کیپٹو پاور پلانٹس کیلئے لیوی فی MMBTU1243 روپے مقرر
اشاعت کی تاریخ: 18th, February 2026 GMT
اسلام آباد(نیوزڈیسک)کیپٹو پاور پلانٹس کے لئے گیس اور ایل این جی کے استعمال پر لیوی بڑھا کر ایک ہزار 243 روپے فی ایم ایم بی ٹی یو کردی گئی ہے۔
آئی ایم ایف کی شرط پر حکومت نے آف گرڈ کیپٹو پاور پر لیوی عائد کی تھی۔ ڈی جی گیس نے کیپٹو پاور پلانٹس کیلئے لیوی میں اضافے کا نوٹیفیکیشن جاری کردیا ہے۔ نئے اضافہ لیوی ایکٹ کے سیکشن تین کے تحت وصول کیا جائے گا۔
کیپٹو پاور پلانٹس کیلئے شرح دسمبر 2025 کے لیے مقرر کی گئی ہے، لیوی ایکٹ کے تحت متعلقہ مدت کیلئے لیوی کی شرح مقرر کی ہے ۔ حکومت نے رواں سال اس لیوی سے 105 ارب آمدن کا ہدف مقرر کر رکھا ہے ۔
اگست 2025 کے لیے لیوی کی شرح 690 روپے فی ایم ایم بی ٹی یو ، اپریل کیلئے 577، مئی کیلئے 550 اور جون کیلئے 402 روپے فی ایم ایم بی ٹی یو مقرر کی تھی۔
.
ذریعہ
ذریعہ: Daily Mumtaz
کلیدی لفظ: کیپٹو پاور پلانٹس
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی