کراچی: خوفناک آتشزدگی سے گارمنٹس فیکٹری کی عمارت زمین بوس، 4 ریسکیو اہلکار زخمی
اشاعت کی تاریخ: 9th, September 2025 GMT
کراچی میں گارمنٹس فیکٹری میں خوفناک آگ بجھانے کے دوران 3 منزلہ عمارت زمین بوس ہوگئی جب کہ ملبے تلے دب کر ریسکیو اہلکاروں سمیت 4 افراد زخمی ہوگئے جنہیں طبی امداد کے لیے اسپتال منتقل کردیا گیا۔
رپورٹ کے مطابق نیو کراچی سیکٹر 8 اے میں گارمنٹس فیکٹری میں صبح 6 کے قریب آگ بھڑک اٹھی، واقعے کی اطلاع ملتے ہی محکمہ فائر بریگیڈ کی 2 گاڑیاں موقع پر پہنچیں اور آگ کی شدت میں اضافے کے بعد مزید گاڑیوں کو طلب کرلیا گیا۔
ترجمان فائر بریگیڈ نے کہا کہ آگ کی شدت بہت زیادہ ہے، آگ پر قابو پانے کی کوشش کر رہے ہیں، 10 فائر ٹینڈرز اور اسنارکل آگ بجھانے میں مصروف ہیں۔
فائربریگیڈ حکام نے بتایا کہ پانی اور فوم کی مدد سے فائر فائٹنگ کا عمل جاری ہے، 3 منزلہ فیکٹری کے اندر کوئی شخص موجود نہیں، آگ گراؤنڈ فلور پر لگی، شدت برقرار ہے۔
چیف فائر افسر ہمایوں خان نے کہا کہ فائر بریگیڈ کی مزید گاڑیاں بھی روانہ کی گئی ہیں، ریسکیو آپریشن میں کے ایم سی کی 8 فائر ٹینڈر، 2 باؤزر، 1 اسنارکل اور ریسکیو 1122 کے 5 فائر ٹرک اور 1 ایمبولینس حصہ لے رہی ہے، آگ کو مزید پھیلنے سے روکنے کی کوشش کر رہے ہیں۔
ترجمان ریسکیو 1122 نے بتایا کہ آگ پر قابو پانے کے دوران اس کی شدت سےعمارت منہدم ہوگئی، عمارت کے ملبے سے زخمیوں کو نکال کر اسپتال منتقل کردیا گیا، عمارت میں فائر فائٹرز اور ریسکیو اہلکار موجود تھے۔
کے ایم سی کے 4 فائر فائٹرز زخمی ہوئے، جنہیں اسپتال منتقل کردیا گیا، فائر بریگیڈ حکام نے بتایا کہ ملبے میں مزید کسی فائر فائٹر یا ریسکیو ورکر کے دبے ہونے کی اطلاع نہیں، احتیاطاً ملبے میں سرچ اینڈ ریسکیو آپریشن کیا جارہا ہے۔
آگ نے متاثرہ فیکٹری سے متصل دو فیکٹریوں کو بھی اپنی لپیٹ میں لے لیا، فائر بریگیڈ حکام
نے کہا کہ 11 فائر ٹینڈرز اور اسنارکل کی مدد سے آگ بجھانے کا عمل جاری ہے۔
7 اگست کو لانڈھی ایکسپورٹ پروسسنگ زون میں آگ لگنے سے 5 منزلہ فیکٹری ملبے کا ڈھیربن گئی تھی، واقعے میں 7 افراد زخمی ہوئے تھے جبکہ آتشزدگی سے متصل 4 فیکٹریاں بھی متاثر ہوئی تھیں۔
.
ذریعہ
ذریعہ: Express News
کلیدی لفظ: فائر بریگیڈ ریسکیو ا
پڑھیں:
لاہور کی رہائشی خاتون کی منشیات برآمدگی کیس میں ضمانت منظور
سپریم کورٹ نے لاہور کی رہائشی خاتون کی منشیات برآمدگی کے کیس میں 5 لاکھ روپے کے مچلکوں کے عوض ضمانت منظور کر لی۔
جسٹس ہاشم کاکڑ کی سربراہی میں 3 رکنی بینچ نے لاہور کی رہائشی خاتون کے خلاف منشیات برآمدگی کے کیس کی سماعت کی۔
دوران سماعت ملزمہ کے وکیل نے اے این ایف ریڈ کی سی سی ٹی وی فوٹیج چلائی، عدالت نے ملزمہ کے گھر کی سی سی ٹی وی فوٹیج کا فرانزک کرانے کا حکم دے دیا۔
پولیس کے مطابق ایک کیس میں ملزمہ کے قبضے سے دستی بم بھی برآمد ہوا تھا۔
ملزمہ کے وکیل احسن بھون نے کہا ہے کہ واضح دیکھا جاسکتا ہے کہ اے این ایف اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرۂ عدالت میں موجود ہے۔
اے این ایف کے اہلکار نے فوٹیج میں موجودگی کی تردید کر دی۔
جس پر جسٹس اشتیاق ابراہیم نے کہا کہ اے این ایف کے اسلحہ بردار اہلکار تشدد کرتے نظر آرہے ہیں۔
اے این ایف کے وکیل نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے کہا کہ اے این ایف کے 10 اہلکار تھے مگر 2 لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
ملزمہ کے وکیل احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے اے این ایف کے وکیل سے کہا کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرۂ عدالت میں جھوٹ نہ بولیں۔
جسٹس ہاشم کاکڑ نے کہا کہ اے این ایف کیا کر رہا ہے، ملزمان تحویل میں ہوتے مار دیے جاتے ہیں، ایک کیس میں ملزم کی ہتھ کڑیوں کے ساتھ تصویر تھی جو اگلے روز مار دیا گیا، جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف کے اہلکار سے استفسار کیا کہ آپ نے کبھی چرس پی ہے؟ جس پر اہلکار نے کہا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے، جس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ