پی ٹی آئی کا بنیادی انسانی حقوق سے متعلق سیمینار کرانے کا فیصلہ
اشاعت کی تاریخ: 23rd, January 2025 GMT
پاکستان تحریک انصاف (پی ٹی آئی) کے بانی چیئرمین و سابق وزیراعظم عمران خان نے ملک میں بنیادی انسانی حقوق کی خلاف ورزیوں کا معاملہ بین الاقوامی سطح پر اجاگر کرنے کے لیے پارٹی کو ہدایات جاری کردی ہیں۔
ذرائع کے مطابق، پی ٹی آئی نے ملک میں بنیادی انسانی حقوق کے معاملے پر بین الاقوامی کانفرنس منعقد کرنے کا فیصلہ کیا ہے، جس میں غیرملکی سفرا و صحافیوں اور انسانی حقوق کی تنظیموں کے نمائندگان کو مدعو کیا جائے گا۔
یہ بھی پڑھیں: پی ٹی آئی نے امریکا کی جانب سے پاکستانی کمپنیوں پر پابندی عائد کرنے کی مخالفت کردی
ذرائع نے بتایا ہے کہ یہ سیمینار فروری کے مہینے میں اسلام آباد یا پشاور میں منعقد کرنے پر غور جاری ہے، سیمینار میں 26 نومبر کے واقعہ سے متعلق دستاویزی فلم تیار کی جائے گی، اس کے علاوہ فوجی عدالتوں کی تحویل میں رہنے والے کارکنان پر مبینہ تشدد سے متعلق بھی غیرملکی مہمانوں کو آگاہ کیا جائے گا۔
ذرائع نے اس حوالے سے مزید بتایا کہ سانحہ 26 نومبر میں پی ٹی آئی کے ورکرز کی ہلاکتوں کی فہرست اور لاپتا افراد کی تفصیلات سے بھی شرکا کو آگاہ کیا جائے گا۔
یہ بھی پڑھیں: پی ٹی آئی احتجاج پر امریکا نے واضح پالیسی بیان دے دیا
خیال رہے کہ امریکی صدر ڈونلڈ ٹرمپ کے حلف کے بعد پی ٹی آئی نے ملکی و غیرملکی سطح پر ملک میں ہونے والے بنیادی انسانی حقوق کی خلاف ورزیوں کو اجاگر کرنے کا سلسلہ تیز کر دیا ہے۔ اس سلسلے میں غیرملکی تنظیموں کو بھی خطوط لکھنے کا فیصلہ کیا گیا ہے۔
پی ٹی آئی نے امریکی کانگریس ارکان سے کیا مطالبہ کیا؟دوسری جانب جمعرات کو امریکا کے ارکان کانگریس کے لیے بھی پاکستانی امریکی فیزیشنز نے ایک بریفینگ کا اہتمام کیا تھا۔ اس بریفنگ کے دوران ملک میں ہونے والی مبینہ انسانی حقوق کی خلاف ورزیوں پر امریکی ارکان کانگریس سے پاکستان کے آرمی چیف جنرل عاصم منیر اور وزیر داخلہ محسن نقوی پر پابندیاں لگانے کا مطالبہ کیا گیا ہے۔
یہ بھی پڑھیں: ڈونلڈ ٹرمپ کی واپسی، پی ٹی آئی کے لیے واقعی اچھی خبر؟ سپریم کورٹ میں رسہ کشی کیا گل کھلائے گی؟
جمعرات کو ہونے والی اس بریفنگ میں یہ الزام عائد کیا گیا ہے کہ پاکستان میں بنیادی انسانی حقوق کی خلاف ورزیوں کی ذمہ داری پاکستان فوج پر عائد ہوتی ہے، اس لیے امریکا پاکستانی فوج کے ساتھ تعلقات پر نظرثانی کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
26 نومبر wenews امریکا امریکی کانگریس ارکان بنیادی انسانی حقوق پاکستان تحریک انصاف پی ٹی آئی سیمینار صدر ڈونلڈ ٹرمپ عمران خان منعقد.ذریعہ: WE News
کلیدی لفظ: امریکا امریکی کانگریس ارکان بنیادی انسانی حقوق پاکستان تحریک انصاف پی ٹی ا ئی صدر ڈونلڈ ٹرمپ انسانی حقوق کی خلاف ورزیوں بنیادی انسانی حقوق پی ٹی ا ئی ملک میں کے لیے
پڑھیں:
پاکستان میں آئین کے بنیادی ڈھانچے کو تبدیل کیا جا رہا ہے:بیرسٹر سلمان اکرم
راولپنڈی : پی ٹی آئی کے سیکریٹری جنرل سلمان اکرم راجا نے کہا ہے کہ ملک میں آئین کے بنیادی ڈھانچے کو تبدیل کیا جا رہا ہے۔پاکستان تحریک انصاف کے مرکزی سیکریٹری جنرل بیرسٹر سلمان اکرم راجا نے اڈیالہ جیل کے باہر میڈیا سے مختصر گفتگو کرتے ہوئے کہا ہے کہ پاکستان میں آئین کے بنیادی ڈھانچے کو تبدیل کیا جا رہا ہے۔بیرسٹر سلمان اکرم راجا جو آج بانی پی ٹی آئی عمران خان سے ملاقات کے لیے اڈیالہ جیل پہنچے ہیں۔ انہوں نے بتایا کہ عمران خان سے ملاقات سے متعلق ہائیکورٹ نے خصوصی احکامات دیے ہیں اور میں نے ہائیکورٹ کا یہ آرڈر ایس ایچ او کو واٹس ایپ کر دیا ہے۔ان کا کہنا تھا کہ اسلام ہائیکورٹ کے جسٹس ارباب نے ایڈووکیٹ جنرل کو بانی سے ملاقات کرنے کا حکم دیا ہے اور عدالتی حکم کی کاپی میرا ایسوسی ایٹ لے کر آ رہا ہے۔
کراچی، نادرن بائی پاس پر پلاسٹک کے گودام میں آگ لگ گئی