انٹربینک اور اوپن مارکیٹ میں ڈالر کمزور، روپیہ تگڑا
اشاعت کی تاریخ: 23rd, January 2025 GMT
کراچی:
معاشی میدان میں بہترین اور قرض ملنے جیسے عوام کی امید کیوجہ سے انٹربینک اور اوپن مارکیٹ میں ڈالر کی نسبت روپیہ تگڑا رہا۔
ایکسپریس نیوز کے مطابق حکومت کی ملک میں خدمات فراہم کرنے والے ایک غیرملکی بینک 300ملین ڈالر کا تجارتی قرض حاصل کرنے کے علاوہ مشرق وسطی کے دو بینکوں سے ایک ارب ڈالر کا قرضہ ملنے کی اطلاعات اور جون 2025 تک 200ملین سے 250ملین ڈالر کے پانڈا بانڈز کے اجراء جیسے عوامل کے باعث ذرمبادلہ کی دونوں مارکیٹوں میں جمعرات کو ایک پھر ڈالر کی نسبت روپیہ تگڑا رہا۔
مارکیٹ ٹریژری بلوں کی کم ایلڈ پر نیلامی سے نئی مانیٹری پالیسی میں شرح سود میں مزید کمی سے معیشت میں ذرمبادلہ کی طلب بڑھنے، اڑان پاکستان پروگرام کے تحت برآمدات بڑھانے کی پالیسی سے درآمدی نوعیت کی ڈیمانڈ میں اضافے جیسے خدشات بھی ذرمبادلہ کی دونوں مارکیٹوں میں پائے گئے۔
طلب محدود ہونے سے ڈیمانڈ اور سپلائی متوازن رہی جس سے کاروبار کے تمام دورانیے میں ڈالر تنزلی سے دوچار رہا۔
انٹربینک مارکیٹ میں کاروباری دورانیے کے دوران ڈالر کی قدر ایک موقع پر 28پیسے کی کمی سے 278روپے 57پیسے کی سطح پر بھی آگئی تھی لیکن سپلائی میں بہتری آتے ہی مارکیٹ فورسز کی ڈیمانڈ آنے سے کاروبار کے اختتام پر ڈالر کی قدر 13پیسے کی کمی سے 278روپے 72پیسے کی سطح پر بند ہوئی۔
اوپن کرنسی مارکیٹ میں بھی ڈالر کی قدر 13پیسے کی کمی سے 281روپے 13پیسے کی سطح پر بند ہوئی۔
.ذریعہ: Express News
کلیدی لفظ: مارکیٹ میں ڈالر کی
پڑھیں:
مثبت خبروں نے اسٹاک مارکیٹ سنبھال لی، انڈیکس میں 5,200 پوائنٹس کا اضافہ
پاکستان اور افغانستان کے درمیان امن مذاکرات کی بحالی پر اتفاق کے بعد سرمایہ کاروں کے اعتماد میں بہتری دیکھنے میں آئی، جس کے نتیجے میں پاکستان اسٹاک ایکسچینج میں مثبت رجحان لوٹ آیا۔
جمعے کے روز کاروباری سیشن کے دوسرے حصے میں کے ایس ای 100 انڈیکس میں 5,200 سے زائد پوائنٹس کا شاندار اضافہ ریکارڈ کیا گیا۔
یہ بھی پڑھیں: سرمایہ کاروں کا اعتماد اسٹاک ایکسچینج میں بہتری کا باعث، کیا معیشت مستحکم ہورہی ہے؟
شام 4 بج کر 10 منٹ پر بینچ مارک انڈیکس 161,975.61 پوائنٹس پر موجود تھا، جو 5,242.74 پوائنٹس یعنی 3.35 فیصد اضافے کی نشاندہی کرتا ہے۔
Market is up at midday ????
⏳ KSE 100 is positive by +3245.61 points (+2.07%) at midday trading. Index is at 159,978.48 and volume so far is 212.87 million shares (12:00 PM) pic.twitter.com/k1AkvAtIYy
— Investify Pakistan (@investifypk) October 31, 2025
کاروباری سرگرمیوں میں نمایاں خریداری دلچسپی آٹوموبائل اسمبلرز، سیمنٹ، کمرشل بینکس، آئل اینڈ گیس ایکسپلوریشن، آئل مارکیٹنگ کمپنیاں، بجلی کی پیداوار اور ریفائنری سیکٹرز میں دیکھی گئی۔
بڑے شیئرز مثلاً حبکو، ماری، او جی ڈی سی، پی پی ایل، پی او ایل، پی ایس او، ایس ایس جی سی اور ایس این جی پی ایل سب کے سب مثبت زون میں رہے۔
مزید پڑھیں: اسٹاک ایکسچینج میں شدید مندی، 32 گھنٹوں کے دوران انڈیکس میں 36,00 سے زائد پوائنٹس کی کمی
ماہرین کے مطابق، امن مذاکرات کی بحالی اور جنگ بندی میں توسیع کی خبر کے بعد مارکیٹ میں اعتماد بحال ہوا ہے۔
اس پیش رفت نے جغرافیائی سیاسی خدشات کم کیے ہیں اور سرمایہ کاروں کی دلچسپی دوبارہ جاگ اٹھی ہے۔
البتہ حالیہ کارپوریٹ نتائج توقعات پر پورے نہیں اترے، جس سے کچھ حد تک جوش میں کمی آئی ہے۔
ترکیہ کی وزارت خارجہ کے مطابق، پاکستان اور افغانستان نے 6 نومبر کو استنبول میں امن مذاکرات دوبارہ شروع کرنے اور اس دوران جنگ بندی برقرار رکھنے پر اتفاق کیا ہے۔
مزید پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
بیان میں کہا گیا ہے کہ تمام فریقین نے جنگ بندی جاری رکھنے پر اتفاق کیا ہے، اس کے نفاذ کی تفصیلات 6 نومبر 2025 کو استنبول میں ہونے والے اعلیٰ سطحی اجلاس میں طے کی جائیں گی۔
جمعرات کو اسٹاک ایکسچینج میں شدید مندی رہی تھی، جب کے ایس ای 100 انڈیکس 1,732 پوائنٹس یعنی 1.09 فیصد گر کر 156,732.87 پوائنٹس پر بند ہوا تھا۔
بین الاقوامی سطح پر بھی جمعے کو ایشیائی مارکیٹس میں مثبت رجحان دیکھا گیا، جہاں ایمیزون اور ایپل کے شاندار مالی نتائج نے وال اسٹریٹ اور عالمی مارکیٹوں میں بہتری پیدا کی۔
ایمیزون کے شیئرز 13 فیصد بڑھنے سے اس کی مارکیٹ ویلیو میں 300 ارب ڈالر کا اضافہ ہوا، جبکہ ایپل کے شیئرز 2.3 فیصد اوپر گئے۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
ایم ایس سی آئی ایشیا پیسیفک انڈیکس میں بھی 0.2 فیصد اضافہ ہوا، اگرچہ چینی حصص میں کمی نے کچھ اثر ڈالا۔
مجموعی طور پر یہ انڈیکس ہفتہ وار 1.8 فیصد اور ماہانہ 4.7 فیصد کے اضافے کی طرف گامزن رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استنبول افغانستان امن مذاکرات ایپل پاکستان اسٹاک ایکسچینج جنگ بندی سرمایہ کار کارپوریٹ مثبت رجحان
امریکا میں عوامی احتجاج و غزہ پر مشترکہ حملے کی تیاری، علامہ عقیل انجم قادری کا خصوصی انٹرویو