قبضوں اور تجاوزات کے خاتمے کیلیے آپریشن تیز کیا جائے، ندیم ابڑو
اشاعت کی تاریخ: 22nd, January 2025 GMT
نوشہرو فیروز (نمائندہ جسارت) کمشنر شاہد بینظیر آباد ڈویژن ندیم احمد ابڑو نے کہا ہے کہ تمام محکموں کے افسران ٹیم بن کر کام کریں تاکہ عوامی مسائل حل ہو سکیں اور عام لوگوں کو ریلیف مل سکے۔ کمیٹی روم میں ضلعی حکومت کے تمام محکموں کے کمشنر شاہد بینظیر آباد نے کہا کہ تعلیم، صحت سمیت ضروری عوامی اسکیموں کو بروقت مکمل کیا جائے تاکہ قومی رقم کا صحیح استعمال ہو اور عوام کو فوائد مل سکیں۔ کمشنر، ڈپٹی کمشنر نوشہروفیروز محمد ارسلان سلیم اور تمام اضلاع کے اسسٹنٹ کمشنرز کو ہدایت کی کہ حکومت جائیدادوں پر قبضوں اور تجاوزات کے خاتمے کے لیے آپریشن تیز کرے، جبکہ تمام محکموں کے افسران اپنے اپنے محکموں کی جائیدادوں کی حفاظت کے لیے اقدامات کریں۔ کمشنر نے ضلعی محکمہ تعلیم کے افسران کو ہدایات دیتے ہوئے کہا کہ وہ اسکولوں سے باہر بچوں کو داخل کرانے کے لیے اقدامات کریں تاکہ بچوں کو تعلیم کے زیور سے آراستہ کیا جا سکے۔ کمشنر شہید بینظیر آباد ڈویژن ندیم احمد ابڑو نے ضلعی انتظامیہ کو کسی بھی حادثے یا ہنگامی صورتحال سے نمٹنے کے لیے منصوبہ بندی کرنے کی ہدایت بھی کی۔ اس سے قبل ڈپٹی کمشنر نوشہرو فیروز محمد ارسلان سلیم نے کمشنر کو صحت، تعلیم، زراعت، لائیو اسٹاک، سڑکوں، عمارتوں، دیگر ترقیاتی منصوبوں اور عوامی سہولیات اور ضلع کے مسائل سے آگاہ کیا۔
.ذریعہ: Jasarat News
کلیدی لفظ: کے لیے
پڑھیں:
نجی اسپتال کی سفاکیت ، بل وصولی کیلیے خاتون کا نومولود بچہ فروخت کردیا
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر قائد کے علاقے میمن گوٹھ میں اسپتال کے اخراجات ادا کرنے کیلیے نومولود کو فروخت کرنے کا انکشاف ہوا جسے خاتون نے خرید کر پنجاب میں کسی کو پیسوں کے عوض دے دیا تھا۔ میمن گوٹھ میں قائم نجی اسپتال میں شمع نامی حاملہ خاتون ڈاکٹر سے معائنہ کروانے کیلیے گئی تو وہاں پر ڈاکٹر نے زچگی آپریشن کیلیے رقم کی ادائیگی کا مطالبہ کیا خاتون نے جب ڈاکٹر سے رقم نہ ہونے کا تذکرہ کیا تو انہوں نے بتایا کہ ایک خاتون بچے کی خواہشمند ہے اور وہ بچے کو ناصرف پالے گی بلکہ آپریشن کے اخراجات بھی ادا کردے گی۔ خاتون کے آپریشن کے بعد لڑکے کی پیدائش ہوئی جسے ڈاکٹر نے مذکورہ خاتون کے حوالے کیا جس پر والد سارنگ نے مقدمہ درج کروایا۔ والد سارنگ نے مقدمے میں بتایا کہ وہ جامشورو کے علاقے نوری آباد کے جوکھیو گوٹھ کا رہائشی ہے۔ پانچ اکتوبر کو اہلیہ اپنی والدہ کیساتھ معائنے کیلیے کلینک گئی تو ڈاکٹر زہرا نے آپریشن تجویز کرتے ہوئے رقم کی ادائیگی کا مطالبہ کیا رقم نہ ہونے پر ڈاکٹر نے مشورہ دیا کہ وہ ایک عورت کو جانتی ہے جو غریبوں کی مدد کرتی اور غریب بچوں کو پالتی ہے سارنگ کے مطابق ڈاکٹر نے مشورہ دیا کہ وہ عورت ناصرف بچے کو پالے گی بلکہ آپریشن کے تمام اخراجات بھی ادا کردے گی جس پر میری اہلیہ نے رضامندی ظاہر کی تو خاتون شمع بلوچ نے آکر اخراجات ادا کیے اور بچہ لے کر چلی گئی والد کے مطابق مجھے جب لڑکے کی پیدائش کا علم ہوا تو اسپتال پہنچا جہاں پر یہ ساری صورتحال سامنے آئی اور پھر اہلیہ نے شمع بلوچ نامی خاتون کا نمبر دیا شوہر نے مؤقف اختیار کیا کہ مجھے شبہ ہے کہ شمع نامی خاتون نے میرا بچہ کسی اور کو فروخت کر دیا ہے لہٰذا قانونی کارروائی کی جائے۔ اینٹی وائلنٹ کرائم سیل نے کارروائی کرتے ہوئے پنجاب سے بچے کو بازیاب کروا کے والدین کے حوالے کردیا جبکہ اسپتال کو سیل کردیا ہے۔ پولیس کے مطابق شمع بلوچ اسپتال کی ملازمہ ہے اور اس نے ڈاکٹر زہرا کے ساتھ مل کر یہ کام انجام دیا۔ ایس ایس پی ملیر عبدالخالق پیرزادہ کے مطابق بچے کو شمع بلوچ اور ڈاکٹر زہرا نے مل کر پنجاب میں فروخت کردیا تھا۔
کراچی، نادرن بائی پاس پر پلاسٹک کے گودام میں آگ لگ گئی