وزیرخزانہ کا سعودی اور قطر کے وزرائے خزانہ سے سرمایہ کاری کے فروغ پر تبادلہ خیال
اشاعت کی تاریخ: 22nd, January 2025 GMT
DAVOS:
وفاقی وزیرخزانہ نے ورلڈ اکنامک فورم کے دوران سعودی عرب اور قطر کے وزرائے خزانہ سے ملاقات میں دو طرفہ معاشی تعلقات مضبوط بنانے اور سرمایہ کاری کے فروغ پر تبادلہ خیال کیا۔
وزیر خزانہ محمد اورنگزیب نے ورلڈ اکنامک فورم کے موقع پر سعودی عرب اور قطر کے وزرائے خزانہ سے بالمشافہ ملاقاتیں کیں اور اپنے دونوں ہم منصبوں سے علیحدہ ملاقاتوں میں باہمی سفارتی و معاشی تعاون اور سرمایہ کاری کے فروغ کے طریقوں پر تبادلہ خیال کیا۔
وزیر خزانہ نے سعودی عرب کے وزیر خزانہ محمد بن عبداللہ الجدان کے ساتھ ملاقات میں پاکستان کے معاشی اصلاحات کے ایجنڈے پر بات کی اور پاکستانی معیشت کے استحکام اور پائیدار ترقی کے حصول کی کوششوں سے آگاہ کیا۔
انہوں نے ڈھانچہ جاتی اصلاحات، مالیاتی نظم وضبط اور ریگولیٹری نظام کے باعث ملک میں سرمایہ کاری کی فضا بہتر ہونے پر روشنی ڈالی۔
دونوں وزرائے خزانہ نے علاقائی معاشی ترقی اور باہمی سرمایہ کاری اور مالیاتی تعاون بڑھانے کے طریقوں پر تبادلہ خیال کیا، دونوں ممالک کے مابین برادرانہ تاریخی رشتوں کو مضبوط بنانے اور تجارت، انفرا اسٹرکچر اور توانائی کے شعبوں میں تعاون کو مزید فروغ دینے کا عزم کیا۔
دونوں وزرائے خزانہ نے دونوں ممالک کے مشترکہ استحکام اور خوش حالی کے لیے معاشی و تجارتی رشتوں کو مزید مضبوط بنانے کا عہد کیا۔
وزیر خزانہ محمد اورنگزیب نے اس کے بعد ڈیووس میں قطر کے وزیر خزانہ علی احمد الکوری سے بھی بالمشافہ ملاقات کی اور انہیں کو پاکستان میں حالیہ مہینوں میں حاصل ہونے والے معاشی استحکام اور معاشی اشاریوں میں خاطر خواہ بہتری سے آگاہ کیا۔
محمد اورنگزیب نے اپنے قطری ہم منصب کو پاکستان کی عالمی مالیاتی ریٹنگ میں بہتری اور ملک میں مالیاتی اور میکرواکنامک استحکام اور پائیدار ترقی کے حصول کی کاوشوں سے آگاہ کیا۔
انہوں نے پاکستان میں معاشی استحکام کے نتیجے میں ملک میں غیرملکی سرمایہ کاری بالخصوص قطر سمیت دوست ممالک کے لیے سرمایہ کاری کے پرکشش مواقع پیدا ہونے کا ذکر کیا۔
دونوں وزرائے خزانہ نے پاکستان اور قطر کے مابین گہرے دوستانہ تعلقات مضبوط بنانے اور دونوں ممالک کے درمیان باہمی معاشی تعاون کو مزید فروغ دینے کا عزم کیا۔
.ذریعہ: Express News
کلیدی لفظ: پر تبادلہ خیال سرمایہ کاری کے استحکام اور اور قطر کے ممالک کے
پڑھیں:
بلیو اکانومی پاکستانی معیشت کیلیے گیم چینجر ثابت ہوگی، وفاقی وزیر خزانہ
data-id="863a0a8" data-element_type="widget" data-widget_type="theme-post-content.default">
251105-01-15
کراچی (اسٹاف رپورٹر) وفاقی وزیر خزانہ محمد اورنگزیب نے کہا ہے کہ بلیو اکانومی پاکستانی معیشت کے لیے گیم چینجر ثابت ہوگی۔ پاکستان انٹرنیشنل میری ٹائم ایکسپو اینڈ کانفرنس 2025 ء سے ورچوئل خطاب کرتے ہوئے ان کا کہنا تھا کہ پاکستانی معیشت درست سمت میں گامزن ہے، بلیو اکانومی معیشت میں انقلاب برپا کر سکتی ہے، حکومت معیشت میں بنیادی اصلاحات کے ایجنڈے پر عمل کر رہی ہے، بنیادی اصلاحات مستحکم ترقی کے لیے ناگزیر ہیں۔انہوں نے کہا کہ معاشی استحکام کے لیے ڈھائی سال میں ٹھوس اقدامات کئے گئے ہیں، افراط زر اور پالیسی ریٹ میں بڑی کمی آئی ہے، 3 گلوبل ریٹنگ ایجنسی نے پاکستان کے معاشی اقدامات کی تعریف کی ہے۔محمد اورنگزیب کا کہنا تھا کہ تجارت اور معیشت کے استحکام کے لیے دوست ممالک کا تعاون حاصل ہے، کراچی گوادر اور پورٹ قاسم کی بندرگاہوں کو جدید بنانے کے لیے اقدامات کیے جا رہے ہیں، معیشت کی ترقی کے لیے وزارتوں کے درمیان بہترین ہم آہنگی ہے، وزارت خزانہ معاشی استحکام کے لیے ہر ممکن تعاون کرے گی۔
کراچی، نادرن بائی پاس پر پلاسٹک کے گودام میں آگ لگ گئی