ہوئی، اس کو بھاری جرمانہ کیا گیا اور معافیاں مانگنے کا حکم دیا گیا۔ اس نے برطانوی عدالت میں اپیل کی، عدالت نے یہ اپیل بھی مسترد کر دی اور اس پر مزید جرمانہ عائد کر دیا۔ لیکن کتے کی دم سے بھی زیادہ ٹیڑھی فطرت کے مالک عادل راجا نے پاکستان کے خلاف نیا جھوٹ کا پروپیگنڈا کرنا جاری رکھا، ریاست کو مسلسل نقصان پہنچانے کے عمل سے عاجز آ کر پاکستان کی ریاست کے ذمہ دار ادارہ وزارت داخلہ نے اب عادل راجا کے خلاف قانونی کارروائی کر کے اسے قرار واقعی سزا دلوانے کے لئے راست اقدام کا آغاز کر دیا ہے۔
سابق وزیراعظم کا معاون خصوصی شہزاد اکبر عدالت سے اشتہاری قرار پایا ہوا ہے اور پاکستان سے فرار ہو کر انگلینڈ میں چھپا ہوا ہے۔
آج برٹش ہائی کمشنر جین میریٹ کے ساتھ ملاقات میں وزیر داخلہ محسن نقوی نے شہزاداکبراورعادل راجہ دونوں کی حوالگی کے لئے حکومت پاکستان کی طرف سے حوالگی کےکاغذات ہائی کمشنر کے سپرد کیے۔
دنیا کے محفوظ ترین ممالک کی فہرست جاری
محسن نقوی نے کہا کہ دونوں افراد پاکستان میں مطلوب ہیں، ان کو فوری پاکستان کے سپرد کیا جائے۔
وزیر داخلہ نے مسلسل جھوٹ کا پراپیگنڈا کرنے والے پاکستانی شہریوں کے خلاف ٹھوس شواہد بھی فراہم کیے۔
محسن نقوی نے کہا، ہم آزادیِ اظہار پر پورا یقین رکھتے ہیں لیکن فیک نیوز ہر ملک کے لیے مسئلہ ہے۔
.
ذریعہ
ذریعہ: City 42
کلیدی لفظ: پاکستان نے پاکستان کے پاکستان کی محسن نقوی میں ملوث کے خلاف
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا