ڈھاکہ، انقلاب منچہ پارٹی کے رہنما عثمان ہادی کو علاج کے لیے سنگاپور منتقل کرنے کا فیصلہ
اشاعت کی تاریخ: 14th, December 2025 GMT
انقلاب منچہ کے ترجمان اور ڈھاکہ8 کے حلقے سے آزاد امیدوار شریف عثمان ہادی کو جدید طبی علاج کے لیے پیر کی دوپہر سنگاپور منتقل کیا جائے گا۔
اتوار کے روز چیف ایڈوائزر پروفیسر محمد یونس کی ہدایت پر ہنگامی ہنگامی اجلاس ہوا، اجلاس میں ثقافتی امور کے ایڈوائزر مصطفیٰ سرور فاروقی، صحت امور پر چیف ایڈوائزر کے خصوصی معاون پروفیسر ڈاکٹر محمد سید الرحمان، ایورکئیر ہسپتال کے ماہر ڈاکٹر جعفر اور عثمان ہادی کے بھائی عمر بن ہادی نے شرکت کی۔
یہ بھی پڑھیں: ڈھاکہ، انقلاب منچہ کے ترجمان عثمان ہادی پر حملے کے ملزمان کی شناخت ہوگئی
اجلاس میں عثمان ہادی کو علاج کے لیے بیرون ملک بھیجنے پر غور کیا گیا۔
گزشتہ 2 دن کے دوران حکومت نے عثمان ہادی کے علاج کے لیے سنگاپور، تھائی لینڈ اور ملائیشیا کے مختلف اسپتالوں سے رابطہ کیا گیا تھا، ایورکئیر اسپتال کی ماہر طبی ٹیم کی سفارشات اور اہلخانہ سے مشاورت کے بعد معاملہ باقاعدہ طور پر چیف ایڈوائزر کے سامنے پیش کیا گیا۔
پروفیسر ڈاکٹر محمد سید الرحمان نے چیف ایڈوائزر کو آگاہ کیا کہ اس وقت عثمان ہادی کی جسمانی حالت میں کوئی نمایاں تبدیلی نہیں آئی۔
یہ بھی پڑھیں: انقلاب منچہ کے کنوینیئر پر حملہ: بنگلہ دیشی حکومت کا ملزم کی گرفتاری میں مدد پر 50 لاکھ ٹکا انعام کا اعلان
حکام کے مطابق پیر کی دوپہر میڈیکل ایئر ایمبولینس کے ذریعے عثمان ہادی کو سنگاپور منتقل کرنے کے تمام انتظامات مکمل کر لیے گئے ہیں۔ ایئر ایمبولینس، طبی ٹیم اور سفری امور کو حتمی شکل دے دی گئی ہے، جبکہ سنگاپور جنرل اسپتال کے حادثات و ایمرجنسی شعبے نے مریض کو وصول کرنے اور علاج کے لیے مکمل تیاری کی تصدیق کردی ہے۔
عثمان ہادی کے علاج سے متعلق تمام اخراجات عبوری حکومت برداشت کرے گی، جبکہ چیف ایڈوائزر نے متعلقہ حکام کو ہدایت کی ہے کہ ان کے علاج کی 24 گھنٹے نگرانی یقینی بنائی جائے۔
یہ بھی پڑھیں: سوڈان میں شہید ہونے والے بنگلہ دیشی فوجی اہلکاروں کی تفصیل جاری
چیف ایڈوائزر نے عوام سے عثمان ہادی کی جلد صحتیابی کے لیے دعا کی اپیل بھی کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپتال انقلاب منچہ بنگلہ دیش چیف ایڈوائزر سنگاپور علاج.
ذریعہ
ذریعہ: WE News
کلیدی لفظ: اسپتال انقلاب منچہ بنگلہ دیش چیف ایڈوائزر سنگاپور علاج عثمان ہادی کو چیف ایڈوائزر انقلاب منچہ علاج کے لیے
پڑھیں:
دوسرا ون ڈے: پاکستان کا ٹاس جیت کر بولنگ کرنے کا فیصلہ
پاکستان نے آسٹریلیا کے خلاف دوسرے ون ڈے میچ میں ٹاس جیت کر پہلے بولنگ کرنے کا فیصلہ کیا ہے۔
لاہور میں کھیلے جارہے میچ میں پاکستان ٹیم میں کوئی تبدیلی نہیں کی گئی ہے جبکہ آسٹریلوی ٹیم میں ایک تبدیلی ہوئی ہے۔
???? TOSS & PLAYING XI ????
Pakistan win the toss and opt to field first ????
Unchanged team for the second ODI ????????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS |… pic.twitter.com/fj13lMs1Wv
آسٹریلیا نے بلی اسٹینلیک کی جگہ ایڈم زیمپا کو ٹیم میں شامل کیا ہے۔
پاکستان ٹیم کو تین ون ڈے میچز کی سیریز میں 0-1 کی برتری حاصل ہے۔
پہلے میچ میں پاکستان ٹیم نے 5 وکٹوں سے با آسانی فتح حاصل کی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ